Home ព័ត៌មានជាតិ អប់រំ ​ប្រឡង​បាក់​ឌ...

​ប្រឡង​បាក់​ឌុប​ឆ្នាំនេះ តឹងរ៉ឹង​ជាង​ឆ្នាំមុនៗ ពិសេស​គឺ​បង្ការ ទប់ស្កាត់ ការពារ ការចម្លង​ជំងឺ​កូ​វីដ ១៩

ដោយៈ ភ្នំ​ស្វាយ / បន្ទាយ​មាន​ជ័​យៈ ការប្រឡង​សញ្ញាប័ត្រ​មធ្យមសិក្សា ទុតិយភូមិ ឬ បាក់​ឌុប ឆ្នាំ​២០២០ នេះ តឹងរ៉ឹង​ជាង​ឆ្នាំមុនៗ ពិសេស​គឺ​បង្ការ ការពារ​ការចម្លង​ជំងឺ​កូ​វីដ ១៩ ។ នេះ​បើ​យោង​កិច្ចប្រជុំ រវាង​រដ្ឋបាលខេត្ត​បន្ទាយមានជ័យ រួម​នឹង​មន្ទីរអប់រំ យុវជន និង​កីឡា​ខេត្ត មន្ទីរ អង្គការ​ពាក់ព័ន្ធ និង​អង្គការ​ប្រឆាំង​អំពើពុករលួយ (ACU) ស្តីពី​ការត្រៀម​លើ​វិធានការ និង​ដំណើរ​ប្រព្រឹត្តទៅ នៃ​ការប្រឡង​សញ្ញាប័ត្រ មធ្យមសិក្សា​ទុតិយភូមិ នា​សាលាខេត្ត ថ្ងៃទី​២៥ ខែវិច្ឆិកា ឆ្នាំ​២០២០ ។​

​កិច្ចប្រជុំ​នោះ ដឹកនាំ​ដោយ លោក ខេង ស៊ុម ប្រធាន​ក្រុមប្រឹក្សា​ខេត្ត លោក អ៊ុំ រាត្រី អភិបាលខេត្ត និង​លោក ស៊ិន វ៉ៃ​ឌ្យ៉ា ឧបការី​អង្គភាព​ប្រឆាំង​អំពើពុករលួយ លោក ឈួ ប៊ុន​រឿង ប្រធាន​មន្ទីរអប់រំ យុវជន និង​កីឡា​ខេត្ត ។ មន្ត្រី​ថ្នាក់ដឹកនាំ និង​មន្ត្រី​ជំនាញ​អប់រំ បាន​សង្កត់ធ្ងន់ លើ​វិធាន​ការពង្រឹង​សន្តិសុខ សណ្តាប់ធ្នាប់ នី​តី​វិធី នៃ​ដំណើរ​ប្រព្រឹត្តទៅ របស់​មណ្ឌល​សំណេរ និង​ពិសេស ជាង​ឆ្នាំ​ណា​ទាំងអស់ គឺ​ការបង្ការ ទប់ស្កាត់ ការពារ ការចម្លង​ជំងឺ​កូ​វីដ ១៩ ។​

​លោក​ប្រធាន​មន្ទីរអប់រំ បានលើកឡើង ពី​ការកែទម្រង់ និង​រឹតបន្តឹង លើ​ដំណើរ​ប្រព្រឹត្ត​មណ្ឌល​សំណេរ នៃ​ការប្រឡង ការដឹកជញ្ជូន សុវត្ថិភាព​កញ្ចប់​វិញ្ញាសា ការបំពេញ​ការងារ របស់​គណៈមេប្រយោគ និង​ការប្រឡង របស់​បេក្ខជន ក្នុង​ទិស​ស្លោក “​ចេះ​ប្រឡង​ជាប់ ” ។​

​ប្រឡង​បាក់​ឌុប​ឆ្នាំនេះ តឹងរ៉ឹង​ជាង​ឆ្នាំមុនៗ ពិសេស​គឺ​បង្ការ ទប់ស្កាត់ ការពារ ការចម្លង​ជំងឺ​កូ​វីដ ១៩

​សូមបញ្ជាក់ថា ការប្រឡង​សញ្ញាប័ត្រ មធ្យមសិក្សា​ទុតិយភូមិ សម័យ​ប្រឡង ប្រព្រឹត្តទៅ នៅ​ថ្ងៃទី​២១ ខែធ្នូ ឆ្នាំ​២០២០ ខាងមុខនេះ ។​

​លោក អ៊ុំ រាត្រី អភិបាលខេត្ត ក៏ដូចជា​តំណាង​អង្គភាព​ប្រឆាំង​អំពើពុករលួយ បាន​ណែ​នាំអោយ​សមត្ថកិច្ច កងកម្លាំង មន្ត្រី​ជំនាញ និង​អាជ្ញាធរ អ្នកសង្កេតការណ៍ ដែល​បញ្ជូនមក ដោយ​អង្គភាព​ប្រឆាំង​អំពើពុករលួយ ត្រៀម​ទទួលខុសត្រូវ និង​បំពេញ​តួនាទី ភារកិច្ច អោយបាន​លទ្ធផល​ល្អ និង​មាន​ប្រសិទ្ធភាព ។

​សូមប​ញ្ឫ​ក់ថា សម្រាប់​ខេត្តបន្ទាយមានជ័យ មាន ៧ មណ្ឌល ស្មើនឹង ២២៤ បន្ទប់ ក្នុងនោះ ថ្នាក់​វិទ្យាសាស្ត្រ មាន ៣ មណ្ឌល ស្មើនឹង ៩៨ បន្ទប់ និង​ថ្នាក់​វិទ្យាសាស្ត្រ​សង្គម មាន ៤ មណ្ឌល ស្មើនឹង ១២៦ បន្ទប់ ។ បេក្ខជន ក្នុង​បញ្ជី​មាន ៥.៥៧៤ នាក់ ស្រី ២.៨៧៨ នាក់ ។ ក្នុងនោះដែរ បេក្ខជន​ចំណេះ​ទូទៅ មាន ៤.១៣៧ នាក់ ស្រី ២.២០៦ នាក់ , បេក្ខជនស្វៃរិន មាន ១.១០២​នាក់ ស្រិ ៥៨៥ នាក់ និង​បេក្ខជន​បំពេញវិជ្ជា មាន ៣៣៥ នាក់ ស្រី ៨៧ នាក់ ៕/V​

​ប្រឡង​បាក់​ឌុប​ឆ្នាំនេះ តឹងរ៉ឹង​ជាង​ឆ្នាំមុនៗ ពិសេស​គឺ​បង្ការ ទប់ស្កាត់ ការពារ ការចម្លង​ជំងឺ​កូ​វីដ ១៩

​ប្រឡង​បាក់​ឌុប​ឆ្នាំនេះ តឹងរ៉ឹង​ជាង​ឆ្នាំមុនៗ ពិសេស​គឺ​បង្ការ ទប់ស្កាត់ ការពារ ការចម្លង​ជំងឺ​កូ​វីដ ១៩

ទីតាំងផ្សាយពាណិជ្ជកម្ម

- Advertisment -

Most Popular