Home ព័ត៌មានជាតិ សន្តិសុខ កម្លាំង​អាជ្ញ...

កម្លាំង​អាជ្ញាធរ​ចុះបង្ក្រាប​ទីតាំង​ល្បែងស៊ីសង​ហ្គេម​អន​ឡាញ ឃាត់ខ្លួន​មនុស្ស​ប្រុស​ស្រី​២០​នាក់

ដោយ​: ចាន់តូ / ភ្នំពេញ​: ទីតាំង​ហ្គេម​អន​ឡាញ​មួយកន្លែង បើក​លេង​ប្រមូលផ្តុំ​ដោយ​សិស្សសាលា យុវជន យុវនារី ចូល​លេង បង្ក​អសន្តិសុខ​ក្នុង​មូលដ្ឋាន ត្រូវបាន​កម្លាំង​អាជ្ញាធរ​ខណ្ឌ​ពោធិ​សែន​ជ័យ ចុះបង្ក្រាប ឃាត់ខ្លួន​មនុស្ស​អ្នកញៀន​ល្បែង​ចំនួន​២០​នាក់ ស្រី​៦​នាក់ ដកហូត​កុំព្យូទ័រ​បាន​២៤​គ្រឿង កាលពី​វេលា​ម៉ោង​១២​និង​១៥​នាទី​រសៀល ថ្ងៃទី​២៦ ខែវិច្ឆិកា ឆ្នាំ​២០២០ នៅផ្ទះ​ល្វែង​គ្មាន​យីហោ ផ្លូវ​បេតុង ភូមិ​ជម្ពូ​វ័ន សង្កាត់​ចោមចៅ​៣ ខណ្ឌ​ពោធិ​សែន​ជ័យ​។​

​តាម​អាជ្ញាធរ​បាន​ឲ្យ​ដឹងថា ក្រោយពី​ទទួលបាន​សេចក្តីរាយការណ៍​ពី​បងប្អូន​ប្រជាពលរដ្ឋ​ក្នុង​មូលដ្ឋាន ទីតាំង​ខាងលើ​លួច​បើក​លេង​ហ្គេម​អ៊ី​ន​ធឺ​ណេ​ត ប្រមូលផ្តុំ​ដោយ សិស្សសាលា យុវជន យុវនារី គេច​សាលា​មិន​ចូលរៀន​សូត្រ ទើប​កម្លាំង​អាជ្ញាធរ​ខណ្ឌ​និង​កម្លាំង​សង្កាត់​ចោមចៅ​៣ ក្រោម​បញ្ជា​ពី​លោក ហែម ដា​រិ​ទ្ធ អភិបាលខណ្ឌ​ពោធិ​សែន​ជ័យ ចុះទៅ​បង្ក្រាប​ជាក់ស្តែង ឃាត់ខ្លួន​មនុស្ស​២០​នាក់ ប្រុស​១៤​នាក់ ស្រី​៦​នាក់ ដកហូត​កុំព្យូទ័រ​ចំនួន​២៤​គ្រឿង​។​

​មនុស្ស​ញៀន​ល្បែង​អន​ឡាញ​ទាំង​២០​នាក់ និង​សម្ភារៈ​ពាក់ព័ន្ធ ត្រូវបាន​នាំយកទៅ​សាលាខណ្ឌ​ពោធិ​សែន​ជ័យ ដើម្បី​ធ្វើការ​អប់រំ ធ្វើ​កិច្ច​ន្យា បញ្ឈប់​គេច​សាលា មុននឹង​ឲ្យ​វិលត្រឡប់​ទៅផ្ទះ​វិញ​៕​

ទីតាំងផ្សាយពាណិជ្ជកម្ម

- Advertisment -

Most Popular