Home ព័ត៌មានជាតិ អប់រំ ក្រសួង​អប់រំ​...

ក្រសួង​អប់រំ​ដាក់ចេញ​គោលការណ៍​​បួន​ចំណុច​ពាក់ព័ន្ធ​ការប្រឡង​បាក់​ឌុប​

ដោយៈ​ដេប៉ូ​/​ភ្នំពេញៈ ក្រសួង​អប់រំ យុវជន និង​កីឡា បានដាក់​ចេញ​នូវ​យន្ដការ​ប្រឡង​តាម​គោលការណ៍​៤​គឺ​ច្បាប់ យុត្តិធម៌ តម្លាភាព​និង​លទ្ធផល​ទទួលយកបាន​ដើម្បី​ឲ្យ​ដំណើរ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ឬ​ហៅ​បាក់​ឌុប​ខាងមុខនេះ​ប្រព្រឹត្តិ​ទៅ​រលូន​ល្អ​និង​ទទួលយកបាន​។​ការដាក់ចេញ​នូវ​គោលការណ៍​ទាំងនេះ​ត្រូវបាន​បង្ហាញ​នៅក្នុង​សិក្ខាសាលា​នៅ​ថ្ងៃទី​២៤​ខែវិច្ឆិកា​នេះ​ដើម្បីឱ្យ​មន្ត្រី​ក្រសួង​អប់រំ​ដែល​ពាក់ព័ន្ធ​ក្នុងការ​ប្រឡង​សញ្ញាបត្រ​មធ្យមសិក្សា​ទុតិយភូមិ​ឬ​ហៅ​បាក់​ឌុប​នា​ខាងមុខ​បានទទួល​ការបណ្តុះបណ្តាល​និង​អនុវត្ត​ការងារ​បាន​កាន់តែ​ប្រសើរឡើង​ថែមទៀត​។

រូបថតៈបណ្ឌិត​សភាចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​

​ក្នុង​ពិធី​នេះ​បាន​ប្រព្រឹត្តិ​ទៅ ក្រោម​អធិបតី​ភា​បណ្ឌិត​សភាចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​។​គោលបំណង​សំខាន់​នៃ​សិក្ខា​សាល​ដើម្បីឱ្យ​សិក្ខាកាម​ទាំងអស់​បាន​យល់ច្បាស់​នូវ​យន្ដ​ការប្រឡង​តាម​គោលការណ៍​បួន​គឺ​ច្បាប់ យុត្តិធម៌ តម្លាភាព និង​លទ្ធផល​ទទួលយកបាន ដើម្បី​ឲ្យ​ដំណើរ​ការប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡងៈ​២១ ធ្នូ ២០២០ ប្រព្រឹត្ត​ទៅដោយ​រលូន និង​បាន​ជោគជ័យ​។​
​សិក្ខ​សាលា ក៏មាន​ការធ្វើ​កិច្ចពិភាក្សា​ទៅលើ​ប្រធានបទ​ចំនួន​បួន​។ ១. ការរៀបចំ​យន្តការ​ដំណើរការ​មណ្ឌល​សំណេរ​, ២. តួនាទី និង​ភារកិច្ច​របស់​គណៈកម្មកា​រ​អប្បមាទ​ទូទាំងប្រទេស ,៣. តួនាទី និង​ភារកិច្ច​របស់​ជំនួយការ​អប្បមាទ​ទូទាំងប្រទេស និង ៤.​បទបញ្ញត្តិ និង​កម្រិត​វិន័យ​ចំពោះ​បុគ្គលិក​អប់រំ ក្នុង​ការប្រឡង​សញ្ញាបត្រ​មធ្យមសិក្សា​ទុតិយភូមិ​។​

​សូមបញ្ជាក់ថា​ដើម្បី​រក្សាបាន​នូវ​គម្លាត​តាម​ស្ដង់ដារ​សុវត្ថិភាព​ក្នុង​បរិបទ​កូ​វី​១៩​នេះ​ក្រសួង​បានរៀបចំ​សិក្ខាសាលា​ជា​ពីរ​ក្រុម​គឺ​ក្រុម​ពេលព្រឹក​មាន​១៦​អង្គភាព​ក្រោម​ឱវាទ​ក្រសួង​សរុប​១១០​នាក់​និង​ក្រុម​ពេល​រសៀល​មាន​១២​អង្គភាព​ក្រោម​ឱវាទ​ក្រសួង​សរុប​១០៩​នាក់​។
​ក្នុង​ពិធី​នេះ​បណ្ឌិត​សភាចា​រ្យ ហង់​ជួន ណា​រ៉ុ​ន​ក៏បាន​វាយតម្លៃ​ខ្ពស់​ទៅលើ​កំណែទម្រង់​អប់រំ​គឺ​ផ្ដើមចេញពី​កំណែទម្រង់ ការប្រឡង​ដែល​ធ្វើ​ឲ្យ​សិស្ស​ត្រូវតែ​ខិតខំ​រៀន​។​ដូច្នេះ​កំណែទម្រង់​ប្រឡង​គឺមាន​ន័យ​ធំធេង​ណាស់​ក្នុងការ​កែលម្អ​គុណភាព​អប់រំ​នៅ​កម្ពុជា​៕
រូបថតៈបណ្ឌិត​សភាចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​

រូបថតៈបណ្ឌិត​សភាចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​រូបថតៈបណ្ឌិត​សភាចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា​

ទីតាំងផ្សាយពាណិជ្ជកម្ម

- Advertisment -

Most Popular