Home ព័ត៌មានជាតិ សេដ្ឋកិច្ច កម្ពុជា​ស្នើរ...

កម្ពុជា​ស្នើរ​ជប៉ុន​ជួយ​ជា​បច្ចេកទេស​ដើម្បី​ឲ្យ​ស្រី្ត​ទទួលបាន​ថវិការ​ពី​គម្រោង​រដ្ឋាភិបាល​

ដោយ​: ពៅ​និមល​/​ភ្នំពេញ​: មន្ត្រីជាន់ខ្ពស់​នៃ​កម្ពុជា បានស្នើរ​ឲ្យ​ភាគី​ជប៉ុន​ជួយ​ជា​លក្ខណៈ​បច្ចេកទេស ដើម្បី​រៀបចំ​មជ្ឍមណ្ឌល​អភិវឌ្ឍ​ន៍​ភាពជា​សហគ្រិន និង​ភាពជា​ស្រី្ត សម្រាប់​អភិវឌ្ឍន៍​សមត្ថភាព និង​ជា​កន្លែង​ស្រាវជ្រាវ​​​របស់​ស្ត្រី នៅក្នុង​ផ្នែក​សេដ្ឋកិច្ច ដើម្បី​ជួយ​ឲ្យ​ស្ត្រី​នៅក្នុង​វិស័យ​សហគ្រាស​ធុន​តូច​និង​មធ្យម​(SME) ទទួលបាន​ហិរញ្ញប្បទាន ឬ​ឥណទាន​ផ្សេងៗ​ក្រោម​គម្រោង​គិតគូរ​របស់​រាជរដ្ឋាភិបាល ។​

​ក្នុងជំនួប​ការងារ កាលពី​ថ្ងៃទី​២៦ ខែវិច្ឆិកា ឆ្នាំ​២០២០​កន្លងទៅ លោកស្រី អ៊ឹង កន្ថាផាវី រដ្ឋមន្ត្រីក្រសួង​កិច្ចការនារី បាន​ជម្រាបជូន​លោក មី​កា​មី ម៉ាសា​ហ៊ី​កូ ( MIKAMI Masahiro) ឯកអគ្គរដ្ឋទូត​ជប៉ុន​ប្រចាំ​កម្ពុជា អំពី​ការអភិវឌ្ឍន៍​នៅ​កម្ពុជា រដ្ឋាភិបាល​និង​ប្រជាជន​ជប៉ុន​តែងតែ​គាំទ្រ​កម្ពុជា ក្នុងការ​ស្តារ​និង​អភិវឌ្ឍ​សេដ្ឋកិច្ចជាតិ និង​ផ្តល់​ឥណទាន​សម្បទាន និង​ហិរញ្ញប្បទាន​ឥត​សំណង​ជាច្រើន ក្នុងការ​ស្តារ​និង​អភិវឌ្ឍន៍​ប្រទេស​កម្ពុជា​។

​លោកស្រី​បាន​បន្តថា កាលពីពេល​ពេលកន្លងមក​នេះ ក្រសួង​បានទទួល​ថវិការ​មួយចំនួន​រួចហើយ ដើម្បី​យកមក​សាងសង់ មជ្ឍមណ្ឌល​អភិវឌ្ឍន៍​ភាពជា​សហគ្រិន និង​ភាពជា​ស្រី្ត​។ លោកស្រី​បន្តទៀតថា ដើម្បី​ជម្រុញ​ឲ្យ​មជ្ឍមណ្ឌល​អភិវឌ្ឍន៍ភាព​ជា​សហគ្រិន​និង​ភាពជា​ស្រី្ត​ប្រកប​តម្លាភាព​ក្នុងការ​អភិវឌ្ឍន៍​សម​ត្ថ​ភាព និង​ជា​កន្លែង​ស្រាវជ្រាវ​របស់​ស្ត្រី​នៅក្នុង​ផ្នែក​សេដ្ឋកិច្ច ក្នុង​គោលដៅ​ជួយ​ឲ្យ​ស្ត្រី​នៅក្នុង SME ទទួលបាន​ហិរញ្ញប្បទាន ឬ​ឥណទាន​ផ្សេងៗ​យកទៅ​អភិវឌ្ឍន៍​បន្ថែម ក្រោម​គម្រោង​គិតគូរ​របស់​រដ្ឋាភិបាល​។​

​ភាគី​ជប៉ុន​បាន​ឆ្លើយតប​ក្នុងជំនួប​នេះ​ថា ពាក់ព័ន្ធ​គោលដៅ​អភិវឌ្ឍន៍ រដ្ឋាភិបាល​កម្ពុជា ជាពិសេស​ក្រសួង​ស្ថាប័ន​ពាក់ព័ន្ធ បាន​ខិតខំ​ប្រឹង​ប្រកបដោយ​ការទទួលខុសត្រូវ ក្នុងការ​សម្របសម្រួល និង​ផ្តល់នូវ​ការឆ្លើយតប​ជា​វិជ្ជមាន ជាពិសេស​សម្រាប់​អ្នកវិនិយោគទុន​ជប៉ុន​នៅ​កម្ពុជា​។ ចំណែក​គម្រោង​បង្កើត​មជ្ឈមណ្ឌល​អភិវឌ្ឍ​ន៍​ភាពជា​សហគ្រិន និង​ភាពជា​ស្រី្ត ដែលមាន​ទីតាំងនៅ​ជ្រោយចង្វារ លោក​ឯកភាព​នៃ​ការបង្កើត​មជ្ឈមណ្ឌល​នេះ​ឡើង ព្រោះថា​មាន​សារៈសំខាន់​ណាស់​ក្នុងការ​ជម្រុញ​អភិវឌ្ឍន៍​ស្ត្រ​ក៏​ជាការ​បង្កើន​ការចូលរួម​ជា​ស្ត្រី​ក្នុង​វិស័យ​វិនិយោគ​ឲ្យ​កាន់តែច្រើន​៕​

ទីតាំងផ្សាយពាណិជ្ជកម្ម

- Advertisment -

Most Popular