Home ព័ត៌មានជាតិ សង្គម ក្រសួងយុត្តិធ...

ក្រសួងយុត្តិធម៌​គ្រោង​ប្រើ​ប្រព័ន្ធ​ព័ត៌មានវិទ្យា ចំនួន​២ ដាក់ឱ្យ​សាធារណៈជន​ប្រើប្រាស់​

ដោយ​:​ដេប៉ូ​/​ភ្នំពេញ​: ក្រសួងយុត្តិធម៌​បាន​កំពុង​ជំរុញ​ក្នុងការ​អភិវឌ្ឍន៍​បច្ចេក​វិទ្យា​ថ្មី​ដើម្បីឱ្យ​សាធារណៈជន​ប្រើប្រាស់​ក្នុងការ​ទាញយក​ឯកសា​រ​ច្បាប់​ក៏ដូចជា​ឱ្យ​សាធារណៈជន​តាមដាន​ព័ត៌មាន​ពាក់ព័ន្ធ​ប្រព័ន្ធ​ផ្លូវច្បាប់​។​នេះ​បើតាម​ការ​ឱ្យដឹងពី​សំណាក់​លោក គឹម សន្តិភាព រដ្ឋលេខាធិការ និង​ជា​អ្នកនាំពាក្យ​ក្រសួងយុត្តិធម៌​។​

ក្នុង​កិច្ចប្រជុំ​ជាមួយ​ក្រុមការងារ​បច្ចេក​ទេស​អភិវឌ្ឍន៍​បណ្តាញ​ផ្សព្វផ្សាយ​របស់​ក្រសួងយុត្តិធម៌ កាលពី​រសៀល​ថ្ងៃទី​២៤ ខែវិច្ឆិកា ឆ្នាំ​២០២០ លោក​គឹម សន្តិភាព បានបង្ហាញ​ពី​លទ្ធផល​នៃ​កិច្ចប្រជុំ​ក្នុង​ប្រព័ន្ធ​អេ​ឡិ​ក​ត្រូ​និក​របស់លោក​ដែល​ក្នុង​នោះបាន​លើក​ពី​កម្មវិធី​ចំនួន​២ គ្រោង​ដាក់ឱ្យ​ប្រើប្រាស់​នា​ថ្ងៃ​ខាងមុខ​មានដូចជា​៖

១.​ប្រព័ន្ធគ្រប់គ្រង​ឯកសារ​ច្បាប់​កម្ពុជា​៖ ដែលជា​កម្មវិធី​មួយ​អនុញ្ញាតឱ្យ​សាធារណៈជន​អាច​ប្រើប្រាស់​ក្នុងការ​ទាញយក​ឯកសា​រ​ច្បាប់​នានា​ដែល​ក្រសួងយុត្តិធម៌​បាន​ផ្សព្វផ្សាយ​លើ​គេហទំព័រ​ផ្លូវការ​របស់ខ្លួន ដើម្បី​រក្សាទុក និង​គ្រប់គ្រង​រាល់​ឯកសារ​ច្បាប់​។​

២.​កម្មវិធី Mobile Application of MOJ៖ ជា​កម្មវិធី​នៅលើ​ទូរស័ព្ទដៃ ដែល​អនុញ្ញាតឱ្យ​សាធារណៈជន​តាមដាន​ព័ត៌មាន ក៏ដូចជា​ស្វែងរក​នូវ​ឯកសារ​ច្បាប់​នានា​ដែល​បាន​ផ្សព្វផ្សាយ​ដោយ​ក្រសួងយុត្តិធម៌​៕

 

 

ទីតាំងផ្សាយពាណិជ្ជកម្ម

- Advertisment -

Most Popular