Home ព័ត៌មានជាតិ នយោបាយ បន្ទាប់ពី​រកឃ...

បន្ទាប់ពី​រកឃើញ​កូ​វីដ​១៩​លើ​ភរិយា​មន្ត្រីជាន់ខ្ពស់​ម្នាក់ សម្តេច​តេ​ជោ​អំពាវនាវ​ឲ្យ​គោរព​វិធានការ​សុខាភិបាល​

ដោយៈ​មុនី​រ័ត្ន​,គូលែន/​ភ្នំពេញៈនៅ​រាត្រី​ថ្ងៃទី​២៨​ខែវិច្ឆិកា​នេះ​សម្តេច​តេ​ជោ​ហ៊ុនសែន​នាយករដ្ឋមន្ត្រី​កម្ពុជា​អំពាវនាវ​សម្រាប់​ប្រជាពលរដ្ឋ​កុំ​មានការ​ឆោឡោ​ភ័យខ្លាច​រហូត​ទៅដល់​ការបាត់បង់​នូវ​ការគ្រប់គ្រង​ប៉ុន្តែ​សម្តេច​ស្នើ​ឲ្យ​ប្រជាពលរដ្ឋ​បង្កើន​នូវ​ការយកចិត្តទុកដាក់​អនុវត្ត​វិធានការ​ណែនាំ​របស់​ក្រសួងសុខាភិបាល​ដើម្បី​បង្ការ​ទប់ស្កាត់​ជំងឺ​កូ​វីដ​១៩​។​


ក្នុង​សារ​ជា​សំឡេង​ដែល​ត្រូវបាន​ផ្សព្វផ្សាយ​តាម​ប្រព័ន្ធ​អេឡិចត្រូនិក សម្ដេចនាយក​រដ្ឋមន្ត្រី ហ៊ុន សែន បាន​មានប្រសាសន៍​ជូន​ដល់​ថ្នាក់ដឹកនាំ មន្ត្រីរាជការ​គ្រប់លំដាប់​ថ្នាក់​និង​ប្រជាពលរដ្ឋ​ទូទាំងប្រទេស​ថា ថ្ងៃនេះ ក្រសួងសុខាភិបាល​បាន​រកឃើញ​ករណី​មួយ​ទៅលើ​ភរិយា​របស់​អគ្គនាយក​ពន្ធនាគារ​ដែលមាន​កា​រ​កើត​នៅ covid 19 ។ នេះ​ជា​ករណី​ដំបូង​បំផុត​ដែល​យើង​អាច​ចាត់ទុកថា​ជាការ​ឆ្លង​ក្នុង​សហគមន៍​ហើយ​មានការ​ពាក់ព័ន្ធ​ជាមួយនឹង​ទីក្រុង​ភ្នំពេញ ខេត្តសៀមរាប ហើយ​និង​អាចឈាន​ទៅដល់​ខេត្តបន្ទាយមានជ័យ​ខេត្តមណ្ឌលគិរី ។ ក្នុងស្ថានភាព​បែបនេះ​រាជរដ្ឋាភិបាល​បាន​ប្រកាន់យក​វិធានការ​បន្ទាន់ដោយ​ធ្វើការ​ប្រមូលផ្តុំ​អ្នក​ដែល​ជាប់​ពាក់ព័ន្ធ​ទាំង​ផ្តល់​ទាំង​ប្រយោល ដើម្បី​ឱ្យធ្វើ​ច​ត្តា​ឡី​ស័ក ក៏ដូចជា​យក​សំណាក​ទៅពិនិត្យ​។ ដោយឡែក​នៅ​ទីក្រុង​ភ្នំពេញ​មាន​ថ្នាក់​ឧបនាយករដ្ឋមន្ត្រី​គឺ​សម្ដេច​ក្រឡាហោម​សខេង ឧ​ត្ត​ម​ប៊ិន ឈិន ឯកឧត្តម កើត រិ​ទ្ធ ក៏ដូចជា​មេដឹកនាំ​មួយចំនួនទៀត​ទៅបាន​ប្រជុំ​ជាមួយគ្នា ចាំបាច់​ត្រូវធ្វើ​ច​ត្តា​ឡី​ស័ក ហើយក៏​ត្រូវ​ធ្វើការ​ធ្វើតេស្ត​ដោយ​មត់​ចត់ ក្នុងចំណោម​នោះ អាចមាន​ទាំង​ក្រុមគ្រួសារ​ផងដែរ​។

​សម្តេច​តេ​ជោ​បន្តថា ចំពោះ​ផ្សារ​អី​អន​១ សូម​អធ្យាស្រ័យ​ដោយសារតែ​មានការ​ចាំបាច់​ដើម្បី​នឹង​ការបិទ​ក្នុង​មួយរយៈ​ពេល​ខ្លី ដើម្បី​ត្រួតពិនិត្យ​អ្នក​ដែលមាន​ការពាក់ព័ន្ធ​។
​ជាមួយគ្នានេះ​សម្តេច​តេ​ជោ​សុំ​អំពាវនាវ​សម្រាប់​ប្រជាពលរដ្ឋ​កុំ​មានការ​ឆោឡោ​ភ័យខ្លាច​រហូត​ទៅដល់​ការបាត់បង់​នូវ​ការគ្រប់គ្រង​ប៉ុន្តែ​សម្តេច​ស្នើ​ឲ្យ​ប្រជាពលរដ្ឋ​របស់​យើង​បង្កើន​នូវ​ការយកចិត្តទុកដាក់​ពាក់​ព័ន្ធ​ជាមួយនឹង​ការការពារ​ខ្លួន​តាមរយៈ​ការពាក់​ម៉ាស់​តាមរយៈ​ការ​លាងដៃ​ការ​អនាម័យ​តាម​ការណែនាំ​របស់​ក្រសួងសុខាភិបាល​ក្នុងករណី​ទៅនឹង​ការសង្ស័យ​ទៅរក​ការបញ្ជាក់​ពី​គ្រូពេទ្យ​ឲ្យ​បាន​ឆាប់​។

សម្តេច​តេ​ជោ​សុំ​ឲ្យ​បង្កើន​នូវការប្រុងប្រយ័ត្ន​ដើម្បី​ការពារ​ខ្លួន​នៅក្នុង​កាលៈទេសៈ​ដ៏​ចាំបាច់​នេះ​ ហើយ​បើ​អាច​ចៀសវាង​បាន​សុំ​ឲ្យ​ចៀសវាង​កុំ​ធ្វើការ​ប្រមូលផ្តុំ​ណាមួយ។ សម្តេចមិនមាន​ការអំពាវនាវ​ដើម្បី​បិទ​សាលារៀន​នៅ​ទីក្រុង​ភ្នំពេញ​ឬ​ខេត្តសៀមរាប ឬ​ខេត្ត​ដែលមាន​ការពាក់ព័ន្ធ​ទេ ។អ្វីដែល​ជាការ​ចាំបាច់​នៅពេលនេះ គឺ​តម្រូវការ​នៅ​ការពាក់​ម៉ាស នៅ​ការ​លាងដៃ នៅ​ការរក្សា​គម្លាត​សុវត្ថិភាព​តែប៉ុណ្ណោះ។ យើង​ត្រូវ​ទុក​ឲ្យ​ដំណើរ​ការ​ទៅ​ធម្មតា​តាម​គន្លង​ថ្មី​ដែល​រាប់ទាំង​សាលារៀន​ផងដែរ​។ សង្ឃឹមថា​បងប្អូន​ប្រជាពលរដ្ឋ​របស់​យើង​និង​យល់​ដល់​សភាព​ការ​នេះ ហើយ​ខ្ញុំ​នឹង​តាមដាន​ដោយ​យកចិត្តទុកដាក់​ទៅលើ​ការវិវត្តន៍​នៃ​សភាពការណ៍​ទាំងអស់​ដែល​ក្រសួងសុខាភិបាល​នឹង​ផ្នែក​ពាក់ព័ន្ធ​រាយការណ៍​ឲ្យ​ខ្ញុំ​ជា​បន្តបន្ទាប់​។

ឥឡូវនេះ​បើទោះបីជា​បញ្ហា​នេះ​បានកើត​នៅ​ទីក្រុង​សៀមរាប ក៏​ខ្ញុំ​កំពុង​ឋិត​នៅក្នុង​សៀមរាប ហើយ​ខ្ញុំ​នៅតែ​ដំណើរការ​កម្មវិធី​ធម្មតា ដោយ​គ្រាន់តែ​បង្កើត​នូវ​ការប្រុងប្រយ័ត្ន​តែប៉ុណ្ណោះ។ ដូច្នេះ​មិនមាន​ការលុបចោល​នូវ​កម្មវិធី​ដែល​បាន​គ្រោងទុក​សម្រាប់​ការបើក​ការដ្ឋាន​ផ្លូវ ៣៨​ខ្សែ រួម​និង​ការកែលម្អ​នៅ​ដងស្ទឹង​សៀមរាប​ផង នោះទេ​។ សូម​បងប្អូន​បង្កើន​ការយកចិត្តទុកដាក់​ទៅលើ​ការការពារ​ខ្លួន​។​ប្រសិនបើ​គ្មាន​ការចាំបាច់​ទេ​សូមកុំ​ចេញ​ក្រៅ​ផ្ទះ​។ ​នៅក្នុង​ផ្ទះ ដើម្បី​ងាយស្រួល​ឲ្យ​អាជ្ញាធរ​ធ្វើការ​ត្រួតពិនិត្យ ទៅលើ​បញ្ហា​ទាំងឡាយ​។ ឯ​អ្នក​ដែល​ត្រូវធ្វើ​ច​ត្តា​ឡី​ស័ក​ក៏ត្រូវ​ធ្វើ​ឲ្យ​បាន​ម៉ត់ចត់​ចៀសវាង​និង​ការ​សេ​ា​យ​ភាយ​ទៅកាន់​កន្លែង​ផ្សេងទៀត​។ សង្ឃឹមថា​បងប្អូន​ប្រជាពលរដ្ឋ​យើង​នឹង​ជំនះបាន​នូវ​ការលំបាក​នៅក្នុង​កាលៈទេសៈ​មិន​ស្មោះ​មិនទាន់​ច្បាស់លាស់​នេះ​ការដែល​យើង​យក​វិធានការ​នេះ​គឺជា​ការដែល​យើង​ខិតខំ​ចៀសវាង​ឲ្យ​ខាន​តែ​បាន​ទៅនឹង​ការរីក​រាលដាល​ទៅក្នុង​សហគមន៍​។ សង្ឃឹមថា ប្រជាពលរដ្ឋ​របស់​យើង​នឹងមាន​ការយោគយល់​ចំពោះ​សភាពការណ៍​នេះ​។ ថ្នាក់​ឧបបនាយករដ្ឋមន្ត្រី​ថ្នាក់​រដ្ឋមន្ត្រី​រដ្ឋលេខាធិកា​រ និង​មន្ត្រី​មួយចំនួន​រាប់ទាំង​អភិបាលក្រុង​សៀមរាប​ក៏បាន​នឹង​កំពុង​ធ្វើ​ច​ត្តា​ឡី​ស័ក​ផងដែរ ដែល​ទើបតែ​ដឹងថា មានការ​ពាក់ព័ន្ធ​នឹង​ទទួលទាន​អាហារ​ជាមួយនឹង​ឪពុក​ដែល​បាន​ទាក់ទង​ជាមួយនឹង​អគ្គនាយក​ពន្ធនាគារ និង​ភរិយា​របស់គាត់ ដូច្នេះ​គ្រាន់តែ​ពាក់ព័ន្ធ​បែបនេះ ឪពុក​បានធ្វើ​ដំណើរ​ម​ក​សៀមរាប​ក៏ត្រូវ​ឲ្យ​កូន​នៅ​សៀមរាប​ដែលជា​អភិបាលក្រុង​សៀមរាប​ធ្វើ​ច​ត្តា​ឡី​ស័ក​ផងដែរ ក៏ដោយ​គឺជា​វិធាន​ការដែល​យើង​ប្រកាន់យក មានតែ​វិធានការ​នេះ​ទេ​ដែល​អាយ​យកឈ្នះ​កូ​វីដ​១៩ ដែល​អាច​ចាត់ទុកថា​ជា​ករណី​ដំបូង​បំផុត​ក្នុង​ការឆ្លង​ចេញពី​សហគមន៍ ដែល​មិនទាន់​ដឹង​ច្បាស់​ថា តើ​ភរិយា​របស់​អគ្គនាយក​ពន្ធនាគារ​បាន​ឆ្លង​ពី​អ្នកណា និង​បាន​ចម្លង​ទៅ​អ្នកណា​ខ្លះទៀត ៕សរន

 

 

ទីតាំងផ្សាយពាណិជ្ជកម្ម

- Advertisment -

Most Popular