Home ព័ត៌មានអន្តរជាតិ ហ្វីលីពីន​នឹង...

ហ្វីលីពីន​នឹង​ចុះហត្ថលេខា​ទិញ​វ៉ាក់សាំង​២​លាន​ដូសពី​AstraZeneca

​ប្រែ​សម្រួលៈ​វាសនា​/​ម៉ានីល​៖​ហ្វីលីពីន​នឹង​ចុះហត្ថលេខា​លើ​កិច្ចព្រមព្រៀង​ទិញ​វ៉ាក់សាំង​កូវី​ដ​១៩​ពី​ក្រុមហ៊ុន​AstraZeneca​ចំនួន​២​លាន​ដូ​ស​នៅ​ថ្ងៃ​សុក្រ​ទី​២៧​វិច្ឆិកា​។​

​លោក កាលី​តូ ហ្កា​ល់​វេស ប្រធាន​ផ្នែក​វ៉ាក់សាំង​និង​អនុវត្ត​គោលនយោបាយ​ទប់ស្កាត់​ជំងឺ​កូវី​ដ​១៩ បាន​និយាយថា កិច្ចព្រមព្រៀង​នេះ​រួមបញ្ចូល​បណ្តា​ក្រុមហ៊ុន​ឯកជន​ដែល​នឹង​ជួយ​មូលនិធិ​រដ្ឋាភិបាល​ក្នុង​​ការទិញ​វ៉ាក់សាំង​នេះ​។​ការរៀបចំ​ស្រដៀង​គ្នា​ក៏​នឹង​ត្រូវ​ធ្វើឡើង​ជាមួយ​បណ្តា​ក្រុមហ៊ុន​ផលិត​វ៉ាក់សាំង​ដទៃទៀត បើ​ការទិញ​ដូរ​មិន​គិត​ពី​ផលចំណេញ និង​ពួក​គេ​បញ្ចុះ​ថ្លៃ​។​

​តាមពិត​រដ្ឋាភិបាល​ហ្វីលីពីន មាន​គំរោង​ចាក់​វ៉ាក់សាំង​អោយ​ប្រជាជន​ខ្លួន​ដល់​ទៅ​៣០​លាន​នាក់​ក្នុង​មួយឆ្នាំ ដើម្បី​សំរេច​គោលដៅ​ចាក់​វ៉ាក់សាំង​បង្ការ​ដល់​ប្រជាពលរដ្ឋ​ខ្លួន​៧៥​ភាគរយ​។​ទោះជា​យ៉ាងណា ការ​​ផ្តល់​វ៉ាក់សាំង​នេះ​ទំនងជា​នឹង​មិន​កើត​មាន​ឡើង​មុន​ចុង​ត្រីមាស​ទី​២​ឆ្នាំក្រោយ​ទេ ដោយសារ​តែ​តំរូវការ​និង​ការ​ចែកចាយ​វ៉ាក់សាំង​លើ​លោក​មាន​ភាព​មមាញឹក​ខ្លាំង​។​

​លោក​កាល់​វេស កាលពី​ថ្ងៃ​ពុធ​បាន​និយាយថា ហ្វីលីពីន ដែល​ជា​ប្រទេស​ឆ្លងកូវី​ដ​១៩​ខ្លាំង​បំផុត​ទី​២​នៅ​អាស៊ី​អាគ្នេយ៍ មាន​ផែនកា​រទិញ​វ៉ាក់សាំង​៥០​លាន​ដូសពី​ក្រុមហ៊ុនចិន​Sinovac Biotech​។​

​រដ្ឋាភិបាល​ហ្វីលីពីន​មាន​ផែនការ​ចាក់​វ៉ាក់សាំង​ដល់​មនុស្ស​៣០​លាន​នាក់​ក្នុង​មួយឆ្នាំ

ទីតាំងផ្សាយពាណិជ្ជកម្ម

- Advertisment -

Most Popular