រុស្ស៊ី​នឹង​លក់​វ៉ាក់សាំង​កូវី​ដ​១៩​ទាប​ជាង​គូប្រជែង ត្រឹមតែ​១០​ដុល្លារ​ក្នុង​មួយដូ​សនៅ​ទីផ្សារ​អន្តរជាតិ​

​ប្រែ​សម្រួល : កញ្ញា​ដា​លី​ស​/​មូ​ស្គូ ៖ រុស្ស៊ី​បាន​បញ្ចេញ​លទ្ធផល​ថ្មី​កាលពី​ថ្ងៃ​អង្គារ​ទី​២៤​វិច្ឆិកា ដោយ​អះអាង​ថា វ៉ាក់សាំង​ការពារ​ជំងឺ​កូវី​ដ​១៩ របស់​ខ្លួន​មាន​ប្រសិទ្ធភាព​ខ្ពស់​ហើយ​សន្យាថា​វ៉ាក់សាំង​នឹង​លក់​​លើ​ទីផ្សារ​អន្តរជាតិ​ទាប​ជាង​វ៉ាក់សាំងរ​បស់ដៃ​គូប្រជែង​មក​ពី​បស្ចិម​ប្រទេស​។​

​យោង​តាម​មូលនិធិ​វិនិយោគ​ផ្ទាល់​របស់​រុស្ស៊ី ដែល​គ្រប់គ្រង​ការផលិត​វ៉ាក់សាំង បានឱ្យដឹងថា វ៉ាក់សាំង Sputnik V នឹង​មាន​តម្លៃ​ទាប​ជាង​គូប្រជែង ត្រឹមតែ​១០​ដុល្លារ​ក្នុង​មួយដូ​សឬ​តិចជាង ២០​ដុល្លារ​​សម្រាប់​ពី​រដូស នៅលើ​ទីផ្សារ​អន្តរជាតិ​។ មូលនិធិ​នេះ​បានឱ្យដឹង​ទៀត​ថា ការចាក់​វ៉ាក់សាំង​នេះ​នឹង​មិន​គិតថ្លៃ​សម្រាប់​ប្រជាជន​រុស្ស៊ី​នោះទេ​។​

​មូលនិធិ​នេះ​បាន​សន្យា​នៅ​ក្នុង​សេចក្តីថ្លែងការណ៍​មួយ​ថា ការចាក់​វ៉ាក់សាំង​ពីរ​ដូសនឹង​មានតម្លៃ​ទាប​ជាង ២ ដង​ឬ​ច្រើនដង​ធៀប​នឹង​វ៉ាក់សាំង​របស់​ក្រុមហ៊ុន Pfizer ឬ​ក្រុមហ៊ុន Moderna​ដែល​លក់​​ថ្លៃ​ជាង​ប្រហែល ២០ ដុល្លារ និង ១៥-២៥ ដុល្លារ​ក្នុង​មួយ​ដូស ដោយ​ផ្អែក​លើ​កិច្ចព្រមព្រៀង​ដែល​ក្រុមហ៊ុន​ទាំងពីរ​បាន​ចុះហត្ថលេខា​ដើម្បី​ផ្គត់ផ្គង់​វ៉ាក់សាំង​របស់​ពួកគេ​ទៅ​រដ្ឋាភិបាល​អាម៉េរិក​។​

​លោក គី​រី​ល ឌី​មី​ទ្រី​វ ប្រធាន​មូលនិធិ​នេះ​បាន​ប្រាប់​ក្រុម​អ្នកសារព័ត៌មាន​កាលពី​ថ្ងៃ​អង្គារ​ថា វ៉ាក់សាំង​ជាង ១ ពាន់​លាន​ដូស​រំពឹង​ផលិត​នៅ​ឆ្នាំក្រោយ​នៅ​ក្រៅ​ប្រទេស​រុស្ស៊ី​។​

​លោកស្រី​ឧបនាយករដ្ឋមន្ត្រី តាត​យ៉ាណា ហ្គោលី​កូវ៉ា បាន​និយាយ​កាលពី​ថ្ងៃ​អង្គារ​ថា ការចាក់​វ៉ាក់សាំង​ទ្រង់ទ្រាយ​ធំ​នៅក្នុង​ប្រទេស​រុស្ស៊ី​ត្រូវ​បាន​រំពឹង​ចាប់ផ្តើម​នៅ​ឆ្នាំ ២០២១ ហើយ​វ៉ាក់សាំង Sputnik V ចំនួន​ជាង ២ លាន​ដូសនឹង​ត្រូវផលិត​នៅក្នុង​ប្រទេស​រុស្ស៊ី​ក្នុងឆ្នាំនេះ​៕

​វ៉ាក់សាំង Sputnik V នឹង​លក់ ប្រមាណ ១០ ដុល្លារ ក្នុង​មួយ​ដូស​

ទីតាំងផ្សាយពាណិជ្ជកម្ម

- Advertisment -

Most Popular