​គ​.​ជ​.​ក​.​ប បើក​កិច្ចប្រជុំ​លើកដំបូង ដើម្បី​កំណត់​ផែនការ ក្នុង​ការរក្សា​ផលប្រយោជន៍ អ្នកប្រើប្រាស់ នៅ​កម្ពុជា​

​ដោយៈ ពៅ​និមល / ភ្នំពេញៈ នៅ​ទីស្តីការ​ក្រសួងពាណិជ្ជកម្ម កាលពី​រសៀល ថ្ងៃទី​២៥ ខែវិច្ឆិកា ឆ្នាំ​២០២០ កន្លងទៅ គណៈកម្មាធិការ​ជាតិ ការពារ​អ្នកប្រើប្រាស់ (​គ​.​ជ​.​ក​.​ប​) បានរៀបចំ​កិច្ចប្រជុំ​លើក​ទី​១ ក្នុង​គោល​បំណង ដើម្បី​ពិនិត្យ​របាយការណ៍​ការ​ងារ និង​កំណត់​ផែនការ​សកម្មភាព ដែល​នឹងត្រូវ​អនុវត្ត ក្នុង​បុព្វហេតុ​ការពារ​សិទ្ធិ និង​ផលប្រយោជន៍ របស់​អ្នកប្រើប្រាស់ នៅ​កម្ពុជា​។​

​លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម និង​ជា​ប្រធាន​គណៈកម្មាធិការ​ជាតិ ការពារ​អ្នកប្រើប្រាស់ បាន​មានប្រសាសន៍ ប្រាប់​ក្រុម​អ្នក​សារ​ព័ត​មាន នៅក្រោយ​ចប់​កិច្ចប្រជុំ​ថាៈ ដោយសារ​ប្រព័ន្ធ និង​គោលនយោបាយ ក្នុង​កិច្ចការពារ​អ្នកប្រើប្រាស់​របស់​កម្ពុជា មាន​លក្ខណៈ​ក្មេងខ្ចី​នៅឡើយ បើ​ធៀប​ទៅនឹង​ប្រទេស​ក្នុង​តំបន់ ហើយ​​​​​​​​កិច្ចការពារ​អ្នកប្រើប្រាស់​នេះ ក៏​ជា​ប្រធានបទ​ថ្មី​សន្លាង សម្រាប់​ប្រជាជន​កម្ពុជា​ដែរ តែ​ក្រោយ​ការធ្វើ​កំណែទម្រង់​តួនាទី និង​ភារកិច្ច​រួចមក អគ្គនាយដ្ឋាន​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ក​.​ប​.​ប​) នៃ​ក្រសួងពាណិជ្ជកម្ម បានដាក់​ចេញ​នូវ គោលការណ៍ ក្នុង​កិច្ចការពារ​អ្នកប្រើប្រាស់ ជា​សកម្ម​ភាព​អាទិភាព​ចម្បង របស់​អគ្គនាយដ្ឋាន និង​រាជរដ្ឋាភិបាល​។​

​លោក ផាន អូន អគ្គនាយក នៃ​អគ្គនាយកដ្ឋាន ក​.​ប​.​ប បាន​អំពាវនាវ​ឱ្យ​សាធារណៈជន​ទាំងអស់ ដែលមាន​បណ្តឹង ពាក់ព័ន្ធ​នឹង​ការរំលោភបំពាន​សិទ្ធិ អ្នកប្រើប្រាស់ អាចដាក់​ពាក្យបណ្តឹង មក​អគ្គនាយកដ្ឋាន តាមរយៈ​ផេ​ក​ហ្វេ​ស​ប៊ុ​ក ឬ​តាមរយៈ​អង្គភាព​ផ្ទាល់​ក៏បាន​។​

​លោក​បាន​បន្តថាៈ ច្បាប់​ស្តីពី​កិច្ចការពារ​អ្នកប្រើប្រាស់ ត្រូវបាន​ប្រកាស​ឲ្យ​ប្រើប្រាស់ ដាក់ឱ្យ​អនុវត្តន នា​ខែ​វិ​ចិ្ឆ​កា ឆ្នាំ​២០១៩ កន្លងទៅ ក្នុងនោះ មាត្រា​៥ បានចែង​អំពី ការបង្កើត​នូវ​គណៈកម្មាធិការ​ជាតិ ការពារ​អ្នកប្រើ​ប្រាស់​នេះ​ឡើង​។ តាមរយៈ​អាណត្តិ ដែល​ត្រូវបាន​ផ្តល់ឱ្យ ដោយ​ច្បាប់ អនុក្រឹត្យ ស្តីពី​ការរៀបចំ និង​ការប្រព្រឹត្​តទៅ របស់​គណៈកម្មាធិការ​ជាតិ ការពារ​អ្នកប្រើប្រាស់ ក៏ត្រូវ​ទទួលបាន​ការ​ឯកភាព ពី​ប្រមុខ​រាជរដ្ឋាភិបាល ផងដែរ ហើយ​សមាសភាព​នៃ គណៈកម្មាធិការ​ជាតិ តំណាង​មកពី​ក្រសួង ស្ថាប័ន​ចំនួន ១២ រូប​៕/V​

​គ​.​ជ​.​ក​.​ប បើក​កិច្ចប្រជុំ​លើកដំបូង ដើម្បី​កំណត់​ផែនការ ក្នុង​ការរក្សា​ផលប្រយោជន៍ អ្នកប្រើប្រាស់ នៅ​កម្ពុជា​

​គ​.​ជ​.​ក​.​ប បើក​កិច្ចប្រជុំ​លើកដំបូង ដើម្បី​កំណត់​ផែនការ ក្នុង​ការរក្សា​ផលប្រយោជន៍ អ្នកប្រើប្រាស់ នៅ​កម្ពុជា​

​គ​.​ជ​.​ក​.​ប បើក​កិច្ចប្រជុំ​លើកដំបូង ដើម្បី​កំណត់​ផែនការ ក្នុង​ការរក្សា​ផលប្រយោជន៍ អ្នកប្រើប្រាស់ នៅ​កម្ពុជា​

ទីតាំងផ្សាយពាណិជ្ជកម្ម

- Advertisment -



Most Popular