Home ព័ត៌មានជាតិ សង្គម ក្រសួងទេសចរណ៍...

ក្រសួងទេសចរណ៍​ប្រគល់​រថយន្ត​ពន្លត់អគ្គីភ័យ ១២​គ្រឿង ដែលជា​ជំនួយ​របស់​រដ្ឋបាលខេត្ត​ឃ្យុ​ង​គី សាធារណរដ្ឋ​កូរ៉េ ជូន​ដល់​អគ្គស្នងការដ្ឋាន​ន​គ​របាល​ជាតិ​

​ដោយ​: ជា សីហ​:/​ភ្នំ​ពែ​ញ​:កាលពី​រសៀល​ថ្ងៃទី​២៦ ខែ​វិ​ច្ឆ​កា ឆ្នាំ​២០២០ នៅ​អគ្គស្នងការដ្ឋាន​នគរ​បាល​ជាតិ មាន​រៀបចំ​ពិធី​ប្រគល់ និង​ទទួល​រថយន្ត​ពន្លត់អគ្គីភ័យ​ចំនួន ១២ គ្រឿង ដែលជា​អំណោយ​របស់​រដ្ឋបាលខេត្ត​ឃ្យុ​ង​គី នៃ​សាធារណរដ្ឋ​កូរ៉េ តាមរយៈ លោក ថោង ខុន រដ្ឋមន្ត្រី​ក្រសួងទេសចរណ៍ ជូន​ឯកឧត្តម​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នរគ​បាល​ជាតិ ដើម្បី​ផ្តល់​ឲ្យ​រដ្ឋបាលខេត្ត​កែប កោះកុង កំពង់ធំ កំពង់ឆ្នាំង ស្វាយរៀង និង​ខេត្តរតនគិរី ប្រើប្រាស់​នៅក្នុង​ខេត្ត​ទាំងនោះ​។​

​លោក​បណ្ឌិត ថោង ខុន បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​រដ្ឋបាលខេត្ត​ឃ្យុ​ង​គី នៃ​សាធារណរដ្ឋ​កូរ៉េ ដោយមាន​លោកស្រី លី យូ ជិ​ង​( Lee You Jin) នាយក​អង្គការ Go & Do International ប្រចាំ​នៅ​កម្ពុជា ជា​តំណាង​ចូលរួម​ក្នុងថ្ងៃនេះ ដែល​បាននិងកំពុង​បន្ត​ជួយ​គាំទ្រ​ផ្តល់នូវ​រថយន្ត​ពេទ្យ​សង្គ្រោះបន្ទាន់ រថយន្ត​ពន្លត់អគ្គីភ័យ និង​បរិក្ខា​មួយចំនួន​។ ជាក់ស្តែង​ក្នុង​ឆ្នាំ​២០១៩​កន្លងមក ដោយមាន​កិច្ចសហការ​ល្អ​រវាង​អង្គការ Go & Do International ប្រចាំ​នៅ​កម្ពុជា និង​ក្រសួងទេសចរណ៍ រដ្ឋបាលខេត្ត​ឃ្យុ​ង​គី នៃ​សាធារណរដ្ឋ​កូរ៉េ បានផ្តល់​ជូន​រថយន្ត​ពេទ្យ​ចំនួន ១១​គ្រឿង និង​រថយន្ត​ពន្លត់អគ្គីភ័យ​ចំនួន ៦​គ្រឿង សម្រាប់​ផ្តល់ជូន​ខេត្តសៀមរាប កំពត ព្រៃវែង និង​ខេត្តកោះកុង​។​

​ជាងនេះទៀត ក្រសួងទេសចរណ៍​បាននិងកំពុង​សិក្សា​ជាមួយ អង្គការ Go & Do International ប្រចាំ​នៅ​កម្ពុជា ក្នុងការ​រៀបចំ​គម្រោង​ពង្រឹង​ប្រព​ន្ធ័​គ្រប់គ្រង​សុវត្ថិភាព​ភ្ញៀវទេសចរ នៅតាម​តំបន់​រមណីយដ្ឋាន​ទេសចរណ៍​សំខាន់​នៅ​កម្ពុជា តាមរយៈ​ជំនួយ​ជា​រថយន្ត​ពេទ្យ និង​រថយន្ត Minibus ឬ Minvan ប្រចាំការ​របស់​នគរ​បាល​ទេសចរណ៍​សម្រាប់​ប្រចាំការ​នៅតាម​រមណីយដ្ឋាន​សំខាន់ៗ ។​

​លោក​រដ្ឋមន្ត្រី ក៏បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ អគ្គស្នងការដ្ឋាន​នរ​គ​បាល​ជាតិ ក្រសួង​សេដ្ឋកិច្ច និង​ហិរញ្ញវត្ថុ ក្រុមការងារ​នាយកដ្ឋាន​វិនិយោគ​ទេសចរណ៍​នៃ​ក្រសួងទេសចរណ៍ និង​អ្នកពាក់ព័ន្ធ​ទាំងអស់ ដែល​បានរួម​ចំណែក​គាំទ្រ និង​ផ្តល់​កិច្ចសម្របសម្រួល​ទាក់ទង​ការ​នាំចូល​រថយន្ត និង​បរិក្ខា​ទាំងនោះ​។​

​សូមបញ្ជាក់ថា រថយន្ត​ពន្លត់​អគ្គិភ័យ​ទាំង​១២​គ្រឿង​នេះ នឹង​ផ្តល់ជូន​ដល់​ស្នងការដ្ឋាន​នគរបាល​ខេត្ត ចំនួន​៦ រួមមាន​៖ ស្នងការដ្ឋាន​នគរបាល​ខេត្តកំពង់ធំ ចំនួន​០៣​គ្រឿង​, ខេត្តកោះកុង ចំនួន​០២​គ្រឿង​, ខេត្ត​កែប ចំនួន​០២​គ្រឿង​, ខេត្តកំពង់ឆ្នាំង ចំនួន​០២​គ្រឿង​, ខេត្តស្វាយរៀង ចំនួន​០២​គ្រឿង និង​ស្នងការដ្ឋាន​នគរបាល​ខេត្ត​រតនគីរី ចំនួន​០១​គ្រឿង​៕​

ទីតាំងផ្សាយពាណិជ្ជកម្ម

- Advertisment -

Most Popular