Home ព័ត៌មានជាតិ សង្គម អាកាសធាតុ​ក្ន...

អាកាសធាតុ​ក្នុង​រដូវរំហើយ​ខាងមុខ​ត្រជាក់​ខ្លាំង​ជាង​ឆ្នាំមុនៗ​

​ដោយៈ​ប​.​ខុន​/​ភ្នំពេញៈ​ក្រសួង​ធនធានទឹក និង​ឧតុនិយម ជូនដំណឹង​ថា​តាមរយៈ​ការតាមដាន និង​ការវិវត្ត​ជាក់ស្តែង​នៃ​ស្ថានភាព​អាកាសធាតុ បង្ហាញ​ឲ្យ​ឃើញថា ដោយសារ​ឥទ្ធិពល​នៃ​បាតុភូតឡា​នី​ណា (La Nina) បានធ្វើ​ឲ្យ​ជ្រលង​សម្ពាធ​ខ្ពស់​ពី​ប្រទេស​ចិន​រុញ​ចុះ មកក្រោម​ខ្លាំង​និង​គ្របដណ្តប់​មកលើ​កម្ពុជា ។

សេចក្តីជូនដំណឹង​ដែល​ក្រសួង​បានប្រកាស​នៅ​ថ្ងៃទី​២៥ ខែវិច្ឆិកា ថា​តាម​ការ​ព្យាករលក្ខណៈ​បែប ខាងលើនេះ នឹងធ្វើ​ឲ្យ​ព្រះរាជាណាចក្រ​កម្ពុជាក្នុង​រដូវរំហើយ​ខាងមុខ (​ខែធ្នូ ឆ្នាំ​២០២០-​ខែមករា ឆ្នាំ​២០២១) ស្ថានភាព​ធាតុអាកាសចុះ​ត្រជាក់​ជាង​បណ្តា​ឆ្នាំ​កន្លងទៅ ។​

រូបថតៈពេលត្រជាក់ខ្លាំងប្រជាជនកម្ពុជាតែងនិយមកំដៅខ្លួនជាមួយភ្លើង(រូបឯកសារ)

១- ធាតុអាកាស​នឹង​ចាប់ផ្តើម​ចុះ​ត្រជាក់ លើក​ទី ១ ដោយ​ចាប់ពី​សប្តាហ៍​ទី​១ ខែធ្នូ ដល់ សប្តាហ៍​ទី​៣ ខែធ្នូ ឆ្នាំ​២០២០​។ នៅក្នុង​អំឡុង​ពេលនោះ មាន​ថ្ងៃ​មួយចំនួន​ធាតុអាកាស​អាច​នឹង​ចុះ​ត្រជាក់ ពី​មធ្យម​ទៅ​បង្គួរ ក្នុងនោះ​មាន ៖
– បណ្តា​ខេត្ត​នៅ​ភាគ​ខាងលើ ក្នុងភូមិ​សាស្ត្រ​តំបន់​ជួរ​ភ្នំ​ដងរែក និង​ខ្ពង់រាប​ភាគ​ឦសាន សីតុណ្ហភាព​អប្បបរមា នឹង​ធ្លាក់​ចុះមក​នៅក្នុង​រង្វង់​ពី ១៨​អង្សា​សេ​ទៅ ២១​អង្សា​សេ​។​
– បណ្តា​រាជធានី ខេត្ត​ដទៃទៀត សីតុណ្ហភាព​អប្បបរមា​ក្នុង​រង្វង់​ពី ១៩​អង្សា​សេ​ទៅ ២២​អង្សា​សេ​។​

២- ធាតុអាកាស​នឹង​ចុះ​ត្រជាក់​លើក​ទី ២ ដោយ​ចាប់ពី​សប្តាហ៍​ទី ៤ ខែធ្នូ ឆ្នាំ ២០២០ ដល់​បំណាច់​ខែមករា ឆ្នាំ ២០២១ ។ ក្នុងអំឡុង​ពេលនោះ​ធាតុអាកាស នឹង​ចុះ​ត្រជាក់​ខ្លាំង និង​ត្រជាក់​យូរ​ច្រើន​ថ្ងៃ ក្នុងនោះ​មាន ៖
– បណ្តា​ខេត្ត​នៅ​ភាគ​ខាងលើ ក្នុងភូមិ​សាស្ត្រ​ជាប់​តំបន់ភ្នំ និង​តំបន់​ខ្ពង់រាប​ភាគ​ឦសាន សីតុណ្ហភាព​អប្បបរមា អាច​នឹង​ធ្លាក់​ចុះមក​នៅក្នុង​រង្វង់​ពី ១៦​អង្សា​សេ​ទៅ ១៩​អង្សា​សេ​។​
– បណ្តា​ខេត្ត​ដទៃទៀត សីតុណ្ហភាព​អប្បបរមា នៅក្នុង​រង្វង់​ពី ១៨​អង្សា​សេ​ទៅ ២១​អង្សា​សេ​៕

ទីតាំងផ្សាយពាណិជ្ជកម្ម

- Advertisment -

Most Popular