Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​ក្រូ​អាស៊ី ដាក់​ខ្លួន​នៅ​ដាច់​ពី​គេ បន្ទាប់​ពី​ភរិយា​ឆ្លងកូវី​ដ​១៩

​ប្រែ​សម្រួលៈ​វាសនា​/​បែ​ល​ហ្ក្រា​ដ​៖ ​នាយករដ្ឋមន្ត្រី ក្រូ​អាស៊ី លោក​អង់​ដ្រេ ផ្លេន​កូ​វិច នឹងដាក់​ខ្លួន​នៅ​ដាច់​ពី​គេ​ជាង​មួយ​សប្តាហ៍ ក្រោយ​ភរិយា​របស់​លោក​ត្រូវបាន​ធ្វើតេស្តិ៍​ឃើញកូ​វីដ​១៩ នេះ​បើ​តាម​ការប្រ​​កាស​របស់​រដ្ឋាភិបាល​។​

​នាយករដ្ឋមន្ត្រី ក្រូ​អាស៊ី លោក​អង់​ដ្រេ ផ្លេន​កូ​វិច

​អ្នកនាំពាក្យ​រដ្ឋាភិបាល​លោក​ម៉ាកូ មី​លិក បាន​និយាយ​តាម​បណ្តាញ​សង្គម​ទ្វី​ត​ធឺ ថា «​ក្រោយ​ពី​ក្តៅខ្លួន​ល្មម ភរិយា​របស់​លោកនាយ​ក​រដ្ឋមន្ត្រី បាន​ធ្វើតេស្តិ៍​រក​កូវី​ដ​១៩​កាលពី​ថ្ងៃ​សៅរ៍ និង​បង្ហាញ​ថា​វិជ្ជមាន​​កូវី​ដ​១៩​។ លោកនាយក​រដ្ឋមន្ត្រី អង់​ដ្រេ ផ្លេន​កូ​វិច ក៏​ត្រូវបាន​ធ្វើតេស្តិ៍​កាលពី​ថ្ងៃសៅរ៍​តែ​អវិជ្ជមាន មានន័យថា​មិន​មានកូ​វីដ​១៩​ទេ តែ​លោក​ត្រូវ​បង្ខាំង​ខ្លួន​ឯង​នៅ​ដាច់​ពី​គេ​១០​ថ្ងៃ​ដើម្បី​ជា​វិធានការ​បង្ការ​»​។​

​សូមបញ្ជាក់​ថា ក្រូ​អាស៊ី​មាន​អ្នក​ឆ្លង​ជំងឺ​នេះ​សរុប​ជិត​១២៣.៧០០​នាក់​។​កាលពី​ថ្ងៃ​សៅរ៍ ប្រទេស​អឺរ៉ុប​នេះ​មាន​អ្នក​ឆ្លង​ថ្មី​៣.៩៨៧​នាក់​នៅ​២៤​ម៉ោង​កន្លងទៅ​។​

​ប្រទេស​នេះ​គិត​ត្រឹម​ថ្ងៃ​សៅរ៍ មាន​អ្នកស្លាប់​ដោយកូវី​ដ​១៩​ចំនួន​១.៦៥៥​នាក់ បន្ទាប់​ពី​៥៥​នាក់​ទៀត​បាន​ស្លាប់​កាលពី​ថ្ងៃ​សៅរ៍​។​

​គិត​មក​ត្រឹម​ថ្ងៃ​២៩​វិច្ឆិកា​នេះ ទូទាំង​ពិភពលោក​មាន​អ្នក​ឆ្លង​ជំងឺ​កូវី​ដ​១៩​ជាង​៦២,០៨​លាន​នាក់ ក្នុងនេះ​១,៤៤៩​លាន​នាក់​បាន​ស្លាប់ នេះ​បើ​តាម​ទិន្នន័យ​ប្រមូលបាន​ដោយ​សកល​វិទ្យាល័យ​Johns Hopkins University (JHU)៕

ទីតាំងផ្សាយពាណិជ្ជកម្ម

- Advertisment -

Most Popular