Home ព័ត៌មានជាតិ នយោបាយ ប្រជុំ​ក្រុមប...

ប្រជុំ​ក្រុមប្រឹក្សា MRC ទី​២៧ និង​កិច្ច​ពិគ្រោះ​យោបល់​ជាមួយ​ដៃគូ​ទី​២៥ ប្រជុំ​តាម​វិ​ដេ​អូ​

ដោយ​: ប​.​ខុន / ភ្នំពេញ​: កិច្ចប្រជុំ​ក្រុមប្រឹក្សា MRC​លើក​ទី​២៧​និង​កិច្ចប្រជុំ ពិគ្រោះ​យោបល់ ជាមួយ​ដៃគូ​អភិវឌ្ឍន៍ លើក​ទី​២៥ ដែល​បានរៀបចំ​ធ្វើតាម ប្រព័ន្ធ វីដេអូ​នៅ​ស​ណ្ឋា គារ​សូ​ហ្វី​តែ​ល រាជធានី​ភ្នំពេញ នា​ព្រឹក​ថ្ងៃទី​២៦​ខែវិច្ឆិកា​ឆ្នាំ​២០២០ ដឹកនាំ​ដោយ​លោក សូ​មេ​ត ផូ​សេនា (Sommad Pholsena) រដ្ឋមន្ត្រីក្រសួង​ធនធានធម្មជាតិ និង​បរិស្ថាន ជា​សមាជិក​ក្រុមប្រឹក្សា MRC តំណាង​ប្រទេស​ឡាវ ដែល​ទទួល​វេន​ជា ប្រធាន​ក្រុមប្រឹក្សា MRC សម្រាប់​ឆ្នាំ​២០២០​។​

​លោក លឹម គានហោ រដ្ឋមន្ត្រីក្រសួង​ធនធានទឹក និង​ឧតុនិយម​, ប្រធាន​គណៈកម្មាធិការ​ជាតិ​ទន្លេមេគង្គ​កម្ពុជា និង​ជា​សមាជិក​ក្រុមប្រឹក្សា​គណៈកម្មការ​ទន្លេ​មេគង្គ (MRC) ត្រូវបាន​អញ្ជើញ​ចូលរួម​នៅក្នុង​កិច្ចប្រជុំ​នេះ ជាមួយ​សមាជិក​ក្រុមប្រឹក្សា MRC ថ្នាក់​រដ្ឋមន្ត្រី​នៃ​ប្រទេស​ជា​សមាជិក MRC បី​ផ្សេងទៀត​ដូចជា ឡាវ ថៃ និង​វៀតណាម តំណាង​នៃ​ប្រទេស​ដៃគូ​អភិវឌ្ឍន៍ ប្រទេស​ដៃគូ​សន្ទនា (​ចិន មី​យ៉ាន់​ម៉ា​) និង​អង្គការ​តំបន់​និង​អន្តរជាតិ​ពាក់ព័ន្ធ​ព្រមទាំង​មន្ត្រី​នៃ​លេខាធិការដ្ឋាន MRC សរុប​ចំនួន​១៥៧​រូប​។​

​សេចក្តីប្រកាស​ពត៍​មាន​របស់​កិច្ចប្រជុំ​នេះ​បានសរសេរថា កិច្ចប្រជុំ​ខាងលើ បាន​ពិនិត្យ ពិភាក្សា​លើ​វឌ្ឍនភាព​នៃ​កិច្ច​សហប្រតិបត្តិ ការ តំបន់​,​ការអនុវត្ត​នីតិ វិធី ស្តីពី​ការគ្រប់គ្រង​ការប្រើប្រាស់​ទឹក​, ស្ថានភាព​ជលសា​ស្ត្រ ក្នុង​អាង​ទន្លេមេគង្គ​ក្រោម​, ការពិនិត្យ​តាមដាន​ទន្លេ និង​កិច្ចការ​ពាក់ព័ន្ធ​សំខាន់ ផ្សេងទៀត​។ កិច្ចប្រជុំ បាន​ពិនិត្យ អនុម័ត​ឯកសារ​សំខាន់ៗ​មួយចំនួន​របស់ MRC ដូចជា​៖ យុទ្ធសាស្ត្រ អភិវឌ្ឍន៍​អាង ឆ្នាំ​២០២១-២០៣០ និង​ផែនការ​យុទ្ធសាស្ត្រ ឆ្នាំ​២០២១-២០២៥, យុទ្ធសាស្ត្រ​គ្រប់គ្រង​បរិស្ថាន​, ផែនការមេ​ផ្នែក​នាវាចរណ៍​, ផែនការ​ការងារ MRC សម្រាប់​ឆ្នាំ​២០២០-២០២១ និង​លក្ខន្តិកៈ​ការងារ​សម្រាប់​ប៉ុ​ស្ត នាយក​ប្រតិបត្តិ​នៃ លេខាធិការដ្ឋាន​MRC​ដែល​នឹង​ជ្រើសរើស​ចេញពី​ប្រទេស​ឡាវ សម្រាប់​អណ​ត្តិ​៣ ឆ្នាំ​បន្ត​ពី​ឆ្នាំ​២០២២​ដល់​ឆ្នាំ​២០២៤​។​

​នៅក្នុង​សេចក្តីប្រកាស​ខាងលើ​បាន​សរសេរ​ទៀតថា ឯកសារ​យុទ្ធសាស្ត្រ ក៏ដូចជា​ផែនការ​ការងារ​ដែល​បានអនុម័ត​ដោយ​ក្រុមប្រឹក្សា​នាពេលនេះ គឺ​បានកំណត់​នូវ​អាទិភាព​និង​សកម្ម​ភាពជា​យុទ្ធសាស្ត្រ ដែល MRC ត្រូវអនុវត្ត​ដើម្បី​បន្ត​លើកកម្ពស់​កិច្ចខិតខំ​ប្រឹងប្រែង​រួមគ្នា ក៏ដូចជា​កិច្ចសហប្រតិបត្តិការ​តំបន់​ឲ្យ​បាន​កាន់តែ​រឹងមាំ និង​ប្រសើរ​ថែមទៀត ដើម្បី​គិតគូរ​ដោះស្រាយ​បញ្ហា​ប្រឈម​នានា ឲ្យ​មាន​ប្រសិទ្ធភាព និង​ដើម្បី​ការអភិវឌ្ឍ​ប្រកបដោយ​ចីរភាព​ក្នុង​អាង​ទន្លេមេគង្គ​៕​

ទីតាំងផ្សាយពាណិជ្ជកម្ម

- Advertisment -

Most Popular