Home ព័ត៌មានអន្តរជាតិ ត្រាំ​ថាបៃ​ដិ...

ត្រាំ​ថាបៃ​ដិន​អាច​ចូលសេត​វិ​មាន​បាន​ទាល់តែ​អាចប​ញ្ជាក់​បាន​ថា​សន្លឹកឆ្នោត​ត្រឹមត្រូវ​៨០ លាន​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រធានាធិបតី​ដូណាល់​ត្រាំ​បាន​និយាយ​កាលពី​ថ្ងៃ​សុក្រ​ទី​២៧​វិច្ឆិកា​ថា លោកចូ បៃ​ដិន​អាចចូល​ក្នុងសេត​វិមាន​បាន​លុះត្រាតែ​គាត់​អាច​បញ្ជាក់​ថា​សន្លឹកឆ្នោត​​របស់​គាត់​មិនមែន “​ក្លែងបន្លំ​”​។​

​នេះ​ជា​ជំហាន​ថយក្រោយ​មួយ​ពី​ការសារភាព​កាលពី​ថ្ងៃ​ព្រហស្បតិ៍​ថា​គាត់​នឹង​ប្រគល់​លំនៅដ្ឋាន​ប្រធានាធិបតី​ឱ្យទៅ​គូប្រជែង​បក្ស​ប្រជាធិបតេយ្យ​របស់​គាត់​នៅក្នុង​ការផ្ទេរ​អំណាច​ដោ​យ​សន្តិវិធី បើ​​បៃ ដិ​ន ទទួលបាន​ការគាំទ្រ​ពី​អង្គ​បោះឆ្នោត​ពិតមែន​។​

​លោក​ត្រាំ​បាន​សរសេ​រលើ Twitter ថា “​បៃ​ដិន​អាច​ចូលសេត​វិមាន​ក្នុងនាម​ជា​ប្រធានាធិបតី​បាន​លុះត្រា​គាត់​អាច​បញ្ជាក់​ថា​សន្លឹកឆ្នោត​៨០.០០០.០០០​គួរឱ្យ​អស់សំណើច​របស់​គាត់​មិន​ត្រូវ​បាន​ក្លែងបន្លំ​​ឬ​ទទួល​បាន​ដោយ​ខុសច្បាប់​។ នៅពេល​ដែល​អ្នក​ឃើញ​អ្វី​ដែល​បាន​កើត​ឡើង​នៅ​ទីក្រុង​ដេ​ត្រ​យ ទីក្រុង​អា​ត្លង់​តា ទីក្រុង​ហ្វីឡា​ដែល​ហ្វៀ និង​ទីក្រុង​មី​ល​វូ​គី គឺ​មាន​ការលួចបន្លំ​សន្លឹកឆ្នោត​យ៉ាងច្រើន ចឹង​​គាត់​មាន​បញ្ហា​ធំ​មិន​អាច​ដោះស្រាយ​បាន​ទេ​!”​។​

​លោក​ត្រាំ​បាន​បដិសេធ​មិន​ទទួលស្គាល់​ការបោះឆ្នោត​នោះទេ ត្បិត​លោកបៃ​ដិននាំ​មុខ​យ៉ាង​សម្បើម​នៅក្នុង​ការបោះ​ឆ្នោត​របស់​ប្រជាជន​អាម៉េរិក​ទូទៅ​និង​ការបោះឆ្នោត​ដោយ​អង្គ​តំណាង​។ ​មេដឹកនាំ​បរទេស​ជាច្រើន​បាន​ទទួលស្គាល់​លោក​បៃដិនជា​ប្រធានាធិបតី​ជាប់ឆ្នោត ហើយ​បាន​ទូរស័ព្ទ​អបអរសាទរ​គាត់ រីឯ​មេដឹកនាំ​អាជីវកម្ម​កំពូលៗ​ក៏​អបអ​រដែរ​រួមទាំង​អ្នក​ខ្លះ​ដែល​ជិតស្និទ្ធ​នឹង​​លោក​ត្រាំ​។​

​លើសពីនេះ​យុទ្ធនាការ​របស់​ប្រធានាធិបតី​មិន​បាន​បង្ហាញ​ភស្តុតាង​នៃ​ការលួចបន្លំ​សន្លឹកឆ្នោត​នោះ​ទេ​។ មន្ត្រី​ប្រចាំ​រដ្ឋ​នី​មួយៗ​ក៏​បាន​និយាយ​ដែរ​ថា ការបោះឆ្នោត​បាន​ប្រព្រឹត្តទៅ​ដោយ​រលូន​។​បណ្តឹង​​ផ្លូវ​ច្បាប់​របស់​លោក​ត្រាំ​ក៏​មិន​អាច​ធ្វើ​អ្វី​បាន​នោះដែរ​។ ការរាប់​សន្លឹក​ឆ្នោត​ដោយ​ដៃ​នៅ​រដ្ឋ​ច​ច​ចៀ​បាន​បញ្ជាក់​អំពី​ការ​ឈ្នះ​របស់​លោកបៃ​ដិន​នៅទីនោះ​។​

​លោក​ត្រាំ​បន្ត​សរសេ​រលើ Twitter ទៀតថា “​បៃ​ដិន​អន់​នៅ​ទីក្រុង​ធំៗ (​យោង​តាម​វេបសាយ Politico) លើកលែង​តែ​ទីក្រុង​ដេ​ត្រ​យ (​មាន​សន្លឹកឆ្នោត​ច្រើនជាង​ចំនួន​មនុស្ស​) ទីក្រុង​ហ្វីឡា​ដែល​ហ្វៀ ទីក្រុង​អា​ត្លង់​តា និង ទីក្រុង​មី​ល​វូ​គី កន្លែង​ដែល​គាត់​ត្រូវតែ​ឈ្នះ​ដាច់​ខាត​។ គ្មាន​អី​ភ្ញាក់ផ្អើល​ទេ​ទីក្រុង​ទាំង​នេះ​ស្ថិតនៅ​ទីតាំង​រដ្ឋ​សំខាន់ៗ​បំផុត​ហើយ​គេ​ល្បី​ជា​យូរ​មក​ហើយ​ថា​ជា​កន្លែង​ពុករលួយ​ខាង​នយោបាយ​”​។​

​គេ​មិន​ច្បាស់​ទេ​ថា​តើ​អត្ថបទ​របស់ Politico មួយ​ណា​ដែល​លោក​ប្រធានាធិបតី​ចង់​សំដៅ ប៉ុន្តែ​អត្ថបទ​មួយ​របស់​គេហទំព័រ​ព័ត៌មាន​នេះ​ដែល​ផ្សាយ​ក្នុង​ខែ​វិច្ឆិកា​នេះ បាន​រាយការណ៍​ថា​លោក​ត្រាំ​​ធ្វើ​បាន​ល្អ​ប្រសើរ​ជាង​ការរំពឹង​ទុក​នៅ​តាម​តំបន់​ទីក្រុង ទោះបី​លោកបៃ​ដិន​នៅ​តែ​ឈ្នះ​នៅ​ទីក្រុង​ទាំង​នោះ​ក្តី​៕

ទីតាំងផ្សាយពាណិជ្ជកម្ម

- Advertisment -



Most Popular