Home ព័ត៌មានជាតិ នយោបាយ ​ឆ្នាំក្រោយ​រ...

​ឆ្នាំក្រោយ​រាជរដ្ឋាភិបាល​នឹង​បង្កើន​គម្រោង​កម្ចី​ហិរញ្ញប្បទាន​ពី​បរទេស​ជាង​ពីរពាន់លាន​​ដុល្លារ​

​ដោយៈ​សុផល​/​ភ្នំពេញៈ​ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ បានឱ្យដឹងថា សម្រាប់​ឆ្នាំ​ក្រោយនេះ រាជរដ្ឋាភិបាល បានស្នើ​បង្កើន​គម្រោង​កម្ចី​ហិរញ្ញប្បទាន​ពី​បរទេស​សរុប​១.៥០០​លាន​អេស​ឌី​អ​(SDR) ត្រូវជា​ប្រមាណ​ជាង​ពីរពាន់លាន​​ដុ​លា្ល​រ ខណៈ​គម្រោង​ចំណាយ​ថវិកាជាតិ​ត្រូវបាន​ប៉ាន់ ប្រមាណ ក្នុង​ទឹកប្រាក់​ជាង​៧.៩០០​លាន​ដុល្លារ ដើម្បី​យកមក​ជួយ​ស្តារសេដ្ឋកិច្ច សង្គម និង​លើកស្ទួយ​ជីវភាព​ប្រជាពលរដ្ឋ​ឡើងវិញ ក្រោយ​វិបត្តិ​ជំងឺ​កូ​វីដ​-១​ដែល​កំពុង​រាតត្បាត​ជាស​កល​។​នេះ​ជាការ​លើកឡើង​របស់លោក​ឧបនាយករដ្ឋមន្ត្រី​នៅក្នុង​ឱកាស​ឡើង មក​ការពារ​សេចក្តីព្រាងច្បាប់​ស្តីពី​ហិរញ្ញវត្ថុ​សម្រាប់​ការគ្រប់គ្រង​ឆ្នាំ​២០២១​ក្នុងសម័យ​ប្រជុំ​រដ្ឋសភា​នា​ថ្ងៃ​២៥​ខែវិច្ឆិកា​។​

​លោក​អគ្គបណ្ឌិត​សភាចា​រ្យ បាន​បញ្ជាក់ថា កម្រិត​នៃ​ការខ្ចី​បំណុល​ពី​បរទេស​មកដល់នឹង​ពេលបច្ចុប្បន្ននេះ មិនទាន់​ធ្វើឱ្យ​កម្ពុជា​ជំពាក់​គេ​វ័ណ្ឌក​នោះទេ ដោយ​កម្ចី​នេះ​ស្ថិតក្នុង​បន្ទាត់​ពិ​ដាន​តាម​ទំហំ​សមស្រប​ដែល​ស្ថានភាព​ថវិកា និង​សេដ្ឋកិច្ច​អាច​ទ្រាំទ្រ​បា​និង​ក៏​ជា​កម្ចី​ឥណទាន​ដែលមាន​កម្រិត​សម្បទាន​ឬលក្ខខណ្ឌ​អនុគ្រោះ​ក្នុង​អត្រា​ការប្រាក់​ទាប​បំផុត​។​

​ឆ្នាំក្រោយ​រាជរដ្ឋាភិបាល​នឹង​បង្កើន​គម្រោង​កម្ចី​ហិរញ្ញប្បទាន​ពី​បរទេស​ជាង​ពីរពាន់លាន​​ដុល្លារ​

​សូមជម្រាបថា​សេចក្តីព្រាងច្បាប់​ស្តីពី​ហិរញ្ញវត្ថុ​សម្រាប់​ការគ្រប់គ្រង​ឆ្នាំ​២០២១ ដែល​គម្រោង​ចំណាយ​ថវិកាជាតិ​មានទឹក​ប្រាក់​ជាង​៣២​ទ្រី​លាន​រៀល ឬ​ជាង​៧.៩០០​លាន​ដុល្លារ​អាម៉េរិក ត្រូវបាន​រដ្ឋសភា​អនុម័ត​ជា​ឯកច្ឆន្ទ ដើម្បី​បើកផ្លូវ​ឱ្យ​រាជរដ្ឋាភិបាល​អនុវត្ត​ការងារ​តាម​ផែនការ​គ្រោងទុក​។​

​ទាក់ទង​នឹង​សេចក្តីព្រាងច្បាប់​នេះ​លោក​ឧបនាយករដ្ឋមន្ត្រី បានស្នើ​ឱ្យមាន​ការចាយ​វាយ​ក្នុង​កម្រិត​រឹតត្បិត​បំផុត សម្រាប់​ប្រតិបត្តិការ​នា​ឆ្នាំ​២០២១​ខាងមុខ ខណៈ​ក្នុង​ឆ្នាំ​២០២០​នេះ សង្គម និង​សេដ្ឋកិច្ចរបស់​កម្ពុជាបាននិង កំពុង​រង​ផលប៉ះពាល់​នៃ​ជំងឺ​រាតត្បាត​ជាស​កល​។​

​លោក​បានឱ្យដឹង​បន្ថែមថា ក្នុង​ឆ្នាំ​២០២១ បៀវត្សរ៍​អប្បបរមា​របស់​មន្ត្រីរាជកា​រ ស៊ីវិល និង​កងកម្លាំង​ប្រដាប់អាវុធ ក៏ដូចជា​រដ្ឋបាល​ថ្នាក់ក្រោម​ជាតិ ចាប់ពី​ថ្នាក់​រាជធានី​-​ខេត្ត រហូតដល់​ថ្នាក់ឃុំ​-​សង្កាត់ គឺ​ត្រូវបាន​រក្សា​កម្រិត​ដូច​នៅ​ឆ្នាំ​២០២០​នេះ ដើម្បី​សន្សំ​ថវិកា សម្រាប់​ទប់ទល់​ការ​រាតត្បាត​នៃ​ជំងឺ​កូ​វីដ​-១៩ និង​ស្តារ​សេដ្ឋកិច្ច​ក្រោយ​គ្រោះមហន្តរាយ​ទឹកជំនន់​៕​

​ឆ្នាំក្រោយ​រាជរដ្ឋាភិបាល​នឹង​បង្កើន​គម្រោង​កម្ចី​ហិរញ្ញប្បទាន​ពី​បរទេស​ជាង​ពីរពាន់លាន​​ដុល្លារ​

ទីតាំងផ្សាយពាណិជ្ជកម្ម

- Advertisment -

Most Popular