Home ព័ត៌មានជាតិ សេដ្ឋកិច្ច ចុះ​ពិនិត្យ​គ...

ចុះ​ពិនិត្យ​គម្រោង​បើក​ទ្រូងផ្លូវ និង​ការងារ​ពាក់ព័ន្ធ​ផ្សេងៗ របស់​គម្រោង​ពង្រីក​ផ្លូវជាតិ​លេខ​៣

ដោយៈ រ៉ា​ម៉ន / ភ្នំពេញៈ នៅ​ព្រឹក​ថ្ងៃទី​២៤ ខែវិច្ឆិកា ឆ្នាំ​២០២០ លោក នុត ពុធ​ដា​រ៉ា អភិបាលរង ខេត្តកណ្តាល រួមជាមួយ​មន្ទីរ​សាធារណការ និង​រដ្ឋបាល ស្រុក​កណ្តាលស្ទឹង បាន​ចុះ​ពិនិត្យ​គម្រោង រៀបចំ​បើក​ទ្រូងផ្លូវ និង​ការងារ​ពាក់ព័ន្ធ​ផ្សេងៗ របស់​គម្រោង​ពង្រីក និង​លើក​កម្រិត កំណាត់​ផ្លូវជាតិ​លេខ​៣ ក្នុងភូមិ​សាស្ត្រ ខេត្តកណ្តាល ជាមួយ​ក្រុមការងារ​ប​ច្ចេកទេស របស់​គម្រោង នៃ​ក្រសួង​សាធារណការ និង​ដឹកជញ្ជូន​។​

​លោក​អភិបាលរង ខេត្តកណ្ដាល បានបញ្ជាក់​ថាៈ ការចុះពិនិត្យ នៅតាម​បណ្ដោយ​ផ្លូវជាតិ​លេខ​៣ ក្នុងភូមិ​សាស្ត្រ ខេត្តកណ្ដាល នា​ស្រុក​កណ្ដាលស្ទឹង​នេះ គឺជា​គម្រោង​រៀបចំ​បើក​ទ្រូងផ្លូវ និង​ការងារ​ពាក់ព័ន្ធ​ផ្សេងៗ របស់​គម្រោង​ពង្រីក​ផ្លូវជាតិ​លេខ​៣ ជាមួយ​ក្រុមការងារ​ប​ច្ចេកទេស របស់​គម្រោង នៃ​ក្រសួង​សាធារណការ និង​ដឹកជញ្ជូន​។​

​ក្នុងឱកាស​នោះ លោក​អភិបាលរង​ខេត្ត បាន​សំណូមពរ ដល់​ប្រជាពលរដ្ឋ ដែល​រស់​នៅជាប់​ដងផ្លូវ​ជាតិ​លេខ​៣ ហើយ​មាន​ពាក់ព័ន្ធ ក្នុងការ​ពង្រីក​ផ្លូវ​នេះ ដូចជា​ផ្ទះសំបែង ឬ​សំ​យ៉ាប​ផ្ទះ រោង​ផ្សេងៗ ត្រូវ​ចូលរួម​សហការ ជាមួយ​អាជ្ញាធរ ឱ្យបាន​ល្អ​៕/V​

ទីតាំងផ្សាយពាណិជ្ជកម្ម

- Advertisment -

Most Popular