Home ព័ត៌មានអន្តរជាតិ លោក​អេ​ឡុន ម៉...

លោក​អេ​ឡុន ម៉ាស ឥឡូវ​ជា​មហាសេដ្ឋី​មាន​ជាង​គេ​ទី​២​លើ​ពិភពលោក​

​ប្រែ​សម្រួល : កញ្ញា​ដា​លី​ស​/​អាម៉េរិក ៖ លោក អេ​ឡុន ម៉ាស ប្រធាន​ក្រុមហ៊ុន​ផលិត​រថយន្ត​អគ្គិសនី Tesla បាន​វ៉ា​ដាច់​លោក​ប៊ីល ហ្គេត​ដើម្បី​ក្លាយជា​អ្នក​មាន​បំផុត​ទី ២ នៅលើ​ពិភពលោក នេះ​បើ​យោង​​តាម​បញ្ជី​ឈ្មោះ​មហាសេដ្ឋី Bloomberg ។​

​លោក​ម៉ាស​អាយុ ៤៩ ឆ្នាំ​កើត​នៅ​អាហ្វ្រិក​ខាងត្បូង បាន​បន្ថែម​ទ្រព្យសម្បត្តិ​ចំនួន ៧,២ ពាន់​លាន​ដុល្លារ​កាលពី​ថ្ងៃ​ចន្ទ​ទី​២៣​វិច្ឆិកា បន្ទាប់​ពី​ការកើនឡើង​ចុងក្រោយ​នៃ​ភាគហ៊ុន​របស់​ក្រុមហ៊ុន Tesla ។ ឥឡូវ​គាត់​មានទ្រព្យ​ប្រមាណ ១២៨ ពាន់​លាន​ដុល្លារ​។​

​លោក​ម៉ាស ជា​សហសេវិក​របស់​ក្រុមហ៊ុន SpaceX បាន​វ៉ា​ដាច់​មហាសេដ្ឋី​ជាច្រើនរូប​រួច​ទៅ​ហើយ​ក្នុង​ប៉ុន្មាន​សប្តាហ៍​ថ្មីៗ​នេះ​រួមមាន​នាយក​ប្រតិបត្តិ​ក្រុមហ៊ុន Facebook លោក ម៉ាក ហ្សាក់​ឃើ​បឺ​ក​និង​ប្រ​​ធាន​ក្រុមហ៊ុន LVMH ដ៏​ធំ​របស់​បារាំង លោក បឺ​ណាដ អា​ណុល​។​

​ឥឡូវនេះ​មនុស្ស​តែ​ម្នាក់​គត់ ដែល​គាត់​ឈរ​នៅ​ពីក្រោយ គឺ ស្ថាបនិក​និង​ជា​នាយក​ប្រតិបត្តិ​ក្រុមហ៊ុន Amazon លោក ជេ​ហ្វ បេ​ហ្សូ​ស ដែល​ទ្រព្យសម្បត្តិ​របស់​គាត់​ត្រូវបាន​គេ​ប៉ាន់​ស្មានថា​មាន​ចំនួន ១៨២ ពាន់​លាន​ដុល្លារ​។​

​ចលាចល​នៃ​ជំងឺ​រាតត្បាត​កូវី​ដ​១៩​បានអនុញ្ញាត​ឱ្យ​ពួក​អ្នក​មាន​បំផុត​ប្រមូល​ទ្រព្យសម្បត្តិ​បាន​កាន់តែ​ច្រើន ខណៈ​បណ្តា​ក្រុមហ៊ុន​បច្ចេកវិជ្ជា​បាន​កាន់កាប់​ចំណែក​ទីផ្សារ​កាន់តែ​ច្រើន​នៃ​សេដ្ឋកិច្ច​។​

​ក្នុង​ឆ្នាំ ២០២០ នេះ​ភាគហ៊ុន​របស់​ក្រុមហ៊ុន Tesla បាន​កើន​ឡើង​ជាង ៥០០ ភាគរយ​ហើយ​បច្ចុប្បន្ន​ក្រុមហ៊ុន​នេះ​មាន​តម្លៃ​ជាង ៥០០ ពាន់​លាន​ដុល្លារ​។​

​លោក​ម៉ាស់ ដែល​ជា​ម្ចាស់​ភាគហ៊ុន​ប្រហែល ១៨ ភាគរយ បាន​បង្កើត​ប្រាក់ចំណេញ ១០០ ពាន់​លាន​ដុល្លារ​ក្នុងអំឡុងពេល​នៃ​ការលក់​ភាគហ៊ុន​មួយផ្នែក​តូច​៕

​លោក​ម៉ាស​ឥឡូវ​មាន​ទ្រព្យសម្បត្តិ​ប្រមាណ ១២៨ ពាន់​លាន​ដុល្លារ

ទីតាំងផ្សាយពាណិជ្ជកម្ម

- Advertisment -

Most Popular