Home ព័ត៌មានជាតិ សង្គម ​អាជ្ញាធរ​ជាត...

​អាជ្ញាធរ​ជាតិ​អប្សរា បើក​កិច្ចប្រជុំ​សវនកម្ម​ផ្ទៃក្នុង គ្រប់​នាយកដ្ឋាន និង​អង្គភាព​ចំណុះ

ដោយៈ ទេព មង្គល / សៀមរាបៈ ប្រភពព័ត៌មាន​ពី អាជ្ញាធរ​ជាតិ​អប្សរា តាមរយៈ​ការផ្សាយ​លើ​ទំព័រ​ហ្វេ​ស​ប៊ុ​ក​របស់ខ្លួន បានឱ្យដឹងថា នៅ​ថ្ងៃទី​២៤ ខែវិច្ឆិកា ឆ្នាំ​២០២០ អង្គភាព​ប្រព័ន្ធគ្រប់គ្រង​បរិស្ថាន -​អង្គរ នៃ​អាជ្ញាធរ​ជាតិ​អប្សរា បាន​បើក​កិច្ចប្រជុំ​សវនកម្ម​ផ្ទៃក្នុង គ្រប់​នាយកដ្ឋាន និង​អង្គភាព​ចំណុះ ដើម្បី​បញ្ជា​ក់នូវ​ភាព អនុលោម​ជាប្រចាំ នៃ​ប្រព័ន្ធគ្រប់គ្រង​បរិស្ថាន​អង្គរ តាម​តម្រូវការ នៃ​ស្តង់ដារ ISO-14001:2015 នៅក្នុង​រយៈពេល នៃ​ការអនុវត្ត​បន្ត ពី​សវនកម្ម​ឆ្នាំមុន​។​

​លោក យិ​ត ចាន់​ដារ​ដ្ឋ អគ្គនាយករង នៃ​អាជ្ញាធរ​ជាតិ​អប្សរា បាន​មានប្រសាសន៍ ក្នុង​កម្មវិធី​បើក​សវនកម្ម​ផ្ទៃក្នុង​ថាៈ បរិស្ថាន​នៅទីនេះ ផ្តោតលើ​ធាតុ ២ សំខាន់ គឺ​ធម្មជាតិ និង​វប្បធម៌ ជា​អ្វីៗ ដែល​ស្ថិតនៅ​ជុំវិញខ្លួន​យើង ហើយ​កត្តា​ទាំង​២​នេះ គឺមាន​ការចូលរួមរ​ប​ស់មនុស្ស ជា​អ្នកជំរុញ​ការងារ ឱ្យមាន​ភាព​ប្រទាក់ក្រឡា និង​សុខដុមរមនា​ជាមួយគ្នា ដោយ​មិនអាច​ខ្វះ មួយណា​បានឡើយ​។​

​លោក​បាន​រំឭកថាៈ តាំងពី​ឆ្នាំ​២០០៦ មក អាជ្ញាធរ​ជាតិ​អប្សរា បានទទួល​វិញ្ញាបនបត្រ ៥ ដង រួចមកហើយ ដែល​ឆ្លងកាត់​ការវាយតម្លៃ យ៉ាង​ហ្មត់ចត់ ពី​ស្ថាប័ន​ធានា​គុណភាព​ជប៉ុន Japan Quality Assurance (JQA)​។ ភាពជោគជ័យ​ទាំងអស់ បានមកពី​ការយកចិត្តទុកដាក់ របស់​ថ្នាក់ដឹកនាំ មន្ត្រី​-​បុគ្គលិក របស់​អាជ្ញាធរ​ជាតិ​អប្សរា ដែល​សហការគ្នា រវាង​នាយកដ្ឋាន​នីមួយៗ ក្នុងការ​ជំរុញ​កិច្ចការងារ​បរិស្ថាន​នេះ​។​

​លោក សុខ លក្ខិណា ទីប្រឹក្សា​អាជ្ញាធរ​ជាតិ​អប្សរា និង​ជា​ប្រធាន​អង្គភាព ប្រព័ន្ធគ្រប់គ្រង​ប្រព័ន្ធ​បរិស្ថាន​-​អង្គរ បានបញ្ជាក់​ថាៈ គោលបំណង​សំខាន់ នៃ​ការធ្វើ​សវនកម្ម គឺ​ដើម្បី​កំណត់ថា ប្រព័ន្ធគ្រប់គ្រង​បរិស្ថាន នៃ​អាជ្ញាធរ​ជាតិ​អប្សរា អនុលោម​ទៅតាម​កម្មវត្ថុ ការព្រមព្រៀង ទៅតាម​គ្រោងទុក​ដែរ ឬទេ​? តើ​គ្រប់​នាយកដ្ឋាន​ទាំងអស់ បាន​អនុវត្តតាម​ផែនការ សកម្មភាព​របស់ខ្លួន អនុលោម​តាម​ចំណុច​ទាមទារ​ទាំងឡាយ របស់​ស្តង់ដារ ISO-14001:2015 ដែរ​ទេ​?​។​

​លោក​បាន​បន្តថាៈ ការបើក​សវនកម្ម​ផ្ទៃក្នុង នៅពេលនេះ ក្នុង​គោលបំណង ដើម្បី​ត្រៀមលក្ខណៈ​ជាមុន និង​ពិនិត្យ​ឱ្យឃើញ នូវ​ភាព​អនុលោម និង​ភាពមិន​អនុលោម ទាំងឡាយ សំដៅ​កែលម្អ ត្រៀមលក្ខណៈ​ទទួល ធ្វើ​សវនកម្ម​ផ្ទៃក្រៅ ៕/V

ទីតាំងផ្សាយពាណិជ្ជកម្ម

- Advertisment -

Most Popular