Home ព័ត៌មានជាតិ សេដ្ឋកិច្ច បរិមាណ​ត្រី​ស...

បរិមាណ​ត្រី​សម្រាប់ធ្វើ​ប្រហុក​ថយចុះ​វិញ តែ​តម្លៃ​កើនឡើង​

ដោយ​: ប​.​ខុន / ភ្នំពេញ​: បរិមាណ​ត្រី​សម្រាប់ធ្វើ​ប្រហុក​ផ្អក ដែល​ចាប់បាន​នៅតាម​គន្លង​ដាយ​ត្រី​តាម​ដង​ទន្លេសាប នា​ថ្ងៃ​១២​កើត​ខែ​មិ​គសរ​នេះ​(២៧​វិ ច្ឆិ​កា​) មានការ​ថយចុះ តែ​តម្លៃ​ត្រី​បាន​កើន ឡើង​បើ​ធៀប​ទៅ​ថ្ងៃទី​២៥​ខែវិច្ឆិកា​។ នេះ​បើតាម​លោក ម៉ូត ហូ​សាន់ អ្នកធ្វើអាជីវកម្ម​នេសាទ ដែល​បាន​ជួល​គន្លង​ដាយ​ត្រី​ពី​រដ្ឋបាល​ជលផល​រាជ​ធានី​ភ្នំពេញ បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២៧​ខែវិច្ឆិកា​។​

​អ្នកធ្វើអាជីវកម្ម​នេសាទ​ខាងលើ​បាន​បញ្ជាក់ថា កាលពី​ថ្ងៃទី​២៥​ខែវិច្ឆិកា​ត្រី សម្រាប់ធ្វើ​ប្រហុក​ដែល​ចាប់បាន​មានការ​កើន​ឡើងជា​លំដាប់​ដោយ​ក្នុងពេល​ពី ៣០​ទៅ​៤០​នាទី​លើក​ម្តង​បាន​ត្រី​ពី​៣០​ទៅ​៤០​គីឡូក្រាម តែ​បាន​ថយចុះ​ទៅវិញ​ជា​លំដាប់ ដោយនៅ​ថ្ងៃទី​២៧​ខែវិច្ឆិកា​នេះ រយៈពេល​ពី​៣០​ទៅ​៤០​នាទី លោ​កឌុក​ម្តង​បាន​ត្រី​តែ​ពី​៥​ទៅ​១០​គីឡូក្រាម​។ តែ​តម្លៃ​ត្រី​ក្នុង​មួយ​គីឡូក្រាម​បាន​ឡើងដល់ ជាង​៣.០០០​រៀល​។​

​លោក ម៉ូត ហូ​សាន់ និយាយ​ឱ្យដឹងទៀតថា ធម្មតា​ខ្នើត​ខែ​នេះ​ជា​ខ្នើត​ចាប់បាន​ត្រី​ធំ តែ​កន្លងទៅនេះ​មាន​ត្រី​ច្រកែង​និង​ត្រី​ពោ​តិចតួច​ណាស់ ដែល​ចាប់បាន តែ​បែរជា​ចាប់បាន​ប្រភេទ​ត្រី​ប្រហុក​ខ្លះ​ជំនួស​វិញ​។ ត្រី​ប្រហុក​អាច​នឹង​ចាប់បាន​ច្រើន​នៅ​ខ្នើត​ខែក្រោយ ដោយសារ​ទឹកទន្លេ​នៅ​ហូរ​ខ្លាំង​អាច​ចាប់បាន​នៅក្នុង​ខ្នើត​ពីរដង​ទៀត​។​

​លោក ងិន ឌី នាយ​ខណ្ឌ​រដ្ឋបាល​ជល​ផលរាជ​ធានី​ភ្នំពេញ បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២៧​ខែវិច្ឆិកា​ថា ត្រី​សម្រាប់ធ្វើ​ប្រហុក​ផ្អក​មកដល់​រសៀល​ថ្ងៃនេះ​(២៧​វិច្ឆិកា​) មិនឃើញ​មាន​ចំនួន​កើនឡើង​ទេ គឺ​ថយចុះ​ទៅវិញ​បើ​ធៀប​ថ្ងៃទី​២៦​ខែវិច្ឆិកា​។ នៅ​គន្លង​ដាយ​ត្រី​តាម​ដង​ទន្លេសាប​ក្នុង​ខេត្តកណ្តាល ចំនួន​ត្រី​ចាប់បាន​ក៏មាន​ការថយចុះ​ទៅវិញ​ដែរ​៕​

ទីតាំងផ្សាយពាណិជ្ជកម្ម

- Advertisment -



Most Popular