Home ព័ត៌មានអន្តរជាតិ ហ្វូង​កណ្តូប​...

ហ្វូង​កណ្តូប​អុកឡុក​ទ្វីបអាហ្វ្រិក​សាជាថ្មី នាំ​ឱ្យ​បារម្ភ​អំពី​គ្រោះ​ទុរភិក្ស​

​ប្រែ​សម្រួល : កញ្ញា​ដា​លី​ស ៖ ជា​លើក​ទី​៣ ក្នុង​ឆ្នាំនេះ ហ្វូង​សត្វ​កណ្តូប​កំពុង​លុកលុយ​ចូល​ទ្វីបអាហ្វ្រិក​ភាគ​ខាងកើត ដោយ​បង្ក​គ្រោះថ្នាក់​ដល់​ការផ្គត់ផ្គង់​ស្បៀង​អាហារ​នៅក្នុង​តំបន់ កន្លែង​ដែល​គ្រោះ​​ទុរភិក្ស​តែងតែ​ប៊ិះ​កើតឡើង​និង​សង្គ្រាម​ស៊ីវិល​ថ្មី​កំពុងតែ​ចាប់ផ្តើម​កើតឡើង​។​

​នៅ​ថ្ងៃ​សុក្រ​ទី​២០​វិច្ឆិកា អង្គការ​ស្បៀងអាហារ​និង​កសិកម្ម​របស់​អង្គការសហប្រជាជាតិ (FAO) បាន​ប្រកាស​អាសន្ន​ថា ហ្វូង​កណ្តូប​បាន​កើតឡើង​ម្តងទៀត​នៅ​ទូទាំង​តំបន់​ដោយ​គំរាមកំហែង​ដល់​ដំណាំ​​នៅ​ប្រទេស​ស៊ូដង់​ខាងត្បូង ស៊ូដង់ អេត្យូ​ពី អេ​រីទ្រី ជី​ប៊ូ​ទី យេ​ម៉ែន សូ​ម៉ាលី កេន​យ៉ា និង​តង់​ហ្សា​នី​។​

​អង្គការ FAO បានសរសេរថា “​ការ​បង្កាត់​ពូជ​កណ្តូប​នៅតែ​បន្ត​កើតមាន​នៅ​ភាគ​កណ្តាល​ប្រទេស​សូ​ម៉ាលី​និង​ភាគ​ខាងកើត​ប្រទេស​អេត្យូ​ពី កន្លែង​ដែល​ហ្វូង​កណ្តូប​ចាស់​កំពុង​មាន​វត្តមាន និង​ហ្វូង​កណ្តូប​​ជំនាន់​ថ្មី​នឹង​ចាប់ផ្តើម​កើត​ឡើង​នៅ​ចុង​ខែ​នេះ​”​។

​អង្គការ​នេះ​បាន​កត់សម្គាល់​ថា ខ្យល់​បក់​ខ្លាំងក្លា​ឆ្ពោះ​មក​ភាគ​ឦសាន​កំពុង​បញ្ជូន​សត្វល្អិត​នេះ​មក​លឿន​ខុស​ពី​ធម្មតា​។​

FAO បាន​បន្ថែមថា “​ចាប់ពី​សប្តាហ៍​ទី​២​នៃ​ខែ​ធ្នូ​តទៅ រលក​នៃ​ហ្វូង​កណ្តូប​ជាច្រើន​រំពឹង​ហោះ​ទៅដល់​ភាគខាងត្បូង​នៅក្នុង​ប្រទេស​សូ​ម៉ាលី​និង​អេត្យូ​ពីរួច​ឈានដល់​ភាគ​ខាងជើង​ប្រទេសកេន​យ៉ា​”៕

​ហ្វូង​កណ្តូប​ថ្មីៗ​នឹង​មកដល់​ចុង​ខែ​វិច្ឆិកា​នេះ​នៅ​ទ្វីបអាហ្វ្រិក​ភាគ​ខាងកើត​

ទីតាំងផ្សាយពាណិជ្ជកម្ម

- Advertisment -

Most Popular