Home ព័ត៌មានជាតិ សន្តិសុខ ​លើក​ពេល​សវនា...

​លើក​ពេល​សវនាការ​ជំនុំជម្រះ សំណុំរឿង​រួមគំនិត​ក្បត់ តាម​ផែនការ ៩ វិច្ឆិកា របស់​សមរង្ស៊ី​

ដោយ​: ស​រិ​ទ្ធ / ភ្នំពេញ​: សវនាការ​ជំនុំជម្រះ សំណុំរឿង រួមគំនិត​ក្បត់ ប៉ុនប៉ង​ធ្វើ​រដ្ឋប្រហារ ផ្តួលរំលំ​រាជរដ្ឋាភិបាល ស្របច្បាប់ តាម​ផែនការ ៩ វិច្ឆិកា បាន​ត្រូវ​លើក​ពេល សវនាការ​ជំនុំជម្រះ បន្តទៅ​ថ្ងៃទី​១៤ ខែមករា និង​ថ្ងៃទី​៤ ខែមីនា ឆ្នាំ​២០២១ ខាងមុខនេះ បន្ទាប់ពី​បើកសវនាការ អស់​រយៈពេល​មួយ​ព្រឹក នា​ថ្ងៃទី​២៦ ខែវិច្ឆិកា ឆ្នាំ​២០២០ នេះ​។​

​លោក គុជ គឹម​ឡុង អ្នកនាំពាក្យ ស្ថាប័ន​អយ្យការ អម​សាលាដំបូង​រាជធានី​ភ្នំពេញ បានបញ្ជាក់​ថាៈ សំណុំរឿង ដែល​លើក​យកមក​សវនាការ​នេះ មាន​ចំនួន ៤ សំណុំរឿង ហើយ​ជនជាប់ចោទ ដែល​ត្រូវ​កោះហៅ មាន​ចំនួន​សរុប ១៣៩ រូប​។​

​លោក​បាន​អះអាងថាៈ នា​ព្រឹក​នេះ មាន​ជនជាប់ចោទ ចូលក្នុង​សវនាការ​តែ ៣៤ រូប​ប៉ុណ្ណោះ ក្នុងចំណោម​ជនជាប់ចោទ សរុប ១៣៩ នាក់​នោះ ហើយ​សំណុំរឿង​ទាំងនេះ ត្រូវ​បញ្ចូល​មកជា ២ សំណុំរឿង​វិញ​។​

​អ្នកនាំពាក្យ បានបញ្ជាក់​ថាៈ សំណុំរឿង​ទី​១ នឹង​បន្ត​សវនាការ នៅ​ព្រឹក​ថ្ងៃទី​១៤ ខែមករា ឆ្នាំ​២០២១ និង​សំណុំរឿង​ទី​២ នឹង​បន្ត​សវនាការ នៅ​ព្រឹក​ថ្ងៃទី​៤ ខែមីនា ឆ្នាំ​២០២១​។ សវនាការ​ជម​នុំ​ជម្រះ​នេះ មាន​លោក រស់ ពិសិដ្ឋ ជា​ប្រធាន​ក្រុមប្រឹក្សា​ជំនុំជម្រះ , លោក កើត សាំង និង​លោក អ៊ឹម វណ្ណៈ ជា​ចៅក្រម​ប្រឹក្សា ព្រមទាំង​មាន​លោក សេង ហៀ​ង ជា​តំណាង​អយ្យការ​។​

​ជនជាប់ចោទ ចំនួន ១៣៩ នាក់​នេះ ត្រូវបាន​តុលាការ កោះហៅ​ឲ្យ​ចូលខ្លួន មក​ជំនុំជម្រះ​ទោស លើ​បទចោទប្រកាន់ «​រួមគំនិត​ក្បត់​» និង «​ញុះញង់​បង្ក​ឲ្យ​មាន ភាពវឹកវរ​ធ្ងន់ធ្ងរ ដល់​សន្តិសុខ​សង្គម​»​។​

​តាម​សេចក្តីប្រកាស របស់​អ្នកនាំពាក្យ​ក្រសួងយុត្តិធម៌ កាលពី​ថ្ងៃទី​២០ ខែកញ្ញា ឆ្នាំ​២០១៩ កន្លងទៅ បានបញ្ជាក់​ថាៈ ផែនការ នៃ​ការវិល​ចូល​ប្រទេស​កម្ពុជា​វិញ របស់​ទណ្ឌិត សម រ​ង្ស៉ី មេ​ចលនា​ឧទ្ទាម ដែល​អំពាវ​ឱ្យ​កងទ័ព​បំបែក​ខ្លួន កាលពី​ឆ្នាំមុន​នោះ គឺជា «​រដ្ឋប្រហារ​» ដែលជា​អំពើ​វិទ្ធង្សនា និង​ជា​ឧក្រិដ្ឋកម្ម​ធ្ងន់ធ្ងរ ប៉ះពាល់​ដល់ សន្តិសុខ​នៃ​រដ្ឋ​៕/V

ទីតាំងផ្សាយពាណិជ្ជកម្ម

- Advertisment -

Most Popular