Home ព័ត៌មានជាតិ នយោបាយ កម្ពុជា​ដាក់ច...

កម្ពុជា​ដាក់ចេញ​នូវ​វិធានការ ៣ ចំណុច​ដើម្បី​កែលម្អ​បរិយាកាស​ធុរកិច្ច​និង​វិនិយោគ​

ដោយៈ​តារា​រិ​ទ្ធ​/​ភ្នំពេញៈ ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋ​មន្ត្រី នៃ​ព្រះរាជាណាចក្រ​កម្ពុជា​បាន​ថ្លែងថា រាជរដ្ឋាភិបាល​បានដាក់​ចេញ​នូវ​វិធានការ​កែទម្រង់​មុត​ស្រួច ដើម្បី​កែលម្អ​បរិយាកាស​ធុរកិច្ច និង​វិនិយោគ​ចំនួន​៣​ចំណុច​។​

​ថ្លែង​ទៅកាន់​ពិធី​បើកសម្ពោធ​ពិព័រណ៍​ចិន​-​អាស៊ាន​លើក​ទី​១៧ ឆ្នាំ ២០២០ ក្រោម​ប្រធានបទ “​កសាង​ខ្សែក្រវាត់ និង​ផ្លូវ និង​ពង្រឹង​កិច្ចសហប្រតិបត្តិការ​សេដ្ឋកិច្ច​ឌីជីថល​” នៅ​ថ្ងៃទី​២៧ ខែវិច្ឆិកា ឆ្នាំ​២០២០, តាមរយៈ​ប្រព័ន្ធ​វីដេអូ ,​សម្តេច​តេ​ជោ ហ៊ុន សែន បាន​ថ្លែងថា រាជរដ្ឋាភិបាល​កម្ពុជា​បាន និង​កំពុង​លើកកម្ពស់​ការធ្វើ​ឌី​ជី​ថ​លូ​ប​នីយកម្ម​ទាំង​ក្នុង​វិស័យ​ផលិតកម្ម​, ឧស្សាហកម្ម​, សេវាកម្ម និង​រដ្ឋាភិបាល​ឌីជីថល (Digital Government) ។

​សម្តេច​តេ​ជោ ហ៊ុន សែន បន្តថា​កម្ពុជា​នឹងដាក់​ចេញ​នូវ​ក្របខណ្ឌ​គោលនយោបាយ​សេដ្ឋកិច្ច និង​សង្គម​ឌីជីថល​នាពេល​ឆាប់ៗ​ខាងមុខនេះ ។

ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋ​មន្ត្រី នៃ​ព្រះរាជាណាចក្រ​កម្ពុជា​​ថ្លែង​ទៅកាន់​ពិធី​បើកសម្ពោធ​ពិព័រណ៍​ចិន​-​អាស៊ាន​លើក​ទី​១៧ ឆ្នាំ ២០២០

​សម្តេច​មាន​ប្រសា​ស​ន៏​ថា​៖ ដោយ ឡែក​រាជរដ្ឋាភិបាល​បានដាក់​ចេញ​នូវ​វិធានការ​កែទម្រង់​មុត​ស្រួច​ជា បន្ត​បន្ទាប់​​​​ដើម្បី​កែលម្អ​បរិយាកាស​ធុរកិច្ច និង​វិនិយោគ​, រួមមាន៖

១.​ការដាក់ឱ្យ​អនុវត្ត​នូវ​ថ្នាល​ចុះបញ្ជី​ពាណិជ្ជ​កម្ម​តាម​ប្រព័ន្ធ​អេឡិចត្រូនិក​ដោយ​ចំណាយពេល​តែ ០៨ ថ្ងៃ​ប៉ុណ្ណោះ​ក្នុង​ការបើក​ក្រុមហ៊ុន​អាជីវកម្ម​។​

២.​បាន​ចុះ​កិច្ចព្រមព្រៀង​ពាណិជ្ជ កម្ម​សេរី​កម្ពុជា​-​ចិន​ដែល​នឹង​ចូល ជា​ធរមាន​ចាប់​ថ្ងៃទី ០១ ខែ មករា ឆ្នាំ ២០២១​។

៣.​ការរៀបចំ​ផែនការមេ​ដើម្បី​អភិ វ​ឌ្ឍ​ខេត្ត​ព្រះសីហនុ​ឱ្យទៅជា​តំបន់​សេដ្ឋកិច្ច​ពិសេស​គំរូ​ពហុ​បំណង ជាដើម ។

​សម្តេច​បន្តថាៈ​ជាងនេះទៅទៀត​កម្ពុជា​នឹង​ដាក់ចេញ​ច្បាប់​វិនិយោគ​ថ្មី​ដែលមាន​លក្ខណៈ​គ្រប់​ជ្រុង​ន​ជ្រោយ​និង​មាន​ភាព​ទាក់ទាញ តាមរយៈ​ការផ្ដល់​ការលើកទឹកចិត្ត​ជា​កញ្ចប់​ដល់​ការវិនិយោគ​លើ​ឧស្សាហកម្ម​ប្រភេទ​អេឡិចត្រូនិក​, បង្គុំ​,​ក​សិ​-​ឧស្សាហកម្ម​,​គ្រឿងបន្លាស់​,​បច្ចេកវិទ្យា​និង​ហេ​ដ្ឋា​រចនា សម្ព័ន្ធ​ឌីជីថល ។​ល​។ ៕​

ទីតាំងផ្សាយពាណិជ្ជកម្ម

- Advertisment -

Most Popular