Home ព័ត៌មានអន្តរជាតិ កូវី​ដ​១៩​នៅ​...

កូវី​ដ​១៩​នៅ​អាឡឺម៉ង់​ឡើង​ហួស​១​លាន​នាក់​

​ប្រែ​សម្រួលៈ​វាសនា​/​ប៊ែរ​ឡាំង​៖ អាឡឺម៉ង់ បាន​ឈាន​ដល់​ព្រឹត្តិការណ៍​គួរអោយកត់សំគាល់​មួយ​ទៀត​កាលពី​ថ្ងៃ​សុក្រ ដោយ​អ្នក​ឆ្លងកូវី​ដ​១៩​នៅក្នុង​ប្រទេស​អឺរ៉ុប​មួយ​នេះ​បាន​ឡើង​ហួស​១​លាន​នាក់​។​

​វិទ្យាសា្ថន The Robert Koch Institute​ដែល​ជា​មជ្ឈមណ្ឌល​គ្រប់គ្រង​ជំងឺ​របស់​ប្រទេស បាន​និយាយថា រដ្ឋ​ទាំង​១៦​របស់​អាឡឺម៉ង់ បាន​រាយការណ៍​ការឆ្លង​ថ្មី​ចំនួន​២២.៨០៦​ករណី​នៅ​២៤​ម៉ោង​កន្លងទៅ​​ដែល​នាំ​អោយ​ចំនួន​ឆ្លង​សរុប​ឡើងដល់ ១.០០៦.៣៩៤​នាក់​។​

​ទោះជា​ការឆ្លង​មាន​ចំនួន​ខ្ពស់ ក៏​អាឡឺម៉ង់​មាន​អ្នកស្លាប់​ដោយ​ជំងឺ​នេះ​ទាប​ជាង​ប្រទេស​ដទៃ​នៅ​អឺរ៉ុប ដោយ​ប្រទេស​មាន​អ្នកជំងឺ​កូវី​ដ​១៩​ស្លាប់​តែ ១៥.៥៨៦​នាក់ ។​

​ប្រទេស​នេះ​ស្ថិតក្រោម​ការបិទ​ខ្ទប់​ប្រទេស​អស់​ពេល​ជិត​១​ខែ​មក​ហើយ​ដោយ​ចាប់ផ្តើម​នៅ​ថ្ងៃ​០២​វិច្ឆិកា ក្រោយ​មាន​ការព្រមាន​អំពី​កំណើន​ការឆ្លង​ថ្មី ។​មេដឹកនាំ​អាឡឺម៉ង់​លោកស្រី អង់​ហ្គេ​ឡា មឺ​គែល និង​​បណ្តា​អភិបាលរដ្ឋ​នៅ​សប្តាហ៍​នេះ​បាន​សំរេច​ពន្យារពេល​បិទ​ប្រទេស​រហូត​ដល់​ខែ​ធ្នូ និង​បន្ថែម​ការ​រឹតត្បិត​ថែមទៀត​ដើម្បី​ទាញ​ចំនួន​ឆ្លង​អោយ​មក​នៅ​ក្រោម​៥០​នាក់​ក្នុងចំណោម​ប្រជាជន​១​សែន​នាក់​​ក្នុង​មួយ​សប្តាហ៍​។​

​បច្ចុប្បន្ន ប្រទេស​នេះ​មាន​អ្នក​ឆ្លង​១៣៨​នាក់​ក្នុងចំណោម​ប្រជាជន​១​សែន​នាក់​ក្នុង​១​សប្តាហ៍ នេះ​បើ​តាម​វិទ្យាសា្ថន The Robert Koch Institute៕

​បុរស​ពាក់​ម៉ាស់​ដើរ​ឆ្លងផ្លូវ​នៅ​ក្រុង ហ្វ្រែង​ហ្វើត ប្រទេស​អាឡឺម៉ង់​កាលពី​ថ្ងៃ​២៦​វិច្ឆិកា

​អធិកា​ប​តី​អាឡឺម៉ង់ អង់​ហ្គេ​ឡា មឺ​គែល ចាកចេញ​ពី​សភា​នៅ​ក្រុង​ប៊ែរ​ឡាំង​កាលពី​ថ្ងៃ​២៦​វិច្ឆិកា​ក្រោយ​ចូលរួម​ប្រជុំ​អំពី​គោលនយោបាយ​របស់​រដ្ឋាភិបាល​ក្នុង​ការប្រយុទ្ធ​ទល់នឹ​ង​ការឆ្លង​រាលដាល​​ជំងឺ​កូវី​ដ​១៩​

ទីតាំងផ្សាយពាណិជ្ជកម្ម

- Advertisment -

Most Popular