Home ព័ត៌មានជាតិ សន្តិសុខ ចាប់ខ្លួន​ថៅក...

ចាប់ខ្លួន​ថៅកែ​ហាង​លក់​គ្រឿង​កាឡៃ​យីហោ​ពិភព​ម៉ូត​ករណី​រំលោភ​សេព​សន្ធ​វ​:​លើ​កូនចៅ​ជា​អនីតិជន​

​ដោយ​:​អង្គរតូច​/​សៀមរាប​:​កម្លាំង​នគរបាល​ប្រឆាំង​ការជួញដូរ​មនុស្ស និង​ការពារ​អនីតិជន​ខេត្តសៀមរាប កាលពី​រសៀល​ថ្ងៃទី​២៤ ខែវិច្ឆិកា ឆ្នាំ​២០២០ បាន​តាម​ទៅ​ចាប់ខ្លួន​ថៅកែ​ហាង យីហោ​ពិភព​ម៉ូត ដល់​ក្រុង ភ្នំពេញ បន្ទាប់ពី រំលោភ​សេព​សន្ធ​វ​: លើ​កូនចៅ​របស់ខ្លួន​ជា​អនីតិជន ហើយ​រត់គេចខ្លួន​ទៅសម្ងំ​ទីនោះ​។​

លោក​វរសេនីយ៍ឯក​ជា ហេង នាយការិយាល័យ​ប្រឆាំង​ការជួញដូរ​មនុស្ស បានអោយដឹងថា ជន​ដែល​ចាប់ខ្លួន​មានឈ្មោះ ហេង សុវណ្ណ ភេទ​ប្រុស អាយុ​៣៣​ឆ្នាំ ជា​ថៅកែ​ហាង​លក់​គ្រឿង​កាឡៃ យីហោ​ពិភព​ម៉ូត ដែលមាន​ទីតាំង មុខ​ផ្សារលើ​ធំថ្មី ស្ថិតក្នុង​ភូមិ​ចុង​កៅស៊ូ សង្កាត់​ស្លក្រាម ក្រុង​សៀមរាប​។ ចំណែក​ក្មេងស្រី​រងគ្រោះ​អាយុ​១៤​ឆ្នាំ ជា​បុគ្គលិក​ហាង​ខាងលើ​។​

ថៅកែ​ហាង​លក់​គ្រឿង​កាឡៃ​យីហោ​ពិភព​ម៉ូតដែលត្រូវឃាត់ខ្លួនករណីរំលោភសេពសន្ថវៈ

​លោកនាយ​ការិយាល័យ​អោយដឹងទៀតថា ថៅកែ​ហាង​ពិភព​ម៉ូត​រូបនេះ បាន​ចាប់រំលោភ​លើ​កូនចៅ​របស់ខ្លួន (​បុគ្គលិក​) ដែលជា​អនីតិជន កាលពី​អំឡុង​ខែ សីហា​ឆ្នាំ​២០១៩ នៅក្នុង​ហាង​របស់ខ្លួន​ខាងលើ​។ តាម​ការបំភ្លឺ​របស់​ជ​ន​រងគ្រោះ នៅ​យប់កើតហេតុ ខណ​: បុគ្គលិក​ផ្សេងទៀត​បាន​ឡើងទៅ​ដេក​ជាន់​ទី​២​ជាធម្មតា ថៅកែ​ហាង​ឈ្មោះ​ហេង សុវណ្ណ បាន​ហៅ​ជនរងគ្រោះ​អោយមក​ជួប​នៅ​បន្ទប់​របស់ខ្លួន​ព្រោះ​មានការ​។ ពេល​នាង​មកដល់ ថៅកែ​ហាង​រូបនេះ​ក៍​ចាប់​អោប​នាង​ផ្តួល​ទៅលើ​ការ៉ូ បឺត​មាត់​នាង និង​សម្រាត​ខោ​នាង​ហើយ​រំលោភ​។​នៅពេល​បន្ទាប់​ជននេះ​ចាប់​នាង​រំលោភ​ម្តងទៀត​។​

​បន្ទាប់ពី​កើតហេតុ បងស្រី​ជនសង្ស័យ​សុំ​សម្របសម្រួល តែ​នាង​មិន​ព្រម ទើប​ជនសង្ស័យ រត់គេចខ្លួន​បាត់ស្រមោល​។ លុះ​សមត្ថកិច្ច​ធ្វើការ​ស៊ើបអង្កេត​ជា​ហូរហែរ ទើប​រកឃើញ​ទីតាំង​លាក់ខ្លួន​របស់គេ ហើយក៍​តាម​ទៅ​ចាប់ខ្លួន​តែម្តង​។ ជនជាប់សង្ស័យ បាន​បញ្ជូនទៅ​តុលាការ នៅ​រសៀល​ថ្ងៃទី​២៥​ខែវិច្ឆិកា​ឆ្នាំ​២០២០​នេះ ដើម្បី​បន្ត​និតិ​វិធី​៕​

ថៅកែ​ហាង​លក់​គ្រឿង​កាឡៃ​យីហោ​ពិភព​ម៉ូតដែលត្រូវឃាត់ខ្លួនករណីរំលោភសេពសន្ថវៈ

 

ទីតាំងផ្សាយពាណិជ្ជកម្ម

- Advertisment -

Most Popular