Home ព័ត៌មានអន្តរជាតិ កូន​ក្នុង​ខោ​...

កូន​ក្នុង​ខោ​៥ នាក់​របស់​លោក​ម៉ា​រ៉ាដូ​ណា ទំនងជា​ត្រូវ​ឈ្លោះ​គ្នា​ជាមួយ​កូន​ក្រៅ​ខោ ៦ នាក់​ផ្សេង​ទៀត រឿង​កេរ​មរកត​

​ប្រែ​សម្រួល : កញ្ញា​ដា​លី​ស ៖ មរណភាព​របស់​លោក ឌី​ហ្គោ ម៉ា​រ៉ាដូ​ណា អាច​បង្ក​ឱ្យ​មាន​ជម្លោះ​គ្រួសារ​ជុំវិញ​ទ្រព្យសម្បត្តិ​របស់​គាត់​ខណៈ​ដែល​គាត់​លាចាក​លោក​ចោល​កូន​៥​នាក់​ដែល​គាត់​ទទួលស្គាល់​ជា​កូន​​របស់គាត់ និង​កូន​ក្រៅ​ខោ ៦ នាក់​ផ្សេង​ទៀត​។​

​មុន​ពេល​គាត់​ស្លាប់ កូនស្រី​ម្នាក់​របស់​គាត់​ឈ្មោះ ជី​យ៉ាន​នី​ណា ម៉ា​រ៉ាដូ​ណា ធ្លាប់បាន​និយាយ​លេង​ថា គាត់​អាចបង្កើត​ឈុត​បាល់ទាត់​មួយក្រុម​បាន​ជាមួយ​កូនៗ​១១​នាក់ របស់​គាត់​បន្ទាប់​ពី​នារី​ជនជាតិ​​អា​ហ្សង់​ទីន​ឈ្មោះ ម៉ា​ហ្គាលី ហ្គីល អាយុ ២៣ ឆ្នាំ​ត្រូវបាន​ប្រកាស​ឈ្មោះ​ជា​ស្ត្រី​ចុងក្រោយ​គេ​បង្អស់ ដែល​នឹង​តស៊ូ​បញ្ជាក់ថា​នាង​ជា​កូនស្រី​របស់​ម៉ា​រ៉ាដូ​ណាដែរ​។​

​លោក​ម៉ា​រ៉ាដូ​ណា​បាន​ទទួលស្គាល់កូន​ប្រុស​២​នាក់​និង​កូនស្រី​៣​នាក់​ដែល​បង្កើត​ដោយ​ស្ត្រី​៤​នាក់​ផ្សេង​គ្នា រួម​ទាំង​អតីត​ភរិយា​របស់​គាត់​ឈ្មោះ ក្លោ​ឌា វី​ល​ឡា​ហ្វេ​ន និង អតីត​ដៃគូ​យូរ​ឆ្នាំ ឈ្មោះ វើ​រ៉ូនី​កា អូ​ជេដា​។​

​នាង ជី​យ៉ាន​នី​ណា ម៉ា​រ៉ាដូ​ណា ជា​កូនស្រី​ម្នាក់​ក្នុងចំណោម​កូនស្រី​ទាំង ២ របស់​អតីត​កីឡាករ​បាល់ទាត់​រូប​នេះ​ជាមួយ​លោកស្រី​វី​ល​ឡា​ហ្វេ​ន បាន​និយាយ​លេងសើច​កាលពី​ឆ្នាំមុន បន្ទាប់​ពី​ឈ្មោះ​កូន ៣ នាក់​ទៀត ដែល​គេ​និយាយថា​ជា​កូន​របស់​គាត់​នៅក្នុង​ប្រទេស​គុយបា ត្រូវបាន​ផ្សព្វផ្សាយ​ជា​សាធារណៈ យ៉ាង​ដូច្នេះ​ថា “​ត្រូវការ​តែ ៣ ទៀត​ប៉ុណ្ណោះ​ល្មម​សម្រាប់​ក្រុមបាល់ទាត់​គ្នា ១១ នាក់​។ ប៉ា​ធ្វើ​វា​បាន​!!!”​។​

​បច្ចុប្បន្ន​កូន​ដែល​ម៉ា​រ៉ាដូ​ណា​ទទួលស្គាល់គឺ ឌី​ហ្គោ ជូនៀ អាយុ ៣៤ ឆ្នាំ ចា​ណា អាយុ ២៣ ឆ្នាំ ដាល់​ម៉ា អាយុ​៣២​ឆ្នាំ ជី​យ៉ាន​នី​ណា អាយុ ៣០ ឆ្នាំ និង ឌី​ហ្គោ ហ្វើ​ណាន់​ដូ អាយុ ៧ ឆ្នាំ​ហើយ​កូន​ក្រៅ​ខោ​ដែល​​មិន​ទាន់​ទទួល​ស្គាល់​គឺ កូន​នៅ​គុយបា​៣​នាក់​ឈ្មោះ ចូ​ណា​, លូ និង​ចា​វី​លី​តូ និង​កូន​នៅ​អា​ហ្សង់​ទីន ៣​នាក់​ទៀត ឈ្មោះ ម៉ា​ហ្គាលី ហ្គីល អាយុ ២៣ ឆ្នាំ សាន​ទី​ហ្គោ ឡា​រ៉ា អាយុ ១៩ ឆ្នាំ​និង​ម្នាក់​ទៀត​មិន​​បញ្ចេញ​ឈ្មោះ​៕

​ម៉ា​ហ្គាលី ហ្គីល (​ឆ្វេង​) និង សាន​ទី​ហ្គោ ឡា​រ៉ា អាយុ ១៩ ឆ្នាំ គឺជា​កូន​ក្រៅ​ខោ​របស់លោក​ម៉ា​រ៉ាដូ​ណា​

ទីតាំងផ្សាយពាណិជ្ជកម្ម

- Advertisment -

Most Popular