Home ព័ត៌មានជាតិ សង្គម ​ទឹកស្អាត អាច...

​ទឹកស្អាត អាច​ប្រើប្រាស់​គ្រប់គ្រាន់ ជូន​ប្រជាពលរដ្ឋ រស់នៅ​តំបន់​ជាយ រាជធានី​ភ្នំពេញ ក្នុង​ឆ្នាំ​២០២២ ឬ ២០២៣ ខាងមុខ​

ដោយៈ រ៉ា​ម៉ន / ភ្នំពេញៈ មន្ត្រី​តំណាង រដ្ឋាករទឹក​ស្វ័យ រាជធានី​ភ្នំពេញ បាន​អះអាងថាៈ ប្រជាពលរដ្ឋ ដែល​រស់នៅ​តំបន់ ជាយ​រាជធានី​ភ្នំពេញ នឹង​ទទួលបាន​ទឹកស្អាត ប្រើប្រាស់​គ្រប់គ្រាន់ នៅ​ឆ្នាំ​២០២២ ឬ ២០២៣ ខាងមុខ ខណៈដែល​រោងចក្រ​ប្រព្រឹត្ត​កម្ម ផលិត​ទឹកស្អាត​ទី​៤ ជំហាន​ទី​១ នៅ​សង្កាត់​បាក់​ខែង គ្រោង​នឹង​បញ្ចប់ នៅ​ឆ្នាំ​២០២៣ ខាងមុខ ដើម្បី​បំពេញ​សេចក្តីត្រូវការ​ក្នុងការ​ផ្គត់ផ្គង់​ទឹកស្អាត ជូន​ប្រជាពលរដ្ឋ ។​

​លោក ហេង សុផាន់​ណារ៉ាត តំណាង​រដ្ឋាករទឹក​ស្វ័យ រាជធានី​ភ្នំពេញ បាន​អះអាង​ដូច្នេះ នៅក្នុង​វេទិកា​ផ្សព្វផ្សាយ និង​ពិគ្រោះ​យោបល់ របស់​ក្រុមប្រឹក្សា រាជធានី​ភ្នំពេញ អា​ណិ​ត្ត​ទី​២ នៅ​ព្រឹក​ថ្ងៃទី​២៦ ខែវិច្ឆិកា នៅ​ខណ្ឌ​ពោធិ៍​សែន​ជ័យ​។​

​នៅក្នុង​ឱកាស​នោះ លោក ហេង សុផាន់​ណារ៉ាត បាន​មានប្រសាសន៍ ឆ្លើយតប​ទៅនឹង​សំណួរ របស់​ប្រជាពលរដ្ឋ​ថាៈ តំបន់​ត្រពាំង​ធ្នង់ សង្កាត់​សំរោង បំពង់​ទឹក​របស់​រដ្ឋ បាន​ទៅដល់​ហើយ ដែល​ប្រជាពលរដ្ឋ អា​ចត​ភ្ជាប់​បាន ខណៈដែល​តំបន់​ដាច់ស្រយាល មិនមាន​ហេដ្ឋារចនាសម្ព័ន្ធ ច្បាស់លាស់ និង​ដីឡូត៍ ប្រជាពលរដ្ឋ អាច​ទៅ​ទំនាក់ទំនង ផ្នែក​ផែនការ​របស់ រដ្ឋាករទឹក​ស្វយ័ត រាជ​ធា​និ​ភ្នំពេញ ដើម្បីឱ្យ​ក្រុមការងារ​ពិនិត្យ​ផ្ទាល់ អាច​នឹងដាក់​ទឹក ឱ្យប្រើ​ប្រាស់​បាន ។​

​ទឹកស្អាត អាច​ប្រើប្រាស់​គ្រប់គ្រាន់ ជូន​ប្រជាពលរដ្ឋ រស់នៅ​តំបន់​ជាយ រាជធានី​ភ្នំពេញ ក្នុង​ឆ្នាំ​២០២២ ឬ ២០២៣ ខាងមុខ​

​លោក​បាន​បន្តថាៈ ចំពោះ​ប្រជាពលរដ្ឋ នៅ​ម្តុំ​ភូមិ​ចំការឪឡឹក​២ គឺមាន​បំពង់​ទឹកស្អាត ទៅដល់ នៅតែ​តំបន់​ដីឡូត៍ និង​តំបន់ មិនទាន់​រៀបរយ ជាពិសេស តាមផ្លូវ​រថភ្លើង​តែម្តង ។ ប្រសិនបើ​ប្រជាពលរដ្ឋ មិន​ប៉ះ​នៅ​តំបន់​នេះ​ទេ រដ្ឋាករទឹក នឹងដាក់​ជូន ប៉ុន្តែ​ជា​ដំណោះស្រាយ ចំពោះមុខ រដ្ឋាករទឹក នឹងដាក់​នាឡិកា រួមមួយ ដើម្បី​បងប្អូន ប្រើប្រាស់ ជា​បណ្តោះអាសន្ន រហូត​ទៅដល់​រោងចក្រ បាក់​ខែង សាងសង់​រួចរាល់ ។ លោក​បាន​បន្តថាៈ ចំពោះ​ប្រជាពលរដ្ឋ ដែល​រស់នៅ ម្តុំ​សង្កាត់​ត្រពាំង​ក្រសាំង​វិញ សម្ពាធ​ទឹក​ទៅ​មិន​ដល់​នោះទេ ដោយសារ​បញ្ហា​ផលិតកម្ម ផលិត​មិនទាន់​តំរូវការ ដោយ​រង់ចាំ​ការសាងសង់ រោងចក្រ​ផលិត​ទឹកស្អាត បាក់​ខែង​រួចរាល់​។​

​លោក ហេង សុផាន់​ណារ៉ាត បាន​បន្តថាៈ នៅពេលនេះ យើង​បាន​កំពុងតែ​សាងសង់ រោងចក្រ​បាក់​ខែង ជំហាន​ទី​១ ជំហាន​ទី​២ ដែល​ទាំង ២ នេះ បរិមាណ​ទឹក​យើង កើន​នៅក្នុង​ឆ្នាំ​២០២២ ប្រមាណ​ជា ៤០ ភាគរយ ឆ្នាំ​២០២៣ នឹង​បញ្ចប់​បរិមាណ​ទឹក​ផលិត ៣៨០ ពាន់​ម៉ែត្រគូប ក្នុង​មួយថ្ងៃ ពេលនោះ​យើង អាច​ផ្គត់ផ្គង់​គ្រប់គ្រាន់​ហើយ ។​

​សូមបញ្ជាក់ថាៈ តាម​ការ​ព្យាករ របស់​រដ្ឋាករទឹក​ស្វយ័ត រាជធានី​ភ្នំពេញ បានឱ្យដឹងថាៈ ការប្រើប្រាស​ទឹកស្អាត នៅ​រាជធានី​ភ្នំពេញ នឹងមាន​តម្រូវការ ហូត​ដល់​ប្រមាណ​ជាង ៩០ ពាន់​ម៉ែត្រគូប ក្នុង​មួយថ្ងៃ នៅ​ឆ្នាំ​២០២៥ និង​ជាង ១០ ម៉ឺន​ម៉ែត្រគូប ក្នុង​មួយថ្ងៃ នៅ​ឆ្នាំ ២០៣០ ៕/V​

ទីតាំងផ្សាយពាណិជ្ជកម្ម

- Advertisment -

Most Popular