Home ព័ត៌មានជាតិ សង្គម ប្រជាពលរដ្ឋ​ង...

ប្រជាពលរដ្ឋ​ងាយ​រងគ្រោះ​ចំនួន​៨០​គ្រួសារ នៅ​ឃុំ​ខុន​រ៉ង ស្រុក​បរិបូណ៌ បានទទួល​អំណោយ​របស់​រាជរដ្ឋាភិបាល​

ដោយ​: ទេ​ពក​ង្រី / កំពង់ឆ្នាំង​: អំណោយ​របស់​រាជរដ្ឋាភិបាល​ផ្តល់​តាមរយៈ​មន្ទីរ​សង្គម​កិច្ច អតីតយុទ្ធជន និង​យុវនីតិសម្បទា​ខេត្តកំពង់ឆ្នាំង សម្រាប់​ផ្តល់ជូន​គ្រួសារ​ងាយ​រងគ្រោះ ត្រូវបាន​លោក អម សុភា អភិបាលរង​ខេត្តកំពង់ឆ្នាំង និង​ជា​អនុប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ស្រុក​បរិ​ប​ណ៌ និង​លោក ថោង ចំរើន ប្រធាន​មន្ទីរ​សង្គមកិច្ច​អតីតយុទ្ធជន និង យុវ​នីតិ​ស​ម្ប​
​ទា​ខេត្តកំពង់ឆ្នាំង និង សហការី បាន​នាំយកទៅ​ចែកជូន​ដល់​ប្រជាពលរដ្ឋ​ងាយ​រងគ្រោះ​ចំនួន​៨០​គ្រួសារ​នៅ​ឃុំ ខុន​រ៉ង ស្រុក​បរិបូណ៌ ខេត្តកំពង់ឆ្នាំង នៅ​ព្រឹក​ថ្ងៃទី​២៤ ខែ វិច្ឆិកា ឆ្នាំ​២០២០​។​

​លោក ថោង ចំរើន ប្រធាន​មន្ទីរ​សង្គមកិច្ច​ខេត្ត បានអោយដឹងថាៈ​ប្រជាពលរដ្ឋ​មួយចំនួន​តូច​នៅ​ខេត្តកំពង់ឆ្នាំង ជួប​ការលំបាក​ខ្វះខាត​ជីវភាព ហើយ​ដើម្បី​សម្រួល​នូវ​ការលំបាក​នេះ​រាជរដ្ឋាភិបាល បានផ្តល់​អំណោយ​តាមរយ​មន្ទីរ​សង្គមកិច្ច អតីតយុទ្ធជន និង យុវនីតិសម្បទា​ខេត្ត ដើម្បី​ជួយ​ដល់​គ្រួរ​សារ​ងាយ​រងគ្រោះ នៃ​គម្រោង​សុខមាលភាព​សង្គម សម្រាប់​ជួយ​ដល់​ប្រជាពលរដ្ឋនៅក្នុង​ខេត្តកំពង់ឆ្នាំង ដល់ គ្រួសារ​ចាស់ជរា ជួប​ការលំបាក ស្ត្រី​មេម៉ាយ ជនពិការ អំណោយ​ដែល​បានផ្តល់​ជូន​នាពេលនេះ​មាន​ចំនួន​៨០ គ្រួសារ​ក្នុង​មួយ​គ្រួសារៗ​ទទួលបាន​អង្ករ​២០​គីឡូក្រាម មី​១​កេស ទឹកត្រី​១​យួរ ទឹក​ស៊ី​អ៉ី​វ​១​យួរ កន្ទេល​១ និង សា​រ៉ុង​១៕​

ទីតាំងផ្សាយពាណិជ្ជកម្ម

- Advertisment -

Most Popular