Home ព័ត៌មានជាតិ សង្គម អង្គការ​មូលនិ...

អង្គការ​មូលនិធិ​កុមារ​កម្ពុជា និង eMoney ប្រកាស​អំពី​ភាពជា​ដៃគូ​សហការ​ជួយ​ដល់​ប្រព័ន្ធ​អប់រំ​កុមារ​

​ដោយ​:​ដេប៉ូ​/​ភ្នំពេញ​: អង្គការ​មូលនិធិ​កុមារ​កម្ពុជា និង​ក្រុមហ៊ុន​បច្ចេកវិទ្យា​ហិរញ្ញវត្ថុ​ក្នុងស្រុក eMoney បានប្រកាស​អំពី​ភាពជា​ដៃគូ​ក្នុង​ការប្រមូល​មូលនិធិ​ថ្មី​ដើម្បី​ជួយ​គាំទ្រ​ដល់​ការអប់រំ​តាម​ប្រព័ន្ធ STEM និង​ផ្នែក​ព័ត៌មានវិទ្យា (IT) នៅក្នុង​អង្គការ​មូលនិធិ​កុមារ​កម្ពុជា (CCF) ។​

​ក្រោម​កិច្ចសហការ​នេះ​អង្គការ​មូលនិធិ​កុមារ​កម្ពុជា​និង​ក្រុមហ៊ុន eMoney បានធ្វើការ​ចុះហត្ថលេខា​លើ​អនុស្សារណៈ​នៃ​ការយោគយល់​គ្នា​កាល​នៅ​ថ្ងៃទី​២៦​ខែវិច្ឆិកា​ឆ្នាំ​២០២០​នេះ​ក្នុងនាម​ជា​ដៃគូ​សហការ និង​ការអនុវត្ត​យុទ្ធនាការ ប្រមូល​មូលនិធិ​ដែលមាន​រយៈពេល​៦​ខែ តាមរយៈ​ទម្រង់​បច្ចេកវិទ្យា​ហរិញ្ញវត្ថុ​របស់​ក្រុមហ៊ុន eMoney នៅក្នុង​ប្រទេស​កម្ពុជា​។

​គួរ​បញ្ជាក់ថា​អង្គការ​មូលនិធិ​កុមារ​កម្ពុជា (CCF) គឺជា​អង្គការក្រៅរដ្ឋាភិបាល​ក្នុង​តំបន់​នៅ​ស្ទឹងមានជ័យ បាន​ផ្លាស់​ប្តូរជីវិត​របស់​កុមារកំព្រា​ក្រីក្រ​បាត់បង់​ឱកាស និង​ត្រូវបាន​មើលរំលង​នៅក្នុង​ប្រទេស​កម្ពុជា តាមរយៈ​ការអប់រំ​ដ៏​មាន​គុណភាព​ខ្ពស់ ការបណ្តុះបណ្តាល​ភាពជា​អ្នកដឹកនាំ និង​កម្មវិធី​ជួយ​គាំទ្រ​ដោយផ្ទាល់​។​

តាមរយៈ​ការបរិច្ចាគ​នៅលើ​កម្មវិធី eMoney អ្នកប្រើប្រាស់ eMoney នៅ​ទូទាំងប្រទេស​កម្ពុជា នឹង​អាចធ្វើ​ការបរិច្ចាគ​ទៅកាន់​អង្គការ​មូលនិធិ​កុមារ​កម្ពុជា​ប្រកបដោយ​ភាពងាយស្រួល​។ ការបរិច្ចាគ​នេះ​ក៏​អាចធ្វើ​ឡើង​នៅ​គ្រប់​បណ្ដាញ​សាខា eMoney ចំនួន​៨,000​សាខា នៅ​ទូទាំងប្រទេស​។

អង្គការ​មូលនិធិ​កុមារ​កម្ពុជា និង eMoney ប្រកាស​អំពី​ភាពជា​ដៃគូ​សហការ​ជួយ​ដល់​ប្រព័ន្ធ​អប់រំ​កុមារ​

ភាពជា​ដៃគូរ​នេះ​នឹង​ផ្ដល់​ឲ្យ​កុមារ​កម្ពុជា​ក្រីក្រ​បំផុត​ជាង ២,000 នាក់ ដែល​កំពុងតែ​សិក្សា​នៅ​សាលារៀន​របស់​អង្គការ​មូលនិធិ​កុមារ​កម្ពុជា (CCF) នៅ​ស្ទឹងមានជ័យ ទីក្រុង​ភ្នំពេញ​ទទួលបាន​ការអប់រំ​តាម​ប្រព័ន្ធ STEM (​វិទ្យាសាស្ត្រ បច្ចេកវិទ្យា វិស្វកម្ម និង​គណិតវិទ្យា​) និង​ធនធាន​ផ្សេងៗ​របស់​បច្ចេកវិទ្យា​ព័ត៌មាន និង​ទូរគមនាគមន៍ (ICT)​។

​ស្ថាបនិក និង​នាយក​ប្រតិបត្តិការ​របស់​អង្គការ​មូលនិធិ​កុមារ​កម្ពុជា (CCF) លោក Scott Neeson បានបញ្ជាក់​អំពី​ភាពជា​ដៃគូ​នេះ​ថា “​អង្គការ​មូលនិធិ​កុមារ​កម្ពុជា (CCF) បាន​បង្កើត​កន្លែង​អប់រំ​តាម​ប្រព័ន្ធ STEM យ៉ាងរឹងមាំ​នៅក្នុង​តំបន់​ស្ទឹងមានជ័យ សម្រាប់ធ្វើ​ការបង្រៀន​ដល់​កុមារ​ក្រីក្រ​បំផុត​ក្នុង​តំបន់​នោះ​។ ភាពជា​ដៃគូ​ជាមួយនិង​ក្រុមហ៊ុន eMoney នេះ​នឹង​ជួយ​បង្កើន​ការអប់រំ​ដល់​សិស្សានុសិស្ស​របស់​យើង​។ ការសហការ​នេះ ក៏​នឹង​អាចឱ្យ​អ្នកគាំទ្រ​អង្គការ​មូលនិធិ​កុមារ​កម្ពុជា​នូវ​វិធី​ដែលមាន​ប្រសិទ្ធភាព​ក្នុងការ​តាមដាន​ការងារ និង​បរិច្ចាគ​ទៅ​កម្មវិធី​របស់​ពួក​យើង​ផងដែរ​។ ក្រុមហ៊ុន eMoney បាន​គាំទ្រ​យើង​យ៉ាង​ក្រៃលែង​ក្នុងការ​រៀបចំ​វេទិការ​នេះ ហើយ​​​យើងខ្ញុំ​សូម​ថ្លែងអំណរគុណ​ចំពោះ​ការយកចិត្តទុកដាក់រ​បស់​ពួកគេ​មកលើ​អប់រំ​តាម​ប្រព័ន្ធ STEM ដែល​យើង​មាននៅ​ទីនេះ​”​។​

​បញ្ជាក់​អំពី​ភាពជា​ដៃគូ​នេះ លោក Pham Doan Cuong ដែលជា​អគ្គនាយក​ក្រុមហ៊ុន eMoney បានឱ្យដឹង​ដែរ​ថា “​ភាពជា​ដៃគូ​នេះ​នឹង​ផ្តល់​ភាពងាយស្រួល​ដល់​ប្រជាជន​កម្ពុជា​ក្នុងការ​បរិច្ចាគ​ទៅកាន់​អង្គការ​មូលនិធិ​កុមារ​កម្ពុជា (CCF) តាមរយៈ​កម្មវិធី eMoney និង​តាម​បណ្ដាញ​ភ្នាក់ងារ eMoney ដែលមាន​ទីតាំង​ជាង 0៨00​កន្លែង នៅ​ទូទាំងប្រទេស ដើម្បី​ក្លាយជា​ផ្នែក​មួយ​នៃ​ការ​អភិវឌ្ឍ​ប្រទេស​កម្ពុជា​នាពេល​អនាគត​។​

លោ​កថា​តាមរយៈ​ការគាំទ្រ​ពី​ភាពជា​ដៃគូ​បែបនេះហើយ ដែល​ធ្វើ​ឲ្យ​អង្គការ​មូលនិធិ​កុមារ​កម្ពុជា (CCF) អាច​ផ្តល់​ការអប់រំ​ប្រកបដោយ​គុណភាព និង​កម្មវិធី​គាំទ្រ​សហគមន៍​នៅក្នុង​តំបន់​ស្ទឹង​មានជ័យ រាជធានី​ភ្នំពេញ​។ អង្គការ​មូលនិធិ​កុមារ​កម្ពុជា​បាន​កំពុង​បំបែក​វដ្ត​នៃ​ភាពក្រីក្រ ការ​រំលោភបំពាន និង​បង្កើត​ការផ្លាស់ប្តូរ​នៅក្នុង​ប្រទេស​កម្ពុជា តាម រយៈ​ការកសាង​សមត្ថភាព​របស់​សហគម​ន៍​ដែល​ត្រូវបាន​រំលោភបំពាន និង​ងាយ​រងគ្រោះ​បំផុត​៖ អ្នក​ដែលមាន​ជីវភាព​ក្រីក្រ​ខ្លាំង​បំផុត បញ្ហា​សុខភាព និង​សង្គម និង​អ្នក​ដែល​ទទួលបាន​ធនធាន​មូលដ្ឋាន​តិច​បំផុត​៕​

អង្គការ​មូលនិធិ​កុមារ​កម្ពុជា និង eMoney ប្រកាស​អំពី​ភាពជា​ដៃគូ​សហការ​ជួយ​ដល់​ប្រព័ន្ធ​អប់រំ​កុមារ​

ទីតាំងផ្សាយពាណិជ្ជកម្ម

- Advertisment -



Most Popular