Home ព័ត៌មានជាតិ សង្គម រាវ​រកឃើញ​គ្រ...

រាវ​រកឃើញ​គ្រាប់​យុទ្ធ​ភ័​ណ្ឌ​មិនទាន់​ផ្ទុះ​ស​ន្ថឹ​កនៅ​ភូមិ​ភ្នំ​ជញ្ជាំង​ឃុំ​ជប់​វា​រី​, ស៊ីម៉ាក់​ត្រៀម​យកទៅ​កម្ទេចចោល​

ដោយ​: ប​.​ជ័យ / បន្ទាយមានជ័យ​: កងឯកភាព​សកម្មភាព​កម្ចាត់មីន​ទី​១ ហៅ​ស៊ីម៉ាក់​ខេត្តបន្ទាយមានជ័យ បាន​រាវរក​គ្រាប់​យុទ្ធ​ភ័​ណ្ឌ​មិនទាន់​ផ្ទុះ​ជាច្រើន​គ្រាប់ ដែល​នៅ​សែ​សស​ល់ពី​សម័យ​សង្គ្រាម នៅលើ​ដីឡូត៍​មួយ​ស្ថិតនៅ​ភូមិ​ភ្នំ​ជញ្ជាំង ឃុំ​ជប់​វា​រី ស្រុក​ព្រះនេត្រព្រះ ខេត្តបន្ទាយមានជ័យ កាល​ណី​រសៀល​ថ្ងៃទី ២៦ ខែវិច្ឆិកា ឆ្នាំ​២០២០ ។​

​លោក​វរសេនីយ៍ឯក មាស ឫទ្ធី អធិការនគរបាល​ស្រុក​ព្រះនេត្រព្រះ​បាន​ឲ្យ​ដឹងថា​៖ ម្ចាស់​ដីឡូត៍​នោះ​មានឈ្មោះ​ឡាយ ពេជ្រ ភេទ​ប្រុស​អាយុ​៥៥​ឆ្នាំ នៅ​ភូមិ​ចក្រី ឃុំ​ជប​វា​រី ស្រុក​ព្រះនេត្រព្រះ ខេត្តបន្ទាយមានជ័យ ជា​ជា​មន្ត្រីនគរបាល​ចូលនិវត្តន៍​។​

​លោក​បាន​បន្តថា​៖ កាលពី​អំឡុង​៣​ខែ​មុន នៅ​ចំណុច​ដី​នោះ​មាន​គ្រាប់​ផ្ទុះ​។ កម្លាំង​នគរបាល​មូលដ្ឋាន បាន​យក​ខ្សែ​ចង​ជា​តម្រុយ​ព្រមាន​ហ៊ុ​ព័ទ្ធ​ដី​នោះ ដោយ​មិន​ឲ្យ​មាន​ប្រជាពលរដ្ឋ​ឬ​ម្ចាស់​ចូលទៅ​ទេ ដើម្បី​បង្ក​គ្រោះថ្នាក់ ។​

​លុះដល់​រសៀល​ថ្ងៃទី​២៦​ខែវិច្ឆិកា ឆ្នាំ​២០២០​នេះ ទើប​កម្លាំង​ស៊ីម៉ាក់​ចុះទៅ​រាវ ហើយ​ឃើញ​គ្រាប់​យុទ្ធ​ភ័​ណ្ឌ​មិនទាន់​ផ្ទុះ​រួមមាន ៖ ប្រភេទ​គ្រាប់​៣៧​ម​ម ចំនួន​១២០​គ្រាប់ និង​គ្រាប់កាំភ្លើង​តូច​ឬ​កាំភ្លើង​ដៃ​ចំនួន​៦០​គីឡូក្រាម​។ ខាង​ជំនាញ​កម្ទេច​គ្រាប់​របស់​ស៊ីម៉ាក់ នឹង​យកទៅ​បំផ្លាញចោល​តាម​បច្ចេគទេស​នៅពេល​បន្ទាប់​៕​

ទីតាំងផ្សាយពាណិជ្ជកម្ម

- Advertisment -

Most Popular