ថៃ​នឹង​ចុះ​កិច្ចសន្យា​ទិញ​វ៉ាក់សាំង​កូវី​ដ​១៩​តម្លៃ ៦ ពាន់​លាន​ដុល្លារ​នៅ​ថ្ងៃ​សុក្រ​

​ប្រែ​សម្រួល : កញ្ញា​ដា​លី​ស ៖ វិទ្យាស្ថាន​វ៉ាក់សាំង​ជាតិ​នឹង​ចុះហត្ថលេខា​លើ​កិច្ចសន្យា​តម្លៃ ៦ ពាន់​លាន​ដុល្លារ​សម្រាប់​វ៉ាក់សាំង​កូវី​ដ​១៩ ជាមួយ​ក្រុមហ៊ុន​ផលិត​ឱសថ​របស់​អង់គ្លេស​-​ស៊ុយអែត​ឈ្មោះ AstraZeneca នៅ​ថ្ងៃ​សុក្រ​ខាង​មុខ នេះ​បើ​តាម​ការចុះផ្សាយ​របស់​សារព័ត៌មាន​បាងកក​ប៉ុស្តិ៍​នៅ​ថ្ងៃ​ពុធ​។​

​អ្នកនាំពាក្យ​រង​របស់​រដ្ឋាភិបាល​ថៃ​លោកស្រី ត្រៃ​ស៊ូ​រី តៃ​សារ៉ាណា​គុល បាន​និយាយ​នៅ​ថ្ងៃ​ពុធ​ទី​២៥​វិច្ឆិកា​នេះ​ថា លោកនាយក​រដ្ឋមន្ត្រី​ប្រា​យុទ្ធ ចាន់​អូ​ចា នឹង​ធ្វើជា​អធិបតី​ក្នុង​ពិធី​នេះ​ក្រោយពី​គណៈ​រដ្ឋ​​មន្ត្រី​កាលពី​ថ្ងៃទី ១៧ ខែ​វិច្ឆិកា​បាន​អនុម័ត​ការទិញ​វ៉ាក់សាំង​នេះ​។​

​លោកស្រី​ត្រៃ​ស៊ូ​រី​និយាយថា កិច្ចសន្យា​គឺ​ស្ថិតនៅ​ក្រោម​លក្ខខណ្ឌ​ថា ប្រទេស​ថៃ​អាច​ឬ​មិន​អាច​ទទួលបាន​វ៉ាក់សាំង ដោយ​ផ្អែក​លើ​លទ្ធផល​នៃ​ការស្រាវជ្រាវ​និង​កត្តា​ដទៃទៀត​។​

​លោកស្រី​បន្ត​ថា “​ការចុះហត្ថលេខា​លើ​កិច្ចសន្យា​នេះ​នឹង​ផ្តល់ឱ្យ​ប្រជាជន​ថៃ​នូវ​ឱកាស​ប្រសើរ​ជាង​ប្រទេស​ដទៃ​ទៀត​ដើម្បី​ទទួលបាន​វ៉ាក់សាំង​។ ការទទួលយក​វ៉ាក់សាំង​រំពឹង​ធ្វើឡើង​នៅ​ពាក់កណ្តាល​ឆ្នាំ ២០២១”​។​

​កិច្ចសន្យា​នេះ​អាច​នឹង​គ្របដណ្តប់​លើ​ការផលិត​វ៉ាក់សាំង​នៅក្នុង​ប្រទេស​ថៃ​នៅឯ​រោងចក្រ​របស់​របស់​ក្រុមហ៊ុន Siam Bioscience Group ។ លោកស្រី​បាន​និយាយថា​វា​រួមបញ្ចូល​ទាំង​ការផ្ទេរ​​បច្ចេកវិជ្ជា​ផលិតកម្ម​ផងដែរ​។​

​នៅ​ក្រោម​កិច្ចសន្យា​នេះ ថៃ​នឹង​បញ្ជា​ទិញ​វ៉ាក់សាំង​ចំនួន ២៦ លាន​ដូស​គ្រប់គ្រាន់​ល្មម​សម្រាប់ចា​ក់​ឱ្យ​មនុស្ស​ចំនួន ១៣ លាន​នាក់​៕

​ថៃ​នឹង​ចុះហត្ថលេខា​ទិញ​វ៉ាក់សាំង​កូវី​ដ​១៩​ពី​ក្រុមហ៊ុន AstraZeneca នៅ​ថ្ងៃ​សុក្រ

ទីតាំងផ្សាយពាណិជ្ជកម្ម

- Advertisment -

Most Popular