Home ព័ត៌មានជាតិ សុខាភិបាល ក្រសួងសុខាភិប...

ក្រសួងសុខាភិបាល​កំពុង​តែ​សុំ​គោលការណ៍​ពី​ថ្នាក់ដឹកនាំ​ដើម្បី​ពិនិត្យ​រក​មេរោគ​កូ​វីដ​១៩

ដោយៈ​មុនី​រ័ត្ន​/​ភ្នំពេញៈ​ក្រសួងសុខាភិបាល​កំពុង​តែ​សុំ​គោលការណ៍​ពី​ថ្នាក់ដឹកនាំ​ដើម្បី​ពិនិត្យ​រក​មេរោគ​កូ​វីដ​១៩ ចំពោះ​ថ្នាក់ដឹកនាំ​ជាន់ខ្ពស់​ក្រសួងមហាផ្ទៃ​ដែល​បាន​ចូលរួម​នៅក្នុង​កិច្ចប្រជុំ​កាលពី​ថ្ងៃទី​២៤​ខែវិច្ឆិកា នៅ​ក្រសួងមហាផ្ទៃ ដែល​កិច្ចប្រជុំ​នេះ​ក៏មាន​វត្តមាន​លោក ឆែម សាវុធ អគ្គនាយក​នៃ​អគ្គនាយកដ្ឋាន​ពន្ធនាគា​រ​ផងដែរ​។

​កិច្ចប្រជុំ​កាលពី​ថ្ងៃទី​២៤​ខែវិច្ឆិកា គឺ​ដឹកនាំ​ដោយ​សម្ដេច​ក្រឡាហោម ស ខេង(រូបឯកសារ)

​សូមជម្រាបថា នៅក្នុង​កិច្ចប្រជុំ​កាលពី​ថ្ងៃទី​២៤​ខែវិច្ឆិកា គឺ​ដឹកនាំ​ដោយ​សម្ដេច​ក្រឡាហោម ស ខេង ឧប​នាយក​រដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​ដើម្បី​ពិនិត្យ​ពិភាក្សា​លើ​សេចក្តីព្រាង​ព្រះរាជក្រឹត្យ​ស្ដីពី​ការបន្ធូរបន្ថយ​លើកលែង​ទោស​។ នៅក្នុង​កិច្ចប្រជុំ​នេះ​មានការ​ចូលរួម​ពី​រដ្ឋមន្ត្រី​ក្រសួងយុត្តិធម៌ អគ្គស្នងការ​នគរបាល​ជាតិ​រួមទាំង​មន្ត្រី​ជាន់ខ្ពស់ សំខាន់ៗ​មួយចំនួនទៀត​។​

​ផ្សារ​អ៊ី​អន​១​ឬ​អ៊ី​អន​ភ្នំពេញ​ត្រូវបាន​បិទ​ជា​បណ្តោះអាសន្ន​ក្រោយពេល​រកឃើញ​វិជ្ជមាន​មេរោគ​កូ​វីដ​១៩​លើ​ខ្លួន​ស្ត្រី​ម្នាក់​ដែល​បាន​ចូលទៅ​កាន់​ផ្សារ​នេះ​ដើម្បី​ញ៉ាំ​អាហារ​និង​ទិញ​ឥ​វ៉ាន់​មួយចំនួន​។​នេះ​បើតាម​ការបញ្ជាក់​របស់​លោកស្រី យក់ សម្បត្តិ រដ្ឋលេខាធិការ​ក្រសួងសុខាភិបាល​។​
​លោកស្រី​បាន​បញ្ជាក់ថា ស្ត្រី​ខ្មែរ​រូបនេះ ត្រូវបាន​ធ្វើតេស្ត​ឃើញថា មាន​វិជ្ជមាន​មេរោគ​កូ​វីដ​១៩ នៅ​ល្ងាច​ថ្ងៃទី​២៨ ខែវិច្ឆិកា នេះ​បន្ទាប់ពី​រូបគាត់​ចេញ​រោគសញ្ញា​សង្ស័យ​ហើយ​ភ្លាមៗ​នេះ​ក្រសួងសុខាភិបាល​ក៏​បាននិងកំពុង​ស្វែងរក​អ្នកពាក់ព័ន្ធ​ជាមួយ​គាត់​នៅក្នុង​ផ្សារ​អ៊ី​អន​១​ដើម្បី​យកមក​ធ្វើតេស្ត​និង​ធ្វើ​ច​ត្តា​ឡី​ស័ក​ផងដែរ​។​ស្ត្រី​រូបនេះ​គឺជា​ភរិយារ​របស់លោក ឆែម សាវុធ អគ្គនាយក​នៃ​អគ្គនាយកដ្ឋាន​ពន្ធនាគា​រ​។​
​លោកស្រី​បាន​បញ្ជាក់ថា​ការសម្រេច​បិទ​ផ្សារ​អ៊ី​អន​១ រយៈពេល​ប៉ុន្មាន​ថ្ងៃ​សិន ដើម្បី​តាមដាន​រក​អ្នកពាក់ព័ន្ធ​មក​ធ្វើតេស្ត និង​ទប់ស្កាត់​ការចម្លង​មេរោគ​កូ​វីដ​១៩ បន្តទៀត​។​
​បើតាម​សារ​សំឡេង​របស់​មន្ត្រី​ក្រសួង​សុខា​អភិបាល​ដែល​ត្រូវបាន​ចែកចាយ​តាម​សារ​អេឡិចត្រូនិក​នៅ​យប់​នេះ​បាន​ឲ្យ​ដឹងថា​នៅ​ថ្ងៃទី​២៨​ខែវិច្ឆិកា​នេះ​ក្រសួងសុខាភិបាល​បាន​រកឃើញ​ករណី​វិជ្ជមាន​កូ​វីដ​១៩​ចំនួន​២​នាក់​ក្នុងនោះ​មាន​ម្នាក់​ជា​ភរិយា​មន្ត្រី​ម្នាក់​នៃ​ក្រសួងមហាផ្ទៃ ដោយមាន​រោគសញ្ញា​១០​ថ្ងៃ​មកហើយ ស្នាក់នៅ​បុរី​ប៉េង​ហ៊ួ​ត​ផ្លូវ​៦០ ម៉ែត្រ​។ ស្ត្រី​រូបនោះ​បាន​ទៅ​ផ្សារ​អ៊ី​អន​១​និង​បានធ្វើ​ដំណើរ​ឡើង​ចុះទៅ​ខេត្តសៀមរាប​ហើយ​បានធ្វើ​តេស្ត​នៅ​មន្ទីរពេទ្យ​មិត្តភាព​ខ្មែរ​សូ​វៀត គឺមាន​វិជ្ជមាន​កូ​វីត​១៩​។​
​សូមជម្រាបថា គិត​ត្រឹម​ម៉ោង ៧​ព្រឹក ថ្ងៃទី​២៨ ខែវិច្ឆិកា​កម្ពុជា​បាន​រកឃើញ​អ្នកមាន​វីរុស​កូ​វីដ​-១៩ មាន​ចំនួន​សរុប ៣០៨​នាក់ (​ស្រី្ត ៦៣​នាក់ និង​បុរស ២៤៥​នាក់​) ក្នុងនោះ​ចំនួន​អ្នក​ព្យាបាល​ជាសះស្បើយ​សរុប​ទូទាំងប្រទេស មាន​ចំនួន ២៩៩​នាក់ និង​អ្នក​សម្រាក​ព្យាបាល​នៅ​មន្ទីរពេទ្យ​ចំនួន ៩​នាក់​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular