Home ព័ត៌មានជាតិ សន្តិសុខ ឆេះ​រោង​ម៉ាស៊...

ឆេះ​រោង​ម៉ាស៊ីនកិនស្រូវ​នៅ​ខណ្ឌដង្កោ​

ដោយ​: ចាន់តូ / ភ្នំពេញ​: អគ្គិភ័យ​បាន​ឆាបឆេះ​សំបកបាវ​ចាស់ៗ​រោង​ម៉ាស៊ីនកិនស្រូវ​មួយកន្លែង​យ៉ាង​សន្ធោសន្ធៅ បង្ក​ការភ្ញាក់ផ្អើល​ដល់ក​ម្មក​រ និង​រថយន្ត​ពន្លត់អគ្គីភ័យ​ជាច្រើន​គ្រឿង​ចេញ​ជួយ​បាញ់​ពន្លត់​ភ្លាមៗ​។​

​ហេតុការណ៍​គ្រោះ អគ្គិភ័យ​នេះ​បានកើត​ឡើង​កាល​វេលា​ម៉ោង​៩​នឹង​៣០​នាទី​ព្រឹក ថ្ងៃទី​២៦ ខែវិច្ឆិកា ឆ្នាំ​២០២០ ស្ថិតនៅតាម​បណ្តោយ​ផ្លូវជាតិ​លេខ​២ ភូមិ​កណ្តាល សង្កាត់​រលួស ខណ្ឌដង្កោ​។​

​ម្ចាស់​ឃ្លាំង​ឈ្មោះ ប៊ុន សុធី ភេទ​ប្រុស អាយុ ៤៣​ឆ្នាំ មុខរបរ​: ស​ម្ងួ​ត​ស្រូវ​។​

​បើ​ប្រភពព័ត៌មាន​នៅ​កន្លែងកើតហេតុ បាន​ឲ្យ​ដឹងថា មុនពេល​កើតហេតុ គេ​ឃើញ​មាន​ផ្កាភ្លើង​ខ្ទាត​ចេញពី​ឡ​ត៍​ដុត​កំទេច​ក្រណាត់​ឆេះ​សំបកបាវ​ចាស់ៗ បង្ក​ឲ្យ​ក្លាយជា​អណ្តាតភ្លើង​ឆាបឆេះ​យ៉ាង​សន្ធោ​ន្ធៅ បង្ក​ឲ្យ​មានការ​ភ្ញាក់ផ្អើល​ដល់​ថៅកែ​និង​ក្រុមកម្មករ ជួយ​នាំគ្នា​យក​ទុយោ​ទឹក​និង​បំពង់​ពន្លត់​អគ្គិភ័យ​មក​បាញ់​ពន្លត់​អស់​ជាច្រើន​បំពង់ តែដោយសារ​ស្ថានភាព​ភ្លើង​ឆាបឆេះ​ខ្លាំងពេក ទើប​រាយការណ៍​ទៅ​សមត្ថកិច្ច​ខណ្ឌដង្កោ សហកា​ជាមួយ​កម្លាំង​រថយន្ត​ពន្លត់​អគ្គិភ័យ នៃ​ស្នងការ​នគរបាល​រាជធានី​ភ្នំពេញ រថយន្ត​ពន្លត់​អគ្គិភ័យ​ស្នងការដ្ឋាន​ខេត្តកណ្តាល រួម​និង​រថយន្ត​ពន្លត់​អគ្គិភ័យ​ក្រុមហ៊ុនស្រា​បៀ​កម្ពុជា ជាច្រើន​គ្រឿង​ចេញមក​ជួយ​អន្តរាគមន៍ បាញ់​ទឹក​ពន្លត់​ឲ្យ​រលត់ទៅវិញ​ជា​ស្ថាពរ​នៅវេលា​ម៉ោង​១០​និង​០០​នាទី​ថ្ងៃ​ដដែល​។ សម្ភារៈ​ខូចខាត​: រោង​ដាក់​សំបកបាវ​ទំហំ ៣​ម៉ែត្រ x២០ ម៉ែត្រ​។​

​សមត្ថកិច្ច​បាន​ឲ្យ​ដឹងថា ករណី​អគ្គិភ័យ​ឆេះ​ខាងលើនេះ បណ្តាលមកពី​ខ្ទាត​ផ្កាភ្លើង​ចេញពី​ឡ​ត៍​ដុត​កំដៅ​ស្រូវ​ប៉ះចំ​កំទេច​ក្រណាត់​សំបកបាវ​បង្ក​ជា​អគ្គិភ័យ​។ ក្នុង​ហេតុ​ការ​ណ៏​នេះ​ផងដែរ មិន​បណ្តាល​ឲ្យ​មា​នន​ណា​ម្នាក់​រងរបួស​នោះទេ គ្រាន់តែ​ខូចខាត​រោង​ម៉ា​ស៊ឺន​កិនស្រូវ​មួយចំនួន​ប៉ុណ្ណោះ​៕

ទីតាំងផ្សាយពាណិជ្ជកម្ម

- Advertisment -

Most Popular