Home ព័ត៌មានជាតិ សេដ្ឋកិច្ច គម្រោង​ស្ថាបត...

គម្រោង​ស្ថាបត្យកម្ម​វិថី​លក់​ម្ហូបអាហារ នឹង​ជួយ​លើកស្ទួយ​វិស័យ ទេសចរណ៍ នៅ​បាត់ដំបង​

​ដោយៈ សុផល / ភ្នំពេញៈ លោក ណេ​ប សាមុត អគ្គលេខាធិការ គណៈកម្មាធិការ​ជាតិ វាយតម្លៃ​ទីក្រុង​ស្អាត និង​ជា​អគ្គនាយក គ្រប់គ្រង​ឧស្សាហកម្ម​ទេសចរណ៍ នា​រសៀល​ម្សិលមិញ បានប្រគល់​ប្លង់​ស្ថាបត្យកម្ម វិថី​លក់​ម្ហូបអាហារ ដល់​រដ្ឋបាល​ខេត្តបាត់ដំបង​។ គម្រោង​នេះ មានការ​គិតគូរ លើ​ផ្នែក​លក្ខខណ្ឌ​ទីតាំង និង​សេវាកម្ម ស្របតាម​ស្តង់ដា “​វិថី​លក់​ម្ហូបអាហារ របស់​ក្រសួងទេសចរណ៍​”​។​

​សូមបញ្ជាក់ថា ប្លង់​ស្ថាបត្យកម្ម​វិថី​លក់​ម្ហូបអាហារ គឺជា​ស្ថាបត្យកម្ម ក្រោម​ការប្រកួតប្រជែង ប្លង់​ស្ថាបត្យកម្ម “​វិថី​លក់​ម្ហូបអាហារ ខេត្តបាត់ដំបង​” កាលពី​ថ្ងៃទី​៣០ ខែតុលា ឆ្នាំ​២០១៩ ដែល​រៀបចំឡើង ដោយ​នាយកដ្ឋាន វាយតម្លៃ​ទីក្រុង​ស្អាត និង​នាយកដ្ឋាន​សណ្ឋាគារ និង​ម្ហូបអាហារ ដោយមាន​ឈ្មោះថា “​វិថី​លក់​ម្ហូបអាហារ ដងស្ទឹង​សង្កែ​” មាន​ទំហំ ៦.០៦៥ m2 (២៨៨m x ២៣m), តូប​លក់​ម្ហូបអាហារ (Street food) ចំនួន ៤២​តូប​, និង​មាន​ជា​ប្រភេទ (​តូប​អាហារ​ក្នុងស្រុក ឬ​អាហារ​តាម​តំបន់ និង​ហា​ឡា​ល​, តូប​អាហារ​ចម្អិន​លឿន​, តូប​បង្អែម និង​តូប​ភេ​ស្ជ​ជៈ​)​។​

“​វិថី​លក់​ម្ហូបអាហារ ដងស្ទឹង​សង្កែ​” នេះ ជាការ​អនុវត្ត​វិធានការ ដើម្បី​ស្តារ និង​លើកស្ទួយ វិស័យ​ទេសចរណ៍ ក្នុង​និង​ក្រោយ​វិបត្តិ ជំងឺឆ្លង​កូ​វីដ​-១៩ ពីព្រោះថា ក្រុង​បាត់ដំបង ជាស​ក្កា​នុព​ល នៃ​ការអភិវឌ្ឍ​គោលដៅ ទេសចរណ៍ (Secondary City) និង​ពង្រឹង​បេក្ខភាព ខេត្តបាត់ដំបង ឆ្ពោះទៅ​ការប្រឡងប្រណាំង ទីក្រុង​ស្អាត​លើក​ទី ៣ ជាពិសេស​បង្កើន​ភាព​ទាក់ទាញ ភ្ញៀវទេសចរ នៅ​ខេត្តបាត់ដំបង ពិសេស​ផ្នែក​ទេសចរណ៍ ម្ហូបអាហារ (Gastronomy Tourism)៕/V​

ទីតាំងផ្សាយពាណិជ្ជកម្ម

- Advertisment -

Most Popular