Home ព័ត៌មានជាតិ សន្តិសុខ ឃាត់ខ្លួន​បុរ...

ឃាត់ខ្លួន​បុរស​ម្នាក់​ឆបោក​តាម​បណ្តាញ​ហ្វេ​ស​ប៊ុ​ក​

​ដោយៈ​ស​រិ​ទ្ធ​/​កណ្តាលៈបុរស​ម្នាក់​ដែល​ជាប់​ពាក់ព័ន្ធ​ករណី​ឆបោក​តាម​បណ្តាញ​ហ្វេ​ស​ប៊ុ​ក​ត្រូវបាន​សមត្ថកិច្ច​ឃាត់ខ្លួន​កាលពី​ថ្ងៃទី​២៦ ខែវិច្ឆិកា ឆ្នាំ​២០២០ តាម​បណ្តឹង​របស់​ជនរងគ្រោះ​ដោយ​ជាប់​ពាក់ព័ន្ធ​ករណី​ឆបោក (​តាម​បណ្តាញ​ហ្វេ​ស​ប៊ុ​ក​)​។​

​បុរស​រូបនេះ​ឈ្មោះ​ខ្នា វ៉ាន់​ណា​រ៉ា អាយុ​២៩​ឆ្នាំ មុខរបរ​បើកបរ នៅ​ភូមិ​សេរី​សុខា ឃុំ​ដំណាក់​អំពិល ស្រុក​អង្គ​ស្នួល​​​ខេត្តកណ្ដាល​។ ចំណ​ក​ជនរងគ្រោះ​ឈ្មោះ​ឃួន គ​ន្ធា ភេទ​ស្រី អាយុ​៤១​ឆ្នាំ មុខរបរ​អ្នកលក់​ទូរស័ព្ទ​អន​ឡាញ នៅ​ភូមិ​អូរ​ដឹ​ម សង្កាត់​ចោមចៅ​ទី​៣ ខណ្ឌ​ពោធិ​សែន​ជ័យ រាជធានី​ភ្នំពេញ​។​

ដើមបណ្តឹង​បានបញ្ជាក់​ថា​នៅ​ថ្ងៃទី​២២ ខែវិច្ឆិកា ឆ្នាំ​២០២០ មុន​កើតហេតុ​គាត់​បាន​ឡាយ​លក់​ទូរស័ព្ទ​តាម​ហ្វេ​ស​ប៊ុ​ក ឈ្មោះ Srey pin online shops ។​ពេលនោះ​ជនសង្ស័យ​បាន​ចូល​មើល​ក្នុង​ផេ​ក​នោះ​ហើយ​បានឃើញ​មាន​អតិថិជន​ទិញ​ទូរស័ព្ទ​ម៉ាក​iPhone7 plus មួយគ្រឿង​តាម​ផេ​ក​។ បន្ទាប់មក​ជនសង្ស័យ​បាន​ប្រើប្រាស់​ហ្វេ​ស​ប៊ុ​ក ឈ្មោះ​Srey pin online shops ដែល​ខ្លួន​បាន​បង្កើត​ទុក​នោះ​ឆាត​ទៅ​អតិថិជន​ឲ្យ​ផ្ញើ​លុយ​តាម​វី​ង​ហើយ​ផ្ញើ​លេខ​កូត​វី​ង​ចូលក្នុង​ឆាត​ហ្វេ​ស​ប៊ុ​ក​របស់ខ្លួន​។​នៅពេល​ទទួលបាន​លេខ​កូត​វី​ង​ពី​អតិថិជន​ហើយ​ជនសង្ស័យ​បាន​យក​ហ្វេ​ស​ប៊ុ​ក ឈ្មោះ​Khmeng Khmer ផ្ញើ​លេខ​កូត​វី​ង​នោះ​ទៅក្នុង​ផេ​ក​ឈ្មោះ​Srey pin online shops ជា​របស់​ជនរងគ្រោះ​ហើយ​ជនសង្ស័យ​បានដាក់​លេខ​ទូរស័ព្ទ​របស់ខ្លួន (093356455) ជា​អ្នកទទួល​របស់​វិញ​។​ក្រោយពី​ជនរងគ្រោះ​ទទួលបាន​លេខ​កូត​វី​ង​ហើយ​ជនរងគ្រោះ​ក៏បាន​ផ្ញើ​ទូរស័ព្ទ​នោះ​តាម​រថយន្ត​តាក់ស៊ី​ទៅ​ឲ្យ​។រហូត​ដល់​ថ្ងៃទី​២៤ ខែវិច្ឆិកា ឆ្នាំ​២០២០ វេលា​ម៉ោង​ប្រហែល​១០​ព្រឹក​មាន​អតិថិជន​បាន​ទៅដល់​ហាង​លក់​ទូរស័ព្ទ​ហើយ​និយាយថា​មិនឃើញ​ផ្ញើ​ទូរស័ព្ទ​ឲ្យ​គាត់​សោះ​ទើប​ជនរងគ្រោះ​ដឹងថា​មាន​គេ​បោក​។​

​ដើមបណ្តឹង​បាន​បន្តថា​នៅ​ថ្ងៃទី​២៦ ខែវិច្ឆិកា ឆ្នាំ​២០២០ វេលា​ម៉ោង​១​និង​២០​នាទី​រសៀល ជនរងគ្រោះ​បាន​ទាក់​ទង​តាម​លេខ​ទូរស័ព្ទ​របស់​ជនសង្ស័យ​ថា​ផ្ញើ​ទូរស័ព្ទ​ម៉ាក​oppo​ទៅ​ឲ្យ​មួយគ្រឿង​ទៀតហើយ​បាន​ណាត់​កន្លែង​ជួប​គ្នា​នៅ​ផ្លូវជាតិ​លេខ​៤​មុខ​ផ្សារ​ថ្នល់ទទឹង​ទើប​ជនរងគ្រោះ​ឃាត់ខ្លួន​ជនសង្ស័យ​មក​ប្រគល់​ឲ្យ​សមត្ថកិច្ច​តែម្ដង​។​
​តាម​​ចម្លើយសារភាពរ​បស់ជនស​ង្ស័​យ​បាន​សារភាពថា​ខ្លួន​បាន​ធ្លាប់​បោក​តាម​បណ្តាញ​សង្គម​ហ្វេ​ស​ប៊ុ​ក​នេះ​បាន​ចំនួន​០៤​ដង​មកហើយ​៕

ឃាត់ខ្លួន​បុរស​ម្នាក់​ឆបោក​តាម​បណ្តាញ​ហ្វេ​ស​ប៊ុ​ក​

ទីតាំងផ្សាយពាណិជ្ជកម្ម

- Advertisment -

Most Popular