Home ព័ត៌មានអន្តរជាតិ លោក​ម៉ា​ក្រុង...

លោក​ម៉ា​ក្រុង​សរសើរ​ម៉ា​រ៉ាដូ​ណា​ចំពោះ​ការ​ផ្តួល​ក្រុម​អង់គ្លេស​ជា​មួយ​បាតដៃ​ព្រះ​ដ៏​ល្បី​របស់គាត់

​ប្រែ​សម្រួល : កញ្ញា​ដា​លី​ស​/​ប៉ារីស ៖ ប្រធានាធិបតី​បារាំង​លោក អេម​ម៉ានុយ​អែល ម៉ា​ក្រុង បាន​កោតសរសើ​រលោក ឌី​ហ្គោ ម៉ា​រ៉ាដូ​ណា ដែល​បាន​យកឈ្នះ​លើ​ក្រុម​អង់គ្លេស​របស់​លោកស្រី​នាយករដ្ឋមន្ត្រី ម៉ា​ហ្គា​រ៉េត ថា​ច់​ឆឺ ជាមួយនឹង​គ្រាប់​បាល់ “​បាតដៃ​ព្រះ​” របស់​គាត់​នៅក្នុង​សារ​សម្តែង​ការគោរព​ជា​ផ្លូវការ​ដល់​និមិត្តរូប​បាល់ទាត់​អា​ហ្សង់​ទីន​រូបនេះ ដែល​បាន​ទទួលមរណភាព​កាលពី​ថ្ងៃ​ពុធ​ទី​២៥​វិច្ឆិកា​។​

​វិ​មានអេ​លី​សេ​របស់​ប្រធានាធិបតី​បារាំង​បាន​សាទរ​ចំពោះ​ការរួមចំណែក​របស់​ម៉ា​រ៉ាដូ​ណាក្នុង “​ការប្រកួត​ដែល​មាន​លក្ខណៈ​ភូមិសាស្ត្រ​នយោបាយ​បំផុត​ក្នុង​ប្រវត្តិសាស្ត្រ​បាល់ទាត់​” គឺ​អា​ហ្សង់​ទីន​​ឈ្នះ​អង់គ្លេស ២-១ នៅវើ​លខាប់​ឆ្នាំ ១៩៨៦ ក្នុង​ទីក្រុង​ម៉ិក​ស៊ីកូ​ស៊ីធី ពោលគឺ ៤ ឆ្នាំ​បន្ទាប់ពី​ជ័យជម្នះ​របស់​លោកស្រី​ថា​ច់​ឆឺ​ក្នុង​សង្គ្រាម​នៅ​កោះហ្វ​ក​លែ​ន​។​

​ម៉ា​រ៉ាដូ​ណា​បាន​រក​គ្រាប់​បាល់ទី ១ ដោយ​ខុសច្បាប់​ដោយ​ប្រើ​កណ្តាប់ដៃ​របស់​គាត់ រហស្សនាម “​បាតដៃ​ព្រះ​” មុន​ពេល​គាត់​ញាក់​ដាច់​មួយ​តារាង​ស៊ុត​ចូល​គ្រាប់​ទី ២ នៅ​ប៉ុន្មាន​នាទី​ក្រោយ​ដែល​គ្រាប់​បាល់​​នោះ​ជាប់​ជា​គ្រាប់​បាល់​អស្ចារ្យ​បំផុត​ប្រចាំ​សតវត្សរ៍​។​

​លោក​ម៉ា​ក្រុង​ក៏​បាន​សារភាព​ផងដែរ​ថា នៅ​ពេល​គាត់​មាន​អាយុ ៨ ឆ្នាំ​គាត់​ពិតជា​ចង់បាន​រូបថត​របស់​ម៉ា​រ៉ាដូ​ណា​តាំង​លើ​ជញ្ជាំង​ខ្លាំងណាស់ ចង់​ដាក់ឈ្មោះ​កូន​ប្រុស​ថា​ឌី​ហ្គោ និង​កោតសរសើរ​​ម៉ា​រ៉ាដូ​ណា​ជាកីឡាករ​អស្ចារ្យ​បំផុត​គ្រប់​ជំនាន់ គឺ​ល្អ​ជាង​វីរបុរស​បាល់ទាត់​បារាំង ហ្ស៊ី​នី​ឌី​ន ហ្ស៊ី​ដាន់​ទៅ​ទៀត​៕

លោក​ម៉ា​ក្រុង​សរសើរ​ម៉ា​រ៉ាដូ​ណា​ចំពោះ​ការប្រើ​បាតដៃ​ព្រះ​ទម្លាក់​ក្រុម​អង់គ្លេស​របស់​លោកស្រី​ម៉ា​ហ្គា​រ៉េត ថា​ច់​ឆឺ

ទីតាំងផ្សាយពាណិជ្ជកម្ម

- Advertisment -

Most Popular