Home ព័ត៌មានជាតិ សង្គម ​ពលរដ្ឋ ក្នុង...

​ពលរដ្ឋ ក្នុងស្រុក​បូ​ទុម​សាគរ ចង់បាន​ប្លង់​កម្មសិទ្ធិ​ដីធ្លី ស្របច្បាប់​

​ដោយៈ សុ​ផានី​តា / កោះកុងៈ តំណាង​ប្រជាពលរដ្ឋ រស់​នៅតាម​បណ្តា​ឃុំ ក្នុងស្រុក​បូ​ទុម​សាគរ ខេត្តកោះកុង នៅ​ថ្ងៃទី​២៥ ខែវិច្ឆិកា ឆ្នាំ​២០២០ បាន​ទទូច​ដល់​ប្រធាន​ក្រុមប្រឹក្សា អភិបាលខេត្ត​កោះកុង និង​មន្ទីរជំនាញ ចុះ​ធ្វើ​បណ្ណ​កម្មសិទ្ធិ កាន់កាប់​ដីធ្លី ដែល​ពួកគាត់​រស់នៅ និង​អាស្រ័យ​ផល​ជាច្រើន​ឆ្នាំ មកហើយ ពី​ដូនតា​មក​។​

​ការស្នើសុំ​របស់​ប្រជាពលរដ្ឋ យ៉ាង​ដូច្នេះ ធ្វើឡើង​ក្នុង​វេទិកា​ផ្សព្វផ្សាយ និង​ពិគ្រោះ​យោបល់ របស់​ក្រុមប្រឹក្សា ខេត្តកោះកុង អាណត្តិ​ទី​៣ ក្នុង​បរិវេណ​សាលា ស្រុក​បូ​ទុម​សាគរ នៅពេល​ពលរដ្ឋ តែង​រង​ផលប៉ះពាល់ ដោយសារតែ​ក្រុមហ៊ុន​វិនិយោគ ឬ​អង្គការ​វ៉ា​យ​អេ​ត ជំទាស់​ជា​បន្តបន្ទាប់​។​

​លោក ហែម ង៉ែត មេភូមិ​ព្រ​លេន ឃុំ​កណ្តោល បានឱ្យដឹងថាៈ ដីធ្លី​ដែល​កំពុង​រស់នៅ ធ្លាប់បាន​យុវជន​សម្តេច​តេ​ជោ វាស់វែង​ក្នុង​បទបញ្ជា ០១ ពុំទាន់​មាន​ប្លង់ កម្មសិទ្ធិ​នៅឡើយ គិត​មកទល់ពេលនេះ​។ ក្រៅពី​ចង់បាន​ប័ណ្ណ​កាន់កាប់​ដីធ្លី ក៏មាន​បញ្ហា​ចង់បាន ភ្លើងអគ្គិសនី ប្រើប្រាស់​ជាង ២០ គ្រួសារ កន្លងទៅ ខាង​ក្រុមហ៊ុន សន្យា ត បណ្តាញ ចូល​មូលដ្ឋាន​។​

​អ្នកស្រី ប្រាំង វើ​ន ពលរដ្ឋ​ភូមិ​កំពង់ថ្ម បានលើកឡើង​ថាៈ ពួកគាត់ រស់នៅ​លើដី​ធ្លី ផ្ទះសម្បែង តាំងពី​ឆ្នាំ​១៩៩៣ មកម្ល៉េះ ពុំទាន់​មាន​អាជ្ញាធរ​ស្រុក ខេត្ត ចុះ​វាស់វែង កាត់​ឆ្វៀល​ចេញ ពី​តំបន់​ការពារ​ទេ ។ បើ​គ្មាន​ឯកសារ​ស្របច្បាប់​ទេ ពួកគាត់ រង​ប្រឈម​នឹង​ការបាត់បង់​ដី ពេលណា​មួយ បុគ្គល​មានអំណាច ឬ​ក្រុមហ៊ុន​ផ្សេងៗ​។​

​ទាក់​ព័ន្ធ​បញ្ហា​នេះដែរ លោក កាយ សំ​រួម ប្រធាន​ក្រុមប្រឹក្សា ខេត្តកោះកុង និង​អ្នកស្រី មិថុនា ភូ​ថង សុទ្ធតែ​អះអាងថា សុំ​ពលរដ្ឋ​កុំ​បារម្ភ ព្រោះ​អាជ្ញាធរ បាន​គិតគូរ​ដោះស្រាយ​ជូន​ហើយ នៅឡើយ រង់ចាំតែ​អនុក្រឹត្យ សម្រេច​ពី​រាជរដ្ឋាភិបាល​កម្ពុជា លើ​ការពិនិត្យ​កាត់​ឆ្វៀល ចេញពី​តំបន់​ការពារ​អភិរក្ស ដូច្នេះ​សុំ​ពេលវេលា បាន​លម្អិត​ការងារ ចុងក្រោយ​។​

​លោក កាយ សំ​រួម បាន​ពន្យល់​ទៀតថា ការផ្តល់សេវា​រដ្ឋបាល​ខេត្ត ស្រុក ឃុំ គឺ​ធ្វើយ៉ាងណា លើកកម្ពស់​ជីវភាពរ​ស់​នៅ របស់​ប្រជាពលរដ្ឋ ឱ្យ​កាន់តែ​ល្អប្រសើរ​ឡើង តាមរយៈ​សំណើ ឬ​សំណូមពរ​ណា នៅ​សេសសល់ ពុំទាន់​ដោះស្រាយ ក្រុមប្រឹក្សា​ខេត្ត រដ្ឋបាលខេត្ត ស្រុក ឃុំ​សង្កាត់ នឹង​យកទៅ​ប្រជុំ​ពិចារណា​ថា ត្រូវ​ដោះស្រាយ ជូន​ពលរដ្ឋ​របៀប​ណា​។​

​រីឯ​ខ្វះខាត​ភ្លើងអគ្គិសនី​ប្រើប្រាស់ ចំនួន ២០ គ្រួសារ នៅ​ភូមិ​ព្រ​លោ​ន ត្រូវបាន​លោក ប៉ិច ស៊ី​យ៉ុ​ន ប្រធាន​មន្ទីរ​រ៉ែ និង​ថាមពល ខេត្តកោះកុង ក៏ដូចជា តំណាង​ក្រុមហ៊ុន​ភ្លើងអគ្គិសនី របស់លោក ហេង ហ៊ុយ បានលើកឡើង​ថាៈ សម្រាប់​ឆ្នាំ​២០២០ ជា​គោលនយោបាយ របស់​រដ្ឋាភិបាល​កម្ពុ​ជា គ្រប់​ភូមិ ត្រូវបាន​ភ្លើងអគ្គិសនី ប្រើប្រាស់​។ តែ​កត្តា​ភូមិសាស្ត្រ​ខេត្ត មាន​ពលរដ្ឋ​នៅ​កោះ ពុំទាន់​តែ​ភ្ជាប់ បាន​គ្រប់គ្រាន់ នៅឡើយ​ទេ រីឯ​មូលដ្ឋាន​ពលរដ្ឋ នៅលើ​គោក​វិញ ព្រោះតែ​វិបត្តិ​កូ​វីដ ១៩ ធ្វើឱ្យ​គម្រោង​អភិវឌ្ឍន៍ ថាមពល​អគ្គិសនី បាន​ផ្លាស់ប្តូរ កសាង​បណ្តាញ ទៅ​គោលដៅ​ផ្សេងៗ​គ្នា​។

​លោក​ប្រធាន​មន្ទីរ​រ៉ែ និង​ថាមពល ខេត្តកោះកុង បានបញ្ជាក់​ថាៈ របាយការណ៍ ត​ភ្ជាប់​បណ្តាញ​អគ្គិសនី នៅក្នុង​ស្រុក​បូ​ទុម​សាគរ ត្រូវបាន​ក្រុមហ៊ុន អះអាងថា អនុវត្តបាន​គ្រប់​ភូមិ រួចរាល់​អស់ហើយ​។ ចំពោះ​ខ្វះខាត ក្នុងភូមិ​ព្រ​លោ​ន ក្រុមហ៊ុន​ហេង ហ៊ុយ ស្រាយ​បំភ្លឺថា មូលដ្ឋាន​ភូមិ​នេះ ដាក់​គម្រោង​អភិវឌ្ឍន៍ ឆ្នាំ​២០២១ ខាងមុខ ការខ្វះចន្លោះ​ដាក់​ឆ្នាំ ២០២០ បាន​រំកិល ទើប​កកស្ទះ​ថវិកា​អនុវត្ត​៕/V​

​ពលរដ្ឋ ក្នុងស្រុក​បូ​ទុម​សាគរ ចង់បាន​ប្លង់​កម្មសិទ្ធិ​ដីធ្លី ស្របច្បាប់​

​ពលរដ្ឋ ក្នុងស្រុក​បូ​ទុម​សាគរ ចង់បាន​ប្លង់​កម្មសិទ្ធិ​ដីធ្លី ស្របច្បាប់​

ទីតាំងផ្សាយពាណិជ្ជកម្ម

- Advertisment -

Most Popular