Home ព័ត៌មានជាតិ សង្គម ប្រមុខ​កង​យោធ...

ប្រមុខ​កង​យោធា​មួក​ខៀវ​កម្ពុជា​ចុះ​ពិនិត្យ​ការស្ថាបនា​រូបសំណាក​ស្ពាន់​

​ដោយៈ​យោធិន​/កណ្តាលៈ នាយ​ឧ​ត្ត​ម​សេនីយ៍ សែម សុវណ្ណនី អនុប្រធាន​គណៈកម្មាធិកា​រ​ជាតិ​និង​ជា​អគ្គនាយក​មជ្ឈមណ្ឌល​ជាតិ​រក្សា​សន្តិភាព​បាន​អញ្ជើញ​ចុះទៅពិនិត្យ​មើលរូប​សំណាក​ចម្លាក់​ស្ពាន់​ស្តីពី​សកម្មភាព​កម្លាំងយោធា​មួក​ខៀវ​កម្ពុជា​ក្នុង​បេសកកម្ម​អង្គការ សហប្រជាជាតិ​ដែលមាន​ទីតាំង​ស្ថិតនៅតាម​បណ្តោយ​ផ្លូវជាតិ​លេខ​៥១​ត្រង់ ចំណុច​បង្គោលគីឡូម៉ែត្រ​លេខ​១០ ស្រុក​ពញាឮ ខេត្តកណ្តាល កាលពី​ព្រឹក​ថ្ងៃទី​២៥ ខែវិច្ឆិកា ឆ្នាំ​២០២០​ដើម្បី​ដាក់តាំង​បង្ហាញ​នៅ​សួន​សមិទ្ធផល​វិស័យ​រក្សា​សន្តិភាព នៅ​វិមាន​ឈ្នះ ឈ្នះ ដែល​គ្រោង​នឹង​សម្ពោធ​ជា​ផ្លូវការ​នៅ​ចុងខែ​ធ្នូ ឆ្នាំ​២០២០ ខាងមុខ​។

សួន​កងកម្លាំង​រក្សា​សន្តិភាព​និង​បោស សំអាត​មីន បាន​កសាង​ដោយ មជ្ឈមណ្ឌល​ជាតិ​រក្សា​សន្តិភាព​ដ្ថិ​ត​ក្នុង​បរិវេណ​វិមាន​ឈ្នះ ឈ្នះ ដោយ​សាងសង់​ស្តូប​មួយ​មាន​បី​ថ្នាក់ ធ្វើឡើង​តាម​ទំរង់ ៣- ៥ និង ៧ នៃ​នយោបាយ​ឈ្នះ ឈ្នះ ។

នៅ​ផ្នែក​ខាងលើ​ស្តូប មាន​ជ្រុង ៣ ដោយមាន រូបចម្លាក់​មនុស្ស​ពីរ​នាក់ ឈរ​កាន់​ទង់ តំណាង​ឲ្យ​កងកម្លាំង​អង្គការសហប្រជាជាតិ និង​កាន់​ទង់ជាតិ នៃ​ព្រះរាជាណាចក្រ​កម្ពុជា តំណាង​ឲ្យ​កងកម្លាំង​កម្ពុជា​ចូលរួម​បំពេញ បេសកកម្ម​រក្សា​សន្តិភាព ក្នុងទិសដៅ​បំពេញ​បេសកម្ម​សកម្មភាព​មនុស្ស​ធម៌​ស្វែងរក សុខសន្តិភាព​ជូន​ពិភពលោក​។​

ឧ​ត្ត​ម​សេនីយ៍​ឯក អោក សៀង អគ្គនាយករង​មជ្ឈមណ្ឌល​ជាតិ​រក្សា​សន្តិភាព ក្នុងឱកាស​ចូលរួម​ដំណើរ​ពិនិត្យមើល​ការងារ​ស្ថាបនា​រូបសំណាក​ស្ពាន់​ខាងលើនេះ​បានបញ្ជាក់​ថា ក្រុម​ជាង​ជំនាញ​ត្រូវ​យកចិត្តទុកដាក់​ត្រួតពិនិត្យ​កែលម្អ​នូវ​រូបសំណាក​ទាំងឡាយ​ដោយ​ផ្តោត​ជាពិសេស​លើ​ឯកសណ្ឋាន​កង​យោធា​មួក​ខៀវ​កម្ពុជា និង សកម្មភាព​ក្នុងការ​បំពេញបេសកកម្ម​ឲ្យ​មាន​ភាពរស់រវើក​។​
ប្រមុខ​កង​យោធា​មួក​ខៀវ​កម្ពុជា នាយ​ឧ​ត្ត​ម​សេនីយ៍ សែម សុវណ្ណនី ក៏បាន​បញ្ជាក់​ផងដែរ​ថា​នឹង​ដឹកនាំ​ប្រតិភូ​ជំនាញ​ពាក់ព័ន្ធ​មក​ត្រួតពិនិត្យ​រូបសំណាក​ខាងលើនេះ​ខណៈដែល​ក្រុម​ជាង​ជំនាញ​សម្រិតសម្រាំង​កែលម្អ​តាម​ការចង្អុលបង្ហាញ​ពី​ថ្នាក់ដឹកនាំ​មជ្ឈមណ្ឌល​ជាតិ​មុនពេល​សម្រេច​ចាក់​ពុ​ម្ភ​នូវ​គ្រប់​រូបសំណាក​សម្រាប់​សួន​វិមាន​វិស័យ​រក្សា​សន្តិភាព​៕​

ប្រមុខ​កង​យោធា​មួក​ខៀវ​កម្ពុជា​ចុះ​ពិនិត្យ​ការស្ថាបនា​រូបសំណាក​ស្ពាន់​

ប្រមុខ​កង​យោធា​មួក​ខៀវ​កម្ពុជា​ចុះ​ពិនិត្យ​ការស្ថាបនា​រូបសំណាក​ស្ពាន់​

ទីតាំងផ្សាយពាណិជ្ជកម្ម

- Advertisment -

Most Popular