Home ព័ត៌មានជាតិ សន្តិសុខ ដូនជី វ័យ​៨២​...

ដូនជី វ័យ​៨២​ឆ្នាំ​ម្នាក់ ដេកស្លាប់​ក្នុង​ថ្លុកឈាម នៅក្នុង​បន្ទប់​កុដិ៍ ក្នុង​វត្ត​បរម​និវេសន៍​

​​ដោយៈ ស​រិ​ទ្ធ / បន្ទាយ​មាន​ជ័​យៈ ដូនជី​វ័យ ៨២ ឆ្នាំ​ម្នាក់ ត្រូវបាន​គេ​ប្រទះឃើញ ដេកស្លាប់​នៅក្នុង​ថ្លុកឈាម នៅក្នុង​បន្ទប់​កុដិ៍ នៃ​វត្ត​បរម​និវេសន៍ ស្ថិតក្នុង​ភូមិ​សាលា​ដែង ឃុំ​ប្ញ​ស្សី​ក្រោក ស្រុក​មង្គលបុរី ខេត្តបន្ទាយ​មានជ័យ កាលពី​វេលា​ម៉ោង ៦​និង​៣០​នាទី​យប់ ថ្ងៃទី​២៦ ខែវិច្ឆិកា ឆ្នាំ​២០២០​។​

​សមត្ថកិច្ច​នគរបាល បាន​ឲ្យ​ដឹងថាៈ សព​ឈ្មោះ សៅ សែត អាយុ​៨២​ឆ្នាំ ជា​ដូនជី នៅ​សំណាក់​ធម៌ ក្នុង​វត្ត​បរម​និវេសន៍ ។​

​សមត្ថកិច្ច​នគរបាល បាន​ឲ្យ​ដឹង​ទៀតថាៈ នៅ​មុនពេល​ទទួលបាន​ព័ត៌មាន គឺមាន​ព្រះសង្ឃ ១ អង្គ ព្រះនាម គឹម សុខ​មគ្គ ព្រះជន្ម ២៨ វស្សា បាន​ទៅ​បត់ជើងតូច ក្នុង​បង្គន់​ក្បែរ​កុដិ បន្ទប់​លោកយាយ​រងគ្រោះ​។ ក្នុងនោះ ព្រះអង្គ បានឮ​សំឡេង​វិទ្យុ នៅ​បើក តែ​មិនឃើញ​លោកយាយ​រងគ្រោះ​។ ដោយ​កើតការ​សង្ស័យ ព្រះសង្ឃ ១ អង្គ​នេះ ក៏បាន​ហៅ​ព្រះសង្ឃ ចំនួន ២ អង្គ​ផ្សេងទៀត ឲ្យ​ទៅ​ហៅ​យាយ​សែត​។ ពេលទៅដល់ ទើប​ដឹងថា យាយ​សែត បាន​ស្លាប់ ដោយសារ​គេ​វាយ​សម្លាប់ នៅក្នុង​កុដិ ដោយ​មិនដឹង​កើតឡើង តាំងពី​ពេលណា​នោះទេ រួច​ក៏​ផ្តល់ព័ត៌មាន មក​សមត្ថកិច្ច​តែម្ដង​។​

​ក្រោយពី​ទទួលបាន​ព័ត៌មាន​នេះហើយ កម្លាំង​នគរបាល ជំនាញ​ព្រហ្មទណ្ឌ​ខេត្ត និង​ស្រុក​មង្គលបុរី បាន​ចុះ​ទៅដល់​កន្លែងកើតហេតុ ហើយ​បាន​សន្និដ្ឋានថា ជា​អំពើ​ឃាតកម្ម ដោយសារ​ជនរងគ្រោះ ត្រូវ​ឃាតករ វាយ​ផ្ទៃមុខ​ខ្ទេច ។ ករណីនេះ សមត្ថកិច្ច​នគរបាល កំពុង​ស្រាវជ្រាវ វែក​រកមុខ​ឃាតករ ដើម្បី​យកមក​ផ្ដន្ទាទោស តាមច្បាប់​៕/V

ទីតាំងផ្សាយពាណិជ្ជកម្ម

- Advertisment -

Most Popular