Home ព័ត៌មានជាតិ សន្តិសុខ អង្គការ​ការី​...

អង្គការ​ការី​តាស ស្វី​ស​ចុះ​កិច្ច​ព្រ​ង​ព្រៀង ជាមួយ​ដៃគូ​អនុវត្ត​គម្រោង​នៃ​សាលា​បៃតង​ចំនួន​៤៥ ទៀត​នៅ​បន្ទាយមានជ័យ​

ដោយៈ ភ្នំ​ស្វាយ / បន្ទាយ​មាន​ជ័​យៈអង្គការ​ការី​តាស​ប្រទេស​ស្វី​ស បាន​ចុះ​កិច្ចព្រមព្រៀង ជាមួយ​ដៃគូ​អនុវត្ត​គម្រោង​ចំនួន​៣ ដើម្បី​អនុវត្ត​គម្រោង​សាលា​បៃតង​លើ​សាលាបឋមសិក្សា ចំនួន​៤៥ កន្លែង​ទៀត​នៅក្នុង​ខេត្តបន្ទាយមានជ័យ ។ នេះ​បើ​យោង​កិច្ចប្រជុំ ចុះហត្ថលេខា​មួយ​ធ្វើឡើង​កាលពី​ថ្ងៃទី​២៤ ខែ វិច្ឆិកា ឆ្នាំ​២០២០ នៅ​សាលប្រជុំ​មន្ទីរអប់រំ​យុវជន និង​កីឡា​ខេត្តបន្ទាយមានជ័យ​។​

​កិច្ចព្រមព្រៀង​រវាង​អង្គកា​រីតា​ស​ស្វី​ស (Swithzeland Caritas organization ) ជាមួយ​ដៃគូ​ចំនួន​៣ លើ​គម្រោង​សាលា​បៃតង នោះ​រួមមាន​៖
១.​មន្ទីរអប់រំ យុវជន និង​កីឡា​ខេត្ត​ត្រូវ អនុវត្ត​គម្រោង​លើ​សាលារៀន​ចំនួន​១៥​កន្លែង ។​
២.​អង្គការ​ស៊ី​ដូ​(SEADO ) លើ​សាលារៀន​ចំនួន ១៥​កន្លែង
៣.​ក្រុមហ៊ុន​វិស័យ​ឯកជន​RWST លើ​សាលារៀន ចំនួន​១៥​កន្លែង ដែល​តម្រូវ​យក​កំរិត​សាលាបឋមសិក្សា​។​

​លោក ម៉ាក ក្ល​ក​ល័​រ នាយក​ប្រចាំ​ប្រទេស​(​កម្ពុជា​)​នៃ អង្គការ​ការី​តាស​ស្វី​ស បានអោយដឹងថា ការចុះ​កិច្ចព្រមព្រៀង​នេះ ក្នុង​គោលបំណង​ចង់​ឲ្យ​ដៃគូ​អនុវត្ត​គម្រោង​ចូលរួម ដើម្បី​ឲ្យ​ផ្នែកអនាម័យ​បរិស្ថាន​នៃ​សាលាបឋមសិក្សា​ចំនួន​៤៥ កន្លែង (​ដែលមាន​ចំណាត់ថ្នាក់​០ ឬ​ហ្សេ​រ៉ូ​ឬ​ផ្កាយ​១) ទៅជា​ចំណាត់ថ្នាក់​យ៉ាងតិច​ផ្កាយ​២ ផ្នែក​បរិស្ថាន​អនាម័យ នៅក្នុង​ខេត្តបន្ទាយមានជ័យ​។

​លោក​ឈួ ប៊ុន​រឿង ប្រធាន​មន្ទីរអប់រំ យុវជន​និង​កីឡា​ខេត្តបន្ទាយមានជ័យ​ជឿថា ដៃគូ​នេះ​នឹង​បាន​បន្ត​ចូលរួមចំណែក​ក្នុងការ​អនុវត្ត​ផ្នែក​យុទ្ធសាស្ត្រ​អប់រំ​ជាតិ ទឹកស្អាត អនាម័យ និង​បរិស្ថាន​ល្អ នៅតាម​សាលា (២០១៩-២០២៣) ដែលមាន​គោលដៅ​៩៥% (​បញ្ឈប់​ការ​បន្ទោ​របង់​ពាសវាល​ពាសកាល​) ពង្រីក និង​អនុវត្ត​បន្ត​នូវ​សកម្មភាព និង​គំនិត​ផ្តួចផ្តើម សាលា​បៃតង នៅតាម​សាលាបឋមសិក្សា​នានា ក្នុងប្រទេស​កម្ពុជា តាមរយៈ​ការគាំទ្រ​របស់​ក្រសួង​អប់រំ យុវជន និង​កីឡា​។​

​លោក អ៊ុ រាត្រី អភិបាលខេត្ត​បន្ទាយមានជ័យ មាន​ប្រសា​សា​កោតសរសើរ ចំពោះ​អង្គការ​ការី​តាស​ស្វី​ស​ដែលជា​ម្ចាស់​គម្រោង​សាលា​បៃតង ដើម្បី​ឲ្យ​សាលារៀន មាន​អនាម័យ បរិស្ថាន​ស្អាត សោភ័ណ​ភាពល្អ​និង​ជាពិសេស​បាន​បណ្តុះ​ផ្នត់គំនិត​ដល់​ក្មួយៗ​សិស្សានុសិស្ស​យល់ដឹង​ពី​អត្ថប្រយោជន៍​នៃ​ការ​រស់​ប្រកបដោយ​អនាម័យ និង​ស្រឡាញ់​បរិស្ថាន​ជុំវិញខ្លួន​៕​

ទីតាំងផ្សាយពាណិជ្ជកម្ម

- Advertisment -

Most Popular