Home ព័ត៌មានជាតិ សន្តិសុខ នគរបាល​ខណ្ឌដង...

នគរបាល​ខណ្ឌដង្កោ បញ្ជូន​ថៅកែ ចាប់រំលោភ​សេពសន្ថវៈ កូនឈ្នួល មក​តុលាការ​

ដោយៈ ស​រិ​ទ្ធ / ភ្នំពេញៈ សមត្ថកិច្ច​នគរបាល ខណ្ឌដង្កោ បាន​បញ្ជូន​បុរស​ម្នាក់ ដែល​ចាប់រំលោភ សេពសន្ថវៈ​កូនឈ្នួល​ខ្លួនឯង មក​តុលាការ នៅ​ព្រឹក​ថ្ងៃទី​២៧ ខែវិច្ឆិកា ឆ្នាំ​២០២០ ដើម្បី​ចាត់ការ តាមច្បាប់​។​

​បុរស​រូបនេះ ឈ្មោះ ឆោម ចាន់​វិចិត្រ អាយុ ៣៣ ឆ្នាំ បាន​ត្រូវ​សមត្ថ​កិ​ច្ ឃាត់ខ្លួន កាលពី​ថ្ងៃទី​២៤ ខែវិច្ឆិកា ឆ្នាំ​២០២០ នៅ​ចំណុច ផ្ទះ​លេខ ១០E0 ផ្លូវ​លេខ ២C បុរី​ពិភពថ្មី ភូមិ​ថ្មី សង្កាត់​ដង្កោ ខណ្ឌដង្កោ រាជធានី​ភ្នំពេញ​។ ចំណែក ជនរងគ្រោះ ឈ្មោះ ម ស​.​ស ភេទ​ស្រី អាយុ ១៧ ឆ្នាំ មុខរបរ អ្នកបម្រើ​តាម​ផ្ទះ ស្នាក់នៅ ផ្ទះកើតហេតុ ។​

​សមត្ថកិច្ច បាន​ប្រាប់​ឲ្យ​ដឹងថា កាលពី​វេលា ម៉ោង ០០ និង ៥០ នាទី ឈានចូល ថ្ងៃទី​២៤ ខែវិច្ឆិកា ជនរងគ្រោះ កំពុងតែ​ដេក នៅ​ជាន់​ផ្ទាល់​ដី ម្នាក់ឯង ស្រាប់តែ​ជនសង្ស័យ ជា​ម្ចាស់ផ្ទះ បានមកពី​ខាងក្រៅ លូកដៃ​ដោះ​សោ ដែល​ទំ​ពក់​ជាប់​នឹង​ទ្វារ ខាងមុខ រួច​ដើរ​ចូលមក​ក្នុងផ្ទះ​។ ពេលនោះ ជនសង្ស័យ ក៏បាន ចាប់ដៃ​ស្តាំ​របស់ ជនរងគ្រោះ ទាញ​ឱប ធ្វើ​សកម្មភាព រំលោភ​សេពសន្ថវៈ លើ​ជនរងគ្រោះ បានសម្រេច​។ ពេល​ជនសង្ស័យ រំលោភ​បានសម្រេច​ហើយ ក៏បាន ដើរ​ឡើងទៅ​ចូលដេក ក្នុង​បន្ទប់ដេក ជាមួយ​ប្រពន្ធ ដូច​ធម្មតា​។​

​បន្ទាប់មក ជនរងគ្រោះ ក៏បាន​បើកទ្វារ រត់​ចេញមក​ខាងក្រៅ​ផ្ទះ ហើយ​ទូរស័ព្ទ ប្រាប់​បងប្រុស​បង្កើត ហើយ​បានដាក់​ពាក្យបណ្តឹង នៅ​ប៉ុស្តិ៍នគរបាល រដ្ឋបាល​ដង្កោ ដើម្បី​ឲ្យ​សមត្ថកិច្ច ជួយ​អន្តរាគមន៍​។​

​ក្រោយពី​ធ្វើការ​សាកសួរ ជនសង្ស័យ បាន​សារភាពថា ពិតជា​បានធ្វើ​សកម្មភាព រំលោភ​សេពសន្ថវៈ លើ​ជនរងគ្រោះ ប្រាកដ​មែន​។ ដោយឡែក កាលពី​ថ្ងៃទី​៧ ខែវិច្ឆិកា វេលា​ម៉ោង ២២ និង ៣០ នាទី រូបគេ ក៏​ធ្លាប់​បានធ្វើ​សកម្មភាព ប៉ុនប៉ង​រំលោភ​សេពសន្ថវៈ លើ​ជនរងគ្រោះ​ម្តង​ដែរ តែ​មិនបាន​សម្រេច​នោះ ទេ​៕/V​

ទីតាំងផ្សាយពាណិជ្ជកម្ម

- Advertisment -

Most Popular