Home ព័ត៌មានជាតិ នយោបាយ ​សម្ដេច​តេ​ជោ...

​សម្ដេច​តេ​ជោ ហ៊ុន សែន មាន​មោទនភាព​ជាមួយ​ប្រជាជន​កម្ពុជា​ក្នុងការ​គ្រប់គ្រង​សភាពការណ៍​កូ​វីដ​១៩

ដោយ​៖​តារា​រិ​ទ្ធ​/​ភ្នំពេញ​៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន បានលើកឡើង​ថាស​ម្តេច​មាន​មោទនភាព​ចំពោះ​ប្រជា ជនកម្ពុជា​ដែល​ចេះ​ការពារ​ខ្លួន​ហើយ​ចូលរួម​សាមគ្គី​ជាមួយ​រាជរដ្ឋាភិបាល​ក្នុងការ​ទប់ស្កាត់​ជំងឺ​កូ​វីដ​១៩ កន្លងមក​ដែល​ធ្វើឱ្យ​ស្ថានភាព​កូ​វីដ​១៩​នៅក្នុង​ប្រ ទេស​កម្ពុ​ជាមាន​លក្ខណៈ​ល្អប្រសើរ​និង​មាន​អ្នក​ឆ្លង​តិច​បំផុត​,​មិនមាន​អ្នកស្លាប់ ខណៈដែល​អ្នក​ឆ្លង​ជំងឺ​នេះ​ស្ទើរតែ​ទាំងស្រុង​ត្រូវបាន​ព្យាបាល​ជា​សះ​ស្បើយ​។​

​សម្តេច​តេ​ជោ ហ៊ុន សែន បានលើកឡើង​បែបនេះ​ក្នុងឱកាស​ដែល​សម្តេច​អញ្ជើញ​ជួប​សំណេះសំណាល​ជាមួយ​«​មេ ធាវី​ស្ម័គ្រចិត្ត​សម្តេច​តេ​ជោ​សែន​»​នា ព្រឹក​ថ្ងៃទី​២៥ ខែវិច្ឆិកា ឆ្នាំ​២០២០ នៅ​វិមាន​សន្តិភាព​។​

​សម្តេច​តេ​ជោ ហ៊ុន សែន បាន​ថ្លែងថា​ជោគជ័យ​នៅក្នុង​ការប្រយុទ្ធប្រឆាំង​នឹង​ជំងឺ​កូ​វីដ​១៩ មិន​អាស្រ័យទៅលើ​ប្រទេស​ដែលមាន​សេដ្ឋកិច្ច​រីកចម្រើន​ឬ​ប្រ ទេស​ដែលមាន​ប្រព័ន្ធ​សុខាភិបាល​ខ្លាំងក្លា​នោះទេ​ប៉ុន្តែ​សំខាន់បំផុត​លើ​ការចាត់ចែង​និង​គ្រប់គ្រង​សភាពការណ៍​ឱ្យបាន​ល្អ​និង​ច្បាស់លាស់​។​

​សម្តេច​តេ​ជោ ហ៊ុន សែន បាន​លើកឡើងថា​៖​បញ្ហា​បច្ចុប្បន្ន​ត្រូវ​មើល​ឱ្យឃើញ​មិន​ប្រាកដថា​ប្រទេស​ដែលមាន​វេជ្ជសាស្ត្រ​ជឿនលឿន​អាច​ទប់ស្កាត់បាន នោះទេ​ជាក់ស្តែង​ឥឡូវ​ប្រទេស​ដែលមាន​សេដ្ឋកិច្ច​លូតលាស់​វិស័យ​សុខាភិ បាល​រឹងមាំ​ប៉ុន្តែ​ការស្លាប់​គរ​ជើង​គ្នា​រក​កន្លែង​កប់​ស្ទើរតែ​មិនបានឆ្លង​រាប់ម៉ឺន នាក់​ក្នុង​១​ថ្ងៃៗ​ដូច្នេះ​ភាសា​ដែល​គេ​និយាយថា សុខាភិបាល​ប្រទេស​នេះ​ទន់ខ្សោយ ប្រទេស​នេះ​រឹងមាំ មិនទាន់​ប្រាកដ​ទេ​បញ្ហា​ប្រាកដ​គឺ​ស្ថិតនៅត្រង់​វិធី ចាត់ចែង​គ្រប់គ្រង​សភាពការណ៍​បាន​យ៉ាងដូចម្តេច ។ សហរដ្ឋអាមេរិក​ដែល​អះអាងថា​ខ្លួន​ជា​មហាអំណាច​ពិភពលោក​មាន​ករណី​ឆ្លង​កូ​វីដ​១៩​រហូតដល់ទៅ១៧៥.០៤៧ក្នុង​រយៈពេល២៤ម៉ោង​ចុង​ក្រោយនេះ​ប៉ុណ្ណោះ។ ករណី​ឆ្លង​កូ​វីដ​១៩​សរុប​នៅ​ទូទាំង​សហរដ្ឋអាមេរិក​បាន​កើនឡើង​ដល់​ជាង ១២.៩៥៥.០០០​ករណី​ក្នុងនោះ​អ្នកស្លាប់​សរុប​មាន ២៦៥.៨៩១ នាក់​និង​ជាសះស្បើយ​ឡើងវិញ​ចំនួន​៧.៦៣៦.៦៨៤​នាក់​។​ដោយឡែក​ប្រទេស​ជាច្រើន​នៅ អឺរ៉ុប​ក៏​កំពុងតែ​រងគ្រោះ​ដោយ​ជំងឺ​កូ​វីដ​១៩ កាន់តែ​ខ្លាំងក្លា​ពីមួយថ្ងៃ​ទៅមួយថ្ងៃ​ផងដែរ ។ ប្រទេស​បារាំង​ត្រូវបាន​រកឃើញ​កូ​វីដ​១៩ ជាង​២​លាន​ករណី​និង ស្លាប់​ជាង​៥​ម៉ឺន​នាក់​,​ប្រទេស​អេ​ស្ប៉ា​ញ​រកឃើញ​ជាង​១,៦​លាន​ករណី​ស្លាប់​ជាង​៤​ម៉ឺន​នាក់​,​អង់គ្លេស​រកឃើញ​១,៥​លាន​ករណី​និង​ស្លាប់​ជាង​៥​ម៉ឺន​នាក់​, អ៊ីតាលី​រកឃើញ​ជាង​១,៥​លាន​ករណី​ស្លាប់​ជាង​៥​ម៉ឺន​នាក់​និង​អាល្លឺម៉ង់​រកឃើញ​ជិត​១​លាន​ករណី​និង​ស្លាប់​ជាង​១,៤​ម៉ឺន​នាក់​ផងដែរ​។​

​សម្តេច​តេ​ជោ ហ៊ុន សែន បានធ្វើការ​កត់សំគាល់​ថា​៖ ករណី​រីក​រាលដាល​ច្រើន​បែបនេះ​ដោយសារតែ​មានការ​ធ្វេសប្រហែស លើ​ការចាត់ចែង​របស់​រដ្ឋា​ភិបាល​ហើយ​ប្រជាជន​នៃ​ប្រទេស​ទាំងនោះ​មិន​ព្រម​សហការ​ដែល​បានកើត​ឡើង​នូវ​បញ្ហា​កាន់តែ​ធំ ។ប្រទេស​នៅ​អឺរ៉ុប​មួយចំនួន​ប្រជាជន​កំពុង​ធ្វើបាតុកម្មប្រឆាំង​ទៅនឹង​ការបិទ​ប្រទេស​បិទ​តំប ន់​ដែល​នាំមក​នូវ​ផលវិបាក​សម្រាប់​រដ្ឋាភិបាល​ប្រទេស​ទាំងនោះ​ដោយសារតែ​ប្រជាជន​មិន​ព្រមស្តាប់​។

​សម្តេច​តេ​ជោ ហ៊ុន សែន បានលើកឡើង​ដែរ​ថា​៖«​សម្តេច​មាន​មោទនភាព​ចំពោះ​ប្រជាជន​កម្ពុជា​ដែល​ចេះ​ការពារ​ខ្លួន​ហើយ​ចូលរួម​សាមគ្គី​ជាមួយ​រាជ​រដ្ឋា ភិ​បាល​ក្នុងការ​ទប់ស្កាត់​ជំងឺ​កូ​វីដ​១៩ កន្លងមក​ដែល​ធ្វើឱ្យ​ស្ថានភាព​កូ​វីដ​១៩ នៅក្នុង​ប្រទេស​កម្ពុ​ជាមាន​លក្ខណៈ​ល្អប្រសើរ​ឡើង​និង​មាន​អ្នក​ឆ្លង​តិច​បំផុត ខណៈ​អ្នក​ឆ្លង​ស្ទើរតែ​ទាំងស្រុង​ត្រូវបាន​ព្យាបាល​ជាសះស្បើយ​»​។​

​ជាមួយនេះដែរ​សម្តេច​តេ​ជោ​នាយករដ្ឋមន្ត្រី​ក៏បាន​ធ្វើការ​ច្រានចោល​ចំពោះ​ករណី​ដែល​មានការ​លើកឡើងថា​ដោយសារ​ពលរដ្ឋ​ខ្មែរ​ជា​អំបូរ​ខ្មែរ​អង្គរ​ដែលមាន​ឈាមក្រហម​អាច​ប្រឆាំងនឹង​កូ​វីដ​១៩​បាន​និង​អ្នកខ្លះ​ទៀតថា​មកពី​អាកាសធាតុ​ក្តៅ​អាច​សម្លាប់​មេរោគ​កូ​វីដ​១៩​បាន ។​ សម្តេច​ថ្លែងថា​មិនមែន​មកពីយើង​ជា​ខ្មែរ​អង្គរ​ដែលមាន​ឈាមក្រហម​អាច​ប្រឆាំងនឹង​វីរុស​កូ​វីដ​១៩​បាន​នោះទេ​ឬក៏​មកពី​កត្តា​ធាតុអាកាស។សម្តេច​បាន​បន្តថាអ្នក​ដែល​អះអាងថា យើង​ជា​ឈាមជ័រ​ខ្មែរ​អង្គរ ឈាមក្រហម អាច​ទប់ទល់​ជាមួយ​កូ​វីដ​បាន​អញ្ចឹង​សូម​ស្ម័គ្រចិត្ត​ទៅ​បម្រើ​អ្នក​កើត​ជំងឺ​កូ​វីដ​ទៅហើយ​មិនបាច់​ការពារ​ទេ​ដើម្បី ដឹងថា​ឆ្លង ឬ​មិន​ឆ្លង ។​

​នៅក្នុង​នោះដែរ​សម្ដេច​តេ​ជោ​នាក​រដ្ឋមន្ត្រី​ក៏បាន​រម្លឹក​ពី​ព្រឹត្តិការណ៍​៣ វិច្ឆិកា​ថា​ដែល​បាន​ពាក់ព័ន្ធ​ដល់​មនុ​ស្សទាំង​ផ្ទាល់​និង​ប្រយោល​មាន​ចំនួន ១៨០២ នាក់​ដែល​គ្របដណ្ដប់​ដល់​ទៅ ១១រាជធានី​ខេត្ត ។ ដូច្នេះ​សម្ដេច​អាចនិយាយបាន​ដោយ​មោទនភាព​ថា​សំណុំ​បញ្ហា​ដ៏​សាំញ៉ាំ​នៃ​ព្រឹត្តិការណ៍​៣​វិច្ឆិកា​មិន មែន​ជា​រឿង​តូចតាច​ទេ​គឺជា​រឿង​ធំ​ណាស់​ប្រសិនបើ​យើង​គ្មាន​យន្តការ​ប្រតិកម្ម​រហ័ស​ដោយ​ក្រុមគ្រូពេទ្យ​និង​អាជ្ញាធរ​ព្រមទាំង​តួអង្គ​ពាក់ព័ន្ធ​យើង​មិនអាច គ្រប់គ្រង​នូវ​សភាពការណ៍​នេះ​បានទេ ។

​សម្ដេច​តេ​ជោ ហ៊ុន សែន បាន​លើក​ជា​ឧទាហរណ៍​ថា ប្រសិនបើ​យើង​មិន​ប្រញាប់ប្រញាល់​គ្រប់គ្រង​សភាពការណ៍​នេះ​បន្ទាន់​វា​នឹង​អាចធ្វើឱ្យ​មនុស្ស​ឆ្លងចូលទៅក្នុង​សហគមន៍​ហើយ​ពេលនោះ​ហើយ​ដែល​បញ្ហា​វា​នឹង​បានកើត។ក៏ប៉ុន្តែ​យើង​បាន​កម្រិត​ត្រឹមតែ​មនុស្ស​ចំនួន០៤ នាក់​តែប៉ុណ្ណោះ​ដែល​បាន ឆ្លង​។​ដូច្នេះ​យើង​បាន​កម្រិត​ឱ្យនៅ​តូច​ហើយ​យើង​ដោះស្រាយបាន​បញ្ហា​នេះ​តាមរយៈ​នៃ​ការធ្វើ​ច​ត្តា​ឡី​ស័ក​បាន​ត្រឹមត្រូវ​ទៅលើ​មនុស្ស​ដែល​ពាក់ព័ន្ធ​ដែល យើង​បាន​គ្រប់គ្រង​បាន​នូវ​សភាពការណ៍​នេះ ។

​សម្ដេច​តេ​ជោ​ក៏បាន​ថ្លែង​នូវ​ការ​អរគុណ​ចំពោះ​ក្រសួងសុខាភិបាល​មន្ត្រី​សុខាភិបាល​គ្រប់រូប​ក៏ដូចជា​តួអង្គ​ពាក់ព័ន្ធ​ទាំងអស់​អាជ្ញាធរ​គ្រប់លំដាប់​ថ្នាក់​ដែលបាន​ចូលរួម​ទប់ស្កាត់​ហើយ​បញ្ចប់​ទៅបាន​ដោយ​ជោគជ័យ​នៅ​ព្រឹត្តិ ការណ៍ ៣ វិច្ឆិកាដែល​សម្ដេច​ចាត់ទុកជា​មហន្តរាយ​សុខភាព​សាធារណៈ​។

សម្ដេច​តេ​ជោ​សែន​បន្តថា​យើង​ត្រូវ​ប្រុងប្រយ័ត្ន​បើទោះបីជា​ព្រឹត្តិការណ៍​៣​វិច្ឆិកា​បាន​កន្លងផុត​ក៏ប៉ុន្តែ​យើង​ត្រូវតែ​ច្បាស់លាស់​ត្រូវ​បន្ត​ការខិតខំ​ប្រឹងប្រែង ដើម្បី​ធានាថា​កម្ពុ​ជាមាន​ជំងឺឆ្លង​តិច​ហើយ​គ្មាន​មនុស្ស​ស្លាប់ ។ សម្ដេច​បានបញ្ជាក់​បន្ថែម​ថា​និយាយ​រួម​ជំងឺ​កូ​វីដ​នៅ​ប្រទេស​របស់​របស់​យើង​នាំចូល​១០០ ភាគរយ​មក​ចម្លង​ក្នុងស្រុក​ហើយ​យើង​ទទួល​ការពិនិត្យ​ព្យាបាល​ឱ្យ​ជនបរទេស​ដោយ​ការ​នាំចូល​រាប់ទាំង​ខ្មែរ​យើង​ផងដែរ​។​ដូច្នេះ​សម្ដេច​មាន​មោទនភាព ជាមួយនឹង​ការគ្រប់គ្រង​សភាពការណ៍​៕​

ទីតាំងផ្សាយពាណិជ្ជកម្ម

- Advertisment -

Most Popular