Home ព័ត៌មានជាតិ សង្គម ជ្រើស​រើសយក​រ...

ជ្រើស​រើសយក​រូបសំណាក​ព្រះ​ភា​រុណ​ធ្វើជា​និមិត្តសញ្ញា​របស់​រដ្ឋបាល​ខ​ណ្ឌ​ទួលគោក​

ដោយ​៖ រ៉ា​ម៉ន / ភ្នំពេញ​៖ រដ្ឋបាល​ខណ្ឌទួលគោក​បានសម្រេច​រួចហើយ ក្នុងការ​ជ្រើស​រើសយក​រូបសំណាក​ព្រះ​ភា​រុណ ធ្វើជា​និមិត្តសញ្ញា​របស់​រដ្ឋបាល​ខ​ណ្ឌ ដើម្បី​យកមកប្រើ​ប្រាស់​ជា​ផ្លូវការ សម្រាប់​ការងាររដ្ឋបាល​របស់​ខ្លួន ហើយ​នៅក្រោយ​និមិត្តសញ្ញា នៃ​ព្រះ​ភា​រុណ​នេះ ក៏មាន​រូបភាព​ដែល​បង្ហាញ​ពី​ប្រពៃណី ទំនៀមទម្លាប់ របស់​ខ្មែរ ជាមួយនឹង​ការអភិវឌ្ឍ​នៅក្នុង​មូលដ្ឋាន​ខណ្ឌទួលគោក​ផងដែរ។​

​ការជ្រើសរើស​យក​រូប​សំណាក​ព្រះ​ភា​រុណ​ធ្វើជា​និមិត្តសញ្ញា​របស់​រដ្ឋបាល​ខ​ណ្ឌ​ទួលគោក​នេះ បានលើកឡើង​និង​ពិភាក្សាគ្នា​យ៉ាង​ល្អិតល្អន់ នៅក្នុង​កិច្ចប្រជុំ​សាមញ្ញ​លើក​ទី​១៨ របស់​ក្រុមប្រឹក្សា​ខណ្ឌទួលគោក នា​ព្រឹក​ថ្ងៃទី ២៧​ខែវិច្ឆិកា​ឆ្នាំ​២០២០​នេះ នៅ​សាលាខណ្ឌ​ទួលគោក ក្រោម​វត្តមាន លោក​ម៉ែន សិរី​ប្រធាន​ក្រុមប្រឹក្សា​ខណ្ឌ​និង​លោក​ឯក​ឃុន ដឿ​ន អភិបាលខណ្ឌ​ទួលគោក​។​

​លោក ឯក ឃុន​ដឿ​ន បាន​មានប្រសាសន៍ថា​៖ រូបសំណាក​ព្រះ​ភា​រុណ តំណាង​ឲ្យ​ភាពត្រជាក់ត្រជុំ ចម្រុងចម្រើន​ដោយហេតុ​នេះហើយ ទើប​យើង​សម្រេច​ជ្រើស​រើសយក​រូបសំណាក​ព្រះ​ភា​រុណ​ធ្វើជា​និមិត្តសញ្ញា​របស់​រដ្ឋបាល​ខ​ណ្ឌ​របស់​យើង​។ ក្រៅពី​ព្រះ​ភា​រុណ​នៅ​ខាងក្រោយ​រះ​ភា​រុណ ក៏បាន​រំលេច​ទៅដោយ​រូប​សញ្ញា​សត្វ​ព្រាប​១​គូរ រូប​ចេនឡា អង់​តែ​ន​ទូរ​ទ​ស្សន្ត៍​ទួលគោក ស្ពាន​អាកាស​ជាមួយនឹង​អាគារ​ខ្ពស់​ជាច្រើន​ទៀតផង​ដែរ ដែល​បានបង្ហាញ​ឱ្យឃើញ​ពី​ភាព​រីកចម្រើន​ឥតឈប់ឈរ​របស់​រដ្ឋ​បាល​ខណ្ឌទួលគោក​។​

​លោក​ឯក ឃុន​ដឿ​ន ក៏បាន​បញ្ជាក់ថា​៖ បើ​មិន​ច្រឡំ​ទេ​រូបសំណាក​ព្រះ​ភា​រុណ បាន​សាងសង់ឡើង​ក្នុងអំឡុង​ឆ្នាំ​២០០៧ ខណៈ​ដែរ លោក​កែប ជុតិមា ជា​អភិបាល​រាជធានី​ភ្នំពេញ នៅ​ចំណុច​គល់ស្ពាន​អាកាស​៧​មករា ស្ថិតនៅក្នុង​សង្កាត់​ទឹកល្អក់​ទី​១​ខណ្ឌទួលគោក ជំនួស​រូបសំណាក​តោ​២​។​

​លោក​ក៏បាន​បញ្ជាក់​ផងដែរ​ថា​៖ អនុវត្ត​ទៅតាម​ការណែនាំ​របស់​ក្រសួងមហាផ្ទៃ​ស្តីពី​ការផ្លាស់ប្ដូរ​និមិត្តសញ្ញា​របស់​រដ្ឋបាល​ខ​ណ្ឌ​នេះ ក្រោយពី​បាន​ពិភាក្សា សម្រេច​ថា យក​ព្រះ​ភា​រុណ​ធ្វើជា​និមិត្តសញ្ញា​ហើយ យើង​នឹង​ផ្ញើ​ទៅ​រដ្ឋបាល​រាជធានី​ភ្នំពេញ​ដើម្បី​ពិនិត្យ​និង​សម្រេច​បន្តទៀត ជាមួយនឹង​ការ​ពិពណ៌នា​ស្តីពី​រូប​សញ្ញា​ទាំងនេះ​ឲ្យ​បាន​លំអិត​ផងដែរ ។​

​គួរបញ្ជាក់​ផងដែរ​ថា​៖ រដ្ឋបាល​ខណ្ឌទួលគោក ក្រៅពី​ការផ្លាស់ប្ដូរ​និមិត្តសញ្ញា​របស់​រដ្ឋបាល​ខ​ណ្ឌ​ហើយ សង្កាត់​ទាំង​១០​ក៏ត្រូវ​ផ្លាស់ប្ដូរ​និមិត្តសញ្ញា​របស់​រដ្ឋបាល​ស​ង្កា​ត់​ដូចគ្នានេះ​ផងដែរ​។ បន្ថែម​ពីលើ​នេះ​ទៀត សម្រាប់​រដ្ឋបាល​ខណ្ឌ ទាំង​១៤​និង​សង្កាត់​ទាំង​១០៥ ក៏​ធ្វើការ​ផ្លាស់ប្ដូរ​និមិត្តសញ្ញា​ដូចគ្នានេះ​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular