Home ព័ត៌មានជាតិ នយោបាយ ​សម្តេច​តេ​ជោ...

​សម្តេច​តេ​ជោ ហ៊ុន សែន​៖​វិបត្តិ​កូ​វីដ​១៩ បានបង្ហាញ​កាន់តែច្បាស់​នូវ​ភាពចាំបាច់​ក្នុងការ​ប្រកាន់ខ្ជាប់​នូវ​គោលការណ៍​ពហុភាគី​និយម​និង​កិច្ចសហប្រតិបត្តិការ​អន្តរជាតិ​

ដោយៈតារារិទ្ធ/​ភ្នំពេញ​៖​នៅក្នុង​ពិធី​បើក​ពិព័រណ៍​អាស៊ាន​-​ចិន​លើក​ទី​១៧ ក្រោម​មូលបទ «​រួមគ្នា​កសាង​ខ្សែក្រវាត់​និង​ផ្លូវ​និង​ពង្រឹង​កិច្ចសហប្រតិបត្តិការ​សេដ្ឋកិច្ច​ឌីជីថល​» ដែល​ប្រារព្ធ​ធ្វើ​នៅ​តំបន់​ស្វយ័ត​ក្វាង​ស៊ី​នៃ​ទីក្រុង​ណាន​នី​ង​ប្រទេស​ចិន​នា​ព្រឹក​ថ្ងៃ​២៧ ខែវិច្ឆិកា នេះ សម្តេច​តេ​ជោ​នាយករដ្ឋមន្ត្រី ហ៊ុន សែន បាន​ថ្លែង​តាម​ប្រព័ន្ធ​វីដេអូ Conference ថា​ការរីក​រាលដាល​នៃ​ជំងឺ​កូ​វីដ​១៩ បាន​បង្ក​ជា​វិបត្តិ​ធ្ងន់ធ្ងរ​ដែល​ពុំ​ធ្លាប់មាន​ពីមុន​មកលើ​សេដ្ឋកិច្ច​និង​សង្គម ។ វិបត្តិ​នេះ​បានបង្ហាញ​កាន់តែច្បាស់​នូវ​ភាពចាំបាច់​ក្នុងការ​ប្រកាន់ខ្ជាប់​នូវ​គោលការណ៍​ពហុភាគី​និយម​និង​ការពង្រឹង​កិច្ចសហប្រតិបត្តិការ​អន្តរជាតិ ។

​សម្តេច​អគ្គមហាសេនាបតី​តេ​ជោ ហ៊ុន សែន បាន​មានប្រសាសន៍​នៅក្នុង​សុន្ទរកថា​ជា​សម្លេង​ប្រមាណ​៥ នាទី​ថា​៖« វិបត្តិ​នេះ​ក៏បាន​បង្ហាញ​កាន់តែច្បាស់​នូវ​ភាពចាំបាច់ កាន់តែខ្លាំង​ក្នុងការ​ប្រកាន់ខ្ជាប់​នូវ​គោលការណ៍​ពហុភាគី​និយម​និង​ការពង្រឹង​កិច្ច​សហ​ប្រតិ​ប​តិ្ត​ការ​អន្តរជាតិ​,​ដោយ​ម្ខាង​ដើម្បី​អាចឱ្យ​ជីវិត​សង្គម​យើង​មានលទ្ធភាព​សម្រប​ទៅនឹង​ប្រក្រតី​កម្ម​ថ្មី​(New Normal)​និង​ចូលរួមចំណែក​ដោះស្រាយ​បញ្ហា​ប្រឈម​ចំពោះមុខ​និង​ម្ខាង​ទៀត​ដើម្បី​លើកកម្ពស់​កិច្ច​អភិវឌ្ឍ​សង្គម​-​សេដ្ឋកិច្ច​ប្រកបដោយ ភាព​ធន់​និង​ចីរភាព​»​។

​សម្តេច​តេ​ជោ​នាយករដ្ឋមន្ត្រី​បាន​បន្តថា​៖​វិបត្តិ​ក៏បាន​រំលេច​ឱ្យឃើញ​កាន់តែច្បាស់​នូវ​ភាពចាំបាច់​ក្នុងការ​ជំរុញ​ការអភិវឌ្ឍ​សេដ្ឋកិច្ច​-​សង្គម​ឌីជីថល ។ បច្ចេកវិទ្យា​ឌីជីថល បាននិងកំពុង​ដើរតួនាទី​យ៉ាងសំខាន់​ក្នុងការ​សម្រប​ខ្លួន​របស់​យើង​ទៅ​បរិការណ៍​ថ្មី​នៃ​ការរស់នៅ​និង​អនុវត្ត​ការងារ​ដោយបាន​ជួយ​សម្រួល​ដល់​ការប្រាស្រ័យ​ទាក់ទង​គ្នា ក្នុង​តំបន់​និង​សកល​, ការតភ្ជាប់​សកម្មភាព​សេដ្ឋកិច្ច​,​ពាណិជ្ជកម្ម​និង​វិនិយោគ​។​ល​។ ប្រាកដ​ណាស់​ថា​កា​រព​ន្លឿ​ន​ការអភិវឌ្ឍ​ការតភ្ជាប់​ឌីជីថល​តំបន់ និង ការ​ប្រែក្លាយ សង្គម​-​សេដ្ឋកិច្ច​ឱ្យទៅជា​សង្គម​-​សេដ្ឋកិច្ច​ឌីជីថល​នឹង​ក្លាយជា​កម្លាំងចលករ​ដ៏​សំខាន់​ក្នុងការ​ស្តារ​សេដ្ឋកិច្ច​ឡើងវិញ​ក្រោយ​វិបត្តិ​កូ​វីដ​-១៩ និង​ការអភិវឌ្ឍ​ប្រកបដោយ ចីរភាព​និង​ភាព​ធន់​នាពេល​អនាគត ។

​សម្តេច​តេ​ជោ​នាយករដ្ឋមន្ត្រី​បាន​ថ្លែងថា​៖​ប្រទេស​ចិន​ជា​ប្រទេសមួយ​ដែល​ដឹកមុខ​ក្នុងការ​អភិវឌ្ឍ​, វិនិយោគ​និង​ប្រើប្រាស់​បច្ចេកវិទ្យា​ឌីជីថល​នៅក្នុង​សកលលោក ។​ក្នុង ន័យ​នេះ​ការជំរុញ​កិច្ចសហប្រតិបត្តិការ​នៅក្នុង​វិស័យ​បច្ចេកវិទ្យា​ឌីជីថល​ក្រោម​ក្របខណ្ឌ​នៃ​គំនិត​ផ្ដួចផ្ដើម​ខ្សែក្រវាត់​និង​ផ្លូវ​នឹង​ក្លាយជា​ប្រធានបទ​មួយ​ដ៏​សំខាន់​នាពេល អនាគត​។

​សម្តេច​តេ​ជោ​នាយករដ្ឋមន្ត្រី​ក៏បាន​ផ្តោតទៅលើ​ការអភិវឌ្ឍ​សេដ្ឋកិច្ច​និង​សង្គម​ឌីជីថល​ដើម្បី​សម្រប​ទៅនឹង​ការវិវត្តន៍​ជា​ប្រក្រតីភាព​ថី្ម​ការធ្វើ​ឌី​ជី​ថ​លូ​ប​នីយកម្ម​លើ ផលិត កម្ម ឧស្សាហកម្ម សេវាកម្ម និង រដ្ឋបាល​សាធារណៈ ព្រម​គ្នា​ជាមួយនឹង​ការអនុវត្ត​វិធានការ​កែទម្រង់​យ៉ាង​មុត​ស្រួច​ដើម្បី​កែលម្អ​បរិយាកាស​ធុរកិច្ច​និង​វិនិយោគ​ឲ្យ​បាន​កាន់តែ​ប្រសើរ ៕

ទីតាំងផ្សាយពាណិជ្ជកម្ម

- Advertisment -

Most Popular