Home ព័ត៌មានជាតិ សន្តិសុខ ​តុលាការ ឃុំខ...

​តុលាការ ឃុំខ្លួន​ជនសង្ស័យ​ម្នាក់ ករណី​ជូ​ញ​ដូរ​គ្រឿងញៀន ជាង ៣ គីឡូក្រាម​

ដោយៈ ស​រិ​ទ្ធ / ភ្នំពេញៈ ជនសង្ស័យ​ម្នាក់ ដែល​ជាប់​ពាក់ព័ន្ធ ករណី​ជូ​ញ​ដូរ​គ្រឿងញៀន ជាង ៣ គីឡូក្រាម បាន​ត្រូវ​តុលាការ សម្រេច​ឃុំខ្លួន ដាក់ពន្ធនាគារ នា​រសៀល ថ្ងៃទី​២៦ ខែវិច្ឆិកា ឆ្នាំ​២០២០ ។​

​ជនសង្ស័យ ឈ្មោះ អ៊ុ​ល ភារៈ ភេទ​ប្រុស អាយុ​២៥​ឆ្នាំ បាន​ត្រូវ​សមត្ថកិច្ច​នគរបាល នៃ​មន្ទីរ​ប្រឆាំង​គ្រឿងញៀន ឃាត់ខ្លួន កាលពី​ម៉ោង ២​និង​៣៥​នាទី រសៀល ថ្ងៃទី​២២ ខែវិច្ឆិកា ឆ្នាំ​២០២០ នៅ​ចំណុច​បន្ទប់​ជួល ក្បែរ​រោងចក្រ​កាត់ដេរ តាម​ផ្លូវលំ ក្នុងភូមិ​ព្រៃ​ព្រីង​ខាងជើង សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ ដោយមាន​ការសម្របសម្រួល ពី​លោក ស៊ិត វណ្ណៈ ព្រះរាជអាជ្ញារង អម​សាលាដំបូង រាជធានី​ភ្នំពេញ​។​

​លោក​ឧ​ត្ត​ម​សេនីយ៍​ឯក ឡឹ​ក វណ្ណៈ នាយក​មន្ទីរ​ប្រឆាំង​គ្រឿងញៀន បានបញ្ជាក់​ថាៈ ជនសង្ស័យ ពាក់ព័ន្ធ​គ្រឿងញៀន ដែល​សមត្ថកិច្ច ចាប់ខ្លួន​ម្នាក់នេះ គឺជា​ឈ្មួញកណ្តាល ទទួល​ទិញ​ពី​មេខ្លោង​ធំៗ ដែល​នាំចូល​មកពី ប្រទេស​ឡាវ ដោយបាន​យកទៅលក់ និង​ចែកចាយ​ឲ្យ​ម៉ូយ​តូចៗ សម្រាប់​ប្រើប្រាស់ ជា​បន្តបន្ទាប់​ទៀត ។​

​ជាក់ស្តែង ជនសង្ស័យ​ម្នាក់នេះ ពេល​ទិញ​ថ្នាំញៀន បាន​ហើយ គេ​យកទៅ​លាក់ទុក នៅក្នុង​បន្ទប់​ជួល ដើម្បី​លក់ និង​ចែកចាយ​បន្ត តែ​ដោយមាន​ការស្រាវជ្រាវ ពី​កម្លាំង​មាន​សមត្ថកិច្ច នៃ​មន្ទីរ​ប្រឆាំង​គ្រឿងញៀន ជនសង្ស័យ ត្រូវបាន​បង្ក្រាប និង​ចាប់ខ្លួន ជាមួយ​សារធាតុ​ញៀន ប្រភេទ​មេ​តំ​ហ្វេ​តា​មីន (ICE) ទម្ងន់​សុទ្ធ​ជាង ៣ គីឡូក្រាម ៕/V

​តុលាការ ឃុំខ្លួន​ជនសង្ស័យ​ម្នាក់ ករណី​ជូ​ញ​ដូរ​គ្រឿងញៀន ជាង ៣ គីឡូក្រាម​

ទីតាំងផ្សាយពាណិជ្ជកម្ម

- Advertisment -

Most Popular