Home ព័ត៌មានជាតិ នយោបាយ ​ព្រឹកស្អែក​ស...

​ព្រឹកស្អែក​សម្តេច​តេ​ជោ ហ៊ុន សែន អញ្ជើញ​ជួប​សំណេះសំណាល​ជាមួយ​«​ក្រុម​មេធាវី​ស្ម័គ្រចិត្ត​សម្ដេច​តេ​ជោ​សែន​»១៥០​នាក់​នៅ​ទីស្តីការ​នាយករដ្ឋមន្ត្រី

ដោយ​៖​តារា​រិ​ទ្ធ​/​ភ្នំពេញ​៖​នៅ​ព្រឹក​ថ្ងៃទី ២៥ ខែ វិច្ឆិកា២០២០ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នឹង​អញ្ជើញ​ជួប សំណេះសំណាល​ជាមួយ​«​ក្រុម​មេធាវី​ស្ម័គ្រចិត្ត​សម្ដេច​តេ​ជោ​សែន​»​ចំនួន​១៥០​នាក់​នៅ​ទីស្តីការ​នាយករដ្ឋមន្ត្រី (​វិមាន​សន្តិភាព​) ។​

​ក្រុម​មេធាវី​ស្ម័គ្រចិត្ត​សម្ដេច​តេ​ជោ​សែន​មាន​លោក គី តិច ជា​ប្រធាន​ត្រូវបាន​បង្កើតឡើង​កាលពី​ខែកុម្ភៈ​ឆ្នាំ​២០ ១៩ ដែល​ដំបូង​មាន​សមាជិក​តែ ៣០​នាក់​ប៉ុណ្ណោះ​ដើម្បីបំពេញ​វិជ្ជាជីវៈ​សម្រាប់​ជួយ​ស្ដ្រី​ក្រីក្រ​ដែល​ទទួលរង​ការរំលោភបំពាន​តាមផ្លូវ​ច្បាប់​ហើយ​ខ្វះ​លទ្ធភាព​ចំណាយ​ប្រាក់​ពឹងពាក់​រក​មេធាវី ។

​គោលបំណង​ចម្បង​ដែល​សម្តេច​តេ​ជោ​សែន​បង្កើត​ក្រុម​មេធាវី​ស្ម័គ្រចិត្ត​នេះ​ឡើង​គឺ​សម្តេច​បានគិត​គូ​យ៉ាង​ល្អិតល្អន់​ក្នុង​គោលដៅ​ជួយ​ដល់​ស្ត្រី​ដែលមាន​ជីវភាព​ក្រីក្រ ជាពិសេស​ដែល​ត្រូវបាន​បាត់បង់​សិទ្ធិ​ពុំមាន​ការការពារ​តាមផ្លូវ​ច្បាប់។​ក្នុងនោះ​ចំពោះ​ទណ្ឌិត​ដែល​កំពុង​ជាប់ឃុំ​ក្នុង​ពន្ធនាគារ​និង​ជន​ត្រូវ​ចោទ​ដែល​បាន​ឃុំខ្លួន​បណ្តោះអាសន្ន​នៅក្នុង​ពន្ធនាគារ​ក៏ត្រូវ​បានគិត​គូរ​យ៉ាង​យកចិត្តទុកដាក់​ផងដែរ ៕

ទីតាំងផ្សាយពាណិជ្ជកម្ម

- Advertisment -

Most Popular