Home ព័ត៌មានជាតិ សន្តិសុខ ក្រុម​អ្នកបើក...

ក្រុម​អ្នកបើក​តាក់ស៊ី​ចោទថា​ចំណតរថយន្ត​ផ្សារ​ដើម​គរ​ប្រើ​កូនចៅ​ទារលុយ​ឡាន​តាក់ស៊ី​លើស​សៀវភៅ​បន្ទុក​និង​បង្ករ​ភាព​រញ៉េរញ៉ៃ​

ដោយ​:​កញ្ញា​ឌី​/​ភ្នំពេញ​:នៅ​ចំណតរថយន្ត​ផ្សារ​ដើម​គរ​មិនមាន​សណ្តាប់ធ្នាប់​នោះទេ​ដោយសារ​ម្ចាស់​បេនឡាន​នេះ​ប្រើ​សន្តិសុខ​ឈរ​ទារលុយ​ពី​ក្បាល​ឡាន​តាក់ស៊ី​យ៉ាង​អាណាធិបតេយ្យ និង​យក​លើស​សៀវភៅ​បន្ទុក ព្រមទាំង​បង្ក​ភាព​រញ៉េរញ៉ៃ​ពេញ​បេន​ផងដែរ ដោយសារតែ​អ្នករត់​ចាប់​ម៉ូយ​ដាក់​ឡាន​។​

អ្វីដែល​ចាប់អារម្មណ៍​នោះ​គឺ​ក្រុម​អ្នករៀបចំ​សណ្តាប់ធ្នាប់​ចំណតរថយន្ត​បើ​ឃើញ​មាន​អ្នកណា​ចុះទៅ​ថតរូប​ពួក​សន្តិសុខ​ចំណត​តាម​ថតរូប​វិញ ព្រមទាំង​តាម​ជាប់​នៅពេលដែល​សួរនាំ​ហាក់ដូចជា​ចង់​បិទបាំង​រឿង​មិន​ប្រក្រតី​មួយចំនួន​។​

ចំណតរថយន្ត​តាក់ស៊ី​ផ្សារ​ដើម​គរ​ស្ថិតក្នុង​សង្កាត់​ផ្សារ​ដើម​គរ​ខណ្ឌទួលគោក​ត្រូវបាន​គេ​ដឹងថា​ជា​ចំណុច​រថយន្ត​តាក់ស៊ី​មួយ​ពី​ភ្នំពេញ​ទៅ​ខេត្តតាកែវ​, កំពត និង​ពី​ភ្នំពេញ​ទៅ​ខេត្តកំពង់ស្ពឺ ហើយ​ត្រូវបាន​ម្ចាស់​ចំណត​ប្រើ​កូនចៅ​ឱ្យ​យកលុយ​ខុសពី​សៀវភៅ​បន្ទុក​។

​បន្ថែម​ពីលើ​នេះ​ទៀត​ថៅ​បេន​បាន​បើក​វិសាលភាព​បេន​បន្ថែមទៀត​ដោយបាន​យកលុយ​ពី​ក្បាល​ឡាន​រហូតដល់​មុខ​មជ្ឈមណ្ឌល​ចេនឡា​ថែមទៀត ដែល​ធ្វើឱ្យ​បណ្តោយ​ផ្លូវ​ម៉ៅ​សេទុង​និង​ផ្លូវ​នៅមុខ​មជ្ឈមណ្ឌល​ចេនឡា​នេះ​បាត់បង់​សោ​ភណ្ឌ​ភាព​និង​សណ្តាប់ធ្នាប់​យ៉ាងខ្លាំង​។​បើតាម​អ្នករត់​ស៊ី​ពី​ភ្នំពេញ​ទៅ​ខេត្តតាកែវ​ម្នាក់​បានឱ្យដឹងថា​នៅតាម​ផ្លូវជាតិ​លេខ​២​មាន​កម្លាំង​នគរបាល​ដាក់​គោលដៅ​ចំនួន​២​កន្លែង​នៅ​ចំណុច​ស្ពានដែក​មួយកន្លែង​និង​នៅ​អូរ​ចំបក់​ក្បែរ​ទី​រួម​ខេត្តតាកែវ ។

​គោលដៅ​ទាំង​២​នេះ​តែងតែ​ចេញមក​កាក់​ទារលុយ​ឱ្យតែ​ឃើញ​រថយន្ត​តាក់ស៊ី​មកដល់​។​តាម​អ្នករត់​តាក់ស៊ី​រូបនោះ​បានឱ្យដឹង​ទៀតថា​កន្លែង ខ្លះ​ទារ​មួយ​ម៉ឺន​រៀល​ដាច់​និង​កន្លែង​ខ្លះទៀត​សុំ​បាន​៥​ពាន់​រៀល ។​ម្ចាស់​ចំណតរថយន្ត​ដែល​គេ​ស្គាល់​ឈ្មោះថា​៖​សេក សារ៉ន ប្រធាន​គ​ណះ​កម្ម​ការ​គ្រប់​គ្រ​ផ្សារ​ដេប៉ូ​ខណ្ឌទួលគោក​សព្វថ្ងៃនេះ​ហាក់​នៅតែ​ផ្សារ​ដើម​គរ​ទេ​រាល់ថ្ងៃ​។​គេ​សួរ​គាត់​ម្ដងៗ​រឿង​ចំណតរថយន្ត​បែរជា​ឆ្លើ​ប​ង្វៀង​មិន​ចំ​ចំណុច​។​

អ្នករត់​តាក់ស៊ី​បន្តថា​៖​នៅពេល​ឃាត់​រថយន្ត​នគរបាល​ទាំងនោះ​បាន​យក​លេស​ថា​ដឹក​លើស​ចំណុច​និង​ពេលខ្លះទៀត​អត់​ខុស​ឱ្យតែ​ដឹងថា​រថយន្ត​តាក់ស៊ី​ហៅ​សុំ​ប្រាក់​តែម្តង​។​អ្នករត់​តាក់ស៊ី​ផ្សេងទៀត​បាន​រៀបរាប់​ដូចគ្នានេះដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular