Home កីឡា ក្រោយ​ប្រកួត​...

ក្រោយ​ប្រកួត​ជាមួយ រ៉​យ ចូ​ន ម៉ៃ នៅ​ថ្ងៃ​សៅរ៍ ថៃ​សាន់ ចង់​វ៉ៃ ៣ ប្រកួត​ទៀត​នៅ​ឆ្នាំក្រោយ​

​ប្រែ​សម្រួល : កញ្ញា​ដា​លី​ស ៖ គ្រូបង្ហាត់​របស់​ម៉ៃ ថៃ​សាន់ បាន​និយាយថា អតីត​ម្ចាស់​ខ្សែក្រវាត់​ទម្ងន់​ធ្ងន់​រូប​នេះ​នឹង​មាន​ការប្រកួត​ដណ្តើម​យក​ប្រាក់​ចំនួន ៣ ប្រកួត​នៅ​ឆ្នាំ ២០២១ ។​

​ម៉ៃ ថៃ​សាន់​នឹង​ត្រឡប់​មក​វ៉ៃ​លើ​សង្វៀន​វិញ​នៅ​ក្នុង​កម្មវិធី​ប្រកួត​មិត្តភាព​មួយ​ជាមួយ​អ្នក​ប្រដាល់ រ៉​យ ចូ​ន ជេ​អា នៅ​ថ្ងៃ​សៅរ៍​ទី ២៨ ខែ​វិច្ឆិកា​នេះ (​ថ្ងៃអាទិត្យ​នៅ​កម្ពុជា​)​។​ប្រសិនបើ​អ្វីៗ​ប្រព្រឹត្ត​​ទៅតាម​ផែនការ​របស់​គាត់​ពោលគឺ​ថៃ​សាន់​ផ្តួលចូនបាន​សម្រេច​នោះ គ្រូបង្វឹក​សញ្ជាតិ​ប្រេ​ស៊ីល លោក រ៉ា​ហ្វា​អែល ខ័​រ​ដេរ៉ូ និយាយថា គាត់​រំពឹង​មាន​ការប្រយុទ្ធ​បន្ថែមទៀត​។​

​លោកខ័​រដេ​រ៉ូនិ​យាយថា “​គាត់​ពិតជា​រីករាយ​នឹង​ធ្វើ​ការប្រកួត​ចំនួន ៣ លើក​ទៀត​នៅ​ឆ្នាំក្រោយ និង​ភ្លាមៗ​នោះ​គាត់​នឹង​ប្រយុទ្ធ​ដើម្បី​រឿង​អស្ចារ្យ​”​។

​អ្នក​ប្រដាល់​វ័យ ៥៤ ឆ្នាំ​រូប​នេះ​មើល​ទៅ​មាន​កាយសម្បទា​រឹងមាំ​ខ្លាំងណាស់​សម្រាប់​អាយុ​របស់គាត់ ហើយ​ឃ្លីប​វីដេអូ​នៃ​ការហ្វឹកហាត់​របស់គាត់​នៅ​ក្បែរ​លោកខ័​រ​ដេរ៉ូ​បានបង្ហាញ​ថា​អ្នក​ប្រដាល់​រូប​នេះ​វាយ​​បំបែក​បន្ទះ​វាយ​បុក ដោយ​ប្រើ​កម្លាំង​ពី​កំលោះ​របស់គាត់​។

​ការ​វាយ​៣​ប្រកួត​ក្នុង​រយៈពេល​តែ​មួយ​ឆ្នាំ​ហាក់ជា​រឿង​មិន​អាច​ទៅរួច​នោះទេ ប៉ុន្តែ​លោកខ័​រដេ​រ៉ូនិ​យាយថា “​ប្រសិនបើ​គាត់​ចង់​ធ្វើ​អ្វី​មួយ​នា​ពេលអនាគត គាត់​នឹង​ត្រៀម​ខ្លួន​ដើម្បី​ធ្វើ​វា ១០០%”៕ 

​ថៃ​សាន់​នឹង​វ៉ៃ​ជាមួយ​រ៉​យ ចូ​ន(ស្តាំលើ) នៅ​ថ្ងៃ​សៅរ៍

ទីតាំងផ្សាយពាណិជ្ជកម្ម

- Advertisment -

Most Popular