Home ព័ត៌មានជាតិ សេដ្ឋកិច្ច ​ស្ត្រី​កម្ពុ...

​ស្ត្រី​កម្ពុជា ក្នុង​វិស័យសេដ្ឋកិច្ច ជួប​បញ្ហា​ប្រឈម ការប្រើប្រាស់​បច្ចេកវិទ្យា ក្នុង​ការជំរុញ​ផលិតកម្ម​

​ដោយៈ ពៅ​និមល / ភ្នំពេញៈ មន្ត្រីជាន់ខ្ពស់ ក្រសួង​កិច្ចការនារី បាន​លើកឡើងថា បច្ចុប្បន្ននេះ ស្រី្ត​នៅក្នុង​វិស័យសេដ្ឋកិច្ច កំពុង​ជួប​បញ្ហា​ប្រឈម នៃ​ការប្រើប្រាស់ ប្រព័ន្ធ​បច្ចេកវិទ្យា ឌីជីថល ក្នុង​ការជំរុញ​ការអភិវឌ្ឍ​សេដ្ឋកិច្ច តាមរយៈ​ការចូលរួម បង្កើន​ផលិតភាព និង​ប្រសិទ្ធភាព​ការងារ​, ការផ្តល់​លទ្ធភាព ឲ្យ​សហគ្រាស​ធុន​តូច និង​មធ្យម​ក្នុងស្រុក អាច​ផ្សារភ្ជាប់​ទៅនឹង​ខ្សែសង្វាក់ ផលិតកម្ម​ក្នុង​តំបន់ និង​សកល​ជាដើម​។​

​នៅក្នុង​ជំនួប​ការងារ កាលពី​ថ្ងៃទី​២៣ ខែ វិច្ឆិកា ឆ្នាំ​២០២០ កន្លងទៅ រវាង​លោកស្រី Carmen Moreno ឯកអគ្គរដ្ឋទូត សហគមន៍​អឺរ៉ុប អំពី​កិច្ចប្រជុំ​កំពូល អាស៊ី​អឺរ៉ុប ដែល​កម្ពុជា នឹង​ធ្វើជា​ម្ចាស់ផ្ទះ នាពេលខាងមុខ លោកស្រី អ៊ឹង កន្ថាផាវី រដ្ឋមន្ត្រីក្រសួង​កិច្ចការនារី បាន​មានប្រសាសន៍ថាៈ ពេលនេះ កម្ពុជា បាន​ត្រៀម​ជាស្រេច នៅក្នុង​របៀបវារៈ មិន​ត្រឹម​លើកឡើង អំពី​ស្ត្រី​សន្តិភាព និង​សន្តិសុខ របស់​ស្ត្រី​ប៉ុណ្ណោះ​ទេ គឺ​កម្ពុជា នឹង​គ្រោង​លើកឡើង អំពី​សកម្មភាព​ផ្សេងៗ ជាពិសេស​ស្រី្ត នៅក្នុង​វិស័យសេដ្ឋកិច្ច គឺ​ផ្តោត​ពី​ការចូលរួម​របស់​ស្ត្រី លើ​សហគ្រាស​ខ្នាតតូច និង​មធ្យម (SME) ដើម្បី​ជំរុញ​ឲ្យ​ស្ត្រី ផ្សារភ្ជាប់​ទៅនឹង​បរិបទ​ថ្មី ក្នុង​យុគសម័យ បច្ចេកវិទ្យា​ឌីជីថល​នេះ​។​

​លោកស្រី បានលើកឡើង​បន្តថាៈ ដោយសារ​ការរីកចម្រើន​យ៉ាង​លឿន​នៅលើ​បច្ចេកវិទ្យា និង​វិទ្យាសាស្ត្រ ដែល​បាន​កំពុង​វិវត្តន៍ ទៅរក​បដិវត្តន៍​ឧស្សាហកម្ម ៤.០ ស្ថិតក្នុង​បរិ​កាណ៍​នេះ គឺ​ទាមទារ​ឲ្យ​មនុស្ស​ដើរតួនាទី​ថ្មី នៅក្នុង​វិស័យសេដ្ឋកិច្ច ខណៈដែល​បញ្ហា​នេះ កំពុង​ប្រឈម​ច្រើន ចំពោះ​ស្រី្ត ក្នុង​វិស័យសេដ្ឋកិច្ច អំពី​ការប្រើប្រាស់ ប្រព័ន្ធ​បច្ចេកវិទ្យា ឌីជីថល​។​

​ជាការ​ឆ្លើយតប​របស់​លោកស្រី ឯកអគ្គរដ្ឋទូត សហគមន៍​អឺរ៉ុប បាន​សម្តែង​ការអបអរសាទរ ចំពោះ​កម្ពុជា ជាពិសេស​ក្រសួង​កិច្ចការនារី ដែល​បានរៀបចំ​ជា របៀបវារៈ​ស្ត្រី​សន្តិភាព និង​សន្តិសុខ ដែល​របៀបវារៈ​នេះ ត្រូវបាន​អង្គការ​សហ​ប្រជា​តិ អនុម័ត ឯកភាព ដាក់បញ្ចូល​ទៅក្នុង​កិច្ចប្រជុំ កំពូល​អាស៊ី​អឺរ៉ុប រួចហើយ ដូច្នេះ​លោកស្រី ដែល​តំណាង​ឲ្យ សហគមន៍​អឺរ៉ុប​ទាំងមូល សូម​ស្វាគមន៍ រាល់​កិច្ចការ​ទាំងអស់ រវាង​ក្រសួង​កិច្ចការនារី និង​សហភាព​អឺរ៉ុប (EU) ដើម្បី​ជំរុញ​កិច្ចប្រជុំ​កំពូល អាស៊ី​អឺរ៉ុប នាពេលខាងមុខ ឲ្យ​ទទួលបាន​ជោគជ័យ​៕/V​

ទីតាំងផ្សាយពាណិជ្ជកម្ម

- Advertisment -

Most Popular