Home ព័ត៌មានជាតិ សន្តិសុខ ប្រតិបត្តិការ...

ប្រតិបត្តិការ​សឹក​រង​តាកែវ​បើក​វគ្គ​បំប៉ន​បាញ់​ស៊ី​ប​គ្រាប់​ពិត​កាំភ្លើងយន្ត​ធុន​ស្រាល

ដោយៈ មុនី​រ័ត្ន​/ភ្នំពេញៈ ការអនុវត្ត​ជំនាញ​បាញ់​ស៊ី​ប​គ្រាប់​ពិត​ដោយ​កាំភ្លើងយន្ត​ធុន​ស្រាល​( PKMS) អាវុធ AK47 និង​ដាក់​ឲ្យ​ប្រើប្រាស់​ទីលាន​បាញ់​ស៊ី​បរ​បស់​តំបន់​ប្រតិបត្តិការ​សឹក​រង​តាកែវ ស្ថិតនៅ​ចំណុច​ស្រែ​ជើង​រាស្ត្រ ភូមិ​បុស្ស​តា​ផង់ ឃុំ​ត្រពាំង ក្រញូង ស្រុក​ត្រាំកក់ ខេត្តតាកែវ ត្រូវបាន​រៀបចំឡើង​កាលពី​ព្រឹក​ថ្ងៃទី​២៧ ខែវិច្ឆិកា ឆ្នាំ​២០២០ ក្រោម​អធិបតីភាព​លោក​ឧ​ត្ត​ម​សេនីយ៍​ឯក យឿ​ង សុខុន មេបញ្ជាការរង​កងទ័ព​ជើងគោក មេបញ្ជាការ​យោធភូមិភាគ​ទី​៣ និង​លោក​អ៊ួ​ច ភា អភិបាល ខេត្តតាកែវ​។​

​លោក​ឧ​ត្ត​ម​សេនីយ៍​ឯក យឿ​ង សុខុន មេបញ្ជាការរង​កងទ័ព​ជើងគោក មេបញ្ជាការ​យោធភូមិភាគ​ទី​៣ បានធ្វើការ​វាយតម្លៃ​ក្នុងការ​ហ្វឹកហ្វឺន​បាញ់​គ្រាប់​ពិត​ទទួលបាន​លទ្ធផល​ល្អប្រសើរ និង គិតគូរ​រៀបចំ​ទីតាំង​ទីលាន​បាញ់​ស៊ី​ប​នេះ អោយបាន​ល្អ​ពីមួយ​កម្រិត​ទៅមួយ​កម្រិត​ទៀត​។​

​ចំណែក​លោក​ឧ​ត្ត​ម​សេនីយ៍​ត្រី នាង សុភា​រ៉ា មេបញ្ជាការ​តំបន់​ប្រតិបត្តិការ​សឹក​រង​តាកែវ រាយការណ៍​ស្តីពី​ការ បណ្តុះបណ្តាល​នាយទាហាន នាយទាហានរង ពលទាហាន របស់​តំបន់ ប្រតិបត្តិការ​សឹក​រង​តាកែវ បាន​ដំណើរ​ការបើក​វគ្គ​ហ្វឹកហ្វឺន​បំប៉ន​ពង្រឹងសមត្ថភាព​យោធា តាម ផែនការ​ហ្វឹក​ហ្វឹកហ្វឺន​រយៈពេល​៩១​ថ្ងៃ មាន​សិក្ខាកាម​សរុប ៨០​នាក់ ។

​នាឱកាស​នោះដែរ លោក អ៊ួ​ច ភា បាន​មានមតិ​សំណេះសំណាល និង កោតសរសើរ ទៅដល់​នាយទាហាន នាយទាហានរង ពលទាហាន ក្នុងការ​ហ្វឹកហ្វឺន រៀន សូត្រ និង សំណូមពរ​ឲ្យ​ពួកគេ​ខិតខំ ប្រឹងប្រែង​តស៊ូ ហ្វឹកហ្វឺន រៀនសូត្រ គោរព​វិន័យ និង ច្បាប់ រដ្ឋធម្មនុញ្ញ ៕

ទីតាំងផ្សាយពាណិជ្ជកម្ម

- Advertisment -

Most Popular