Home ព័ត៌មានអន្តរជាតិ រកឃើញ​គ្រោងឆ្...

រកឃើញ​គ្រោងឆ្អឹង​បា​ឡែន​អាយុកាល​៥០០០ ឆ្នាំ​នៅ​ថៃ​

​ប្រែ​សម្រួល : កញ្ញា​ដា​លី​ស ៖ អ្នកជំនាញ​បាន​ប៉ាន់ប្រមាណ​ថា គ្រោងឆ្អឹង​ត្រី​បា​ឡែន​នៅល្អ​ប្រវែង​១២ ម៉ែត្រ​រកឃើញ​នៅក្នុង​ប្រទេស​ថៃ មាន​អាយុ​ចន្លោះ​ពី ៣.០០០ ទៅ ៥.០០០ ឆ្នាំ​។​

​ក្រុម​អ្នកស្រាវជ្រាវ​បាន​រកឃើញ គ្រោងឆ្អឹង​ផូស៊ីល​ផ្នែក​ខ្លះ ដែល​ជា​កម្មសិទ្ធិ​របស់​ត្រី​បាឡែ​ន​ប្រាយ (Bryde) ស្ថិតនៅ​ចម្ងាយ​ប្រហែល ១២ គីឡូម៉ែត្រ​ពី​ឆ្នេរ​ក្នុង​ខេត្ត​សាមុត​សា​ខន​ភាគ​ខាងលិច​ទីក្រុង​បាង​​កក​។

​ត្រី​បាឡែ​ន​ប្រាយ ដែល​អាច​មាន​ទម្ងន់​ពី ១៣ រហូតដល់ ២៨ តោន រស់​នៅក្នុង​សមុទ្រ​ត្រូពិក​ក្តៅ​នៅ​លើ​ពិភពលោក ហើយ​នៅតែ​អាច​រកឃើញ​នៅក្នុង​ដែនទឹក​ជុំវិញ​ប្រទេស​ថៃ​សព្វថ្ងៃ​។​

​ក្នុង​រយៈពេល ១០.០០០ ឆ្នាំ​ចុងក្រោយ​នេះ សកម្មភាព​កម្រើក​នៃ​សំបក​ផែនដី​បាន​ធ្វើឱ្យ​តំបន់​នេះ​មាន​កម្ពស់​ខ្ពស់​ជាង​មុន ៤ ម៉ែត្រ​ធៀប​នឹង​កម្ពស់​ទឹកសមុទ្រ​។​នេះ​អាច​ពន្យល់បាន​ពី​របៀប​ដែល​ត្រី​​បាឡែ​ន​បាន​បញ្ចប់ទៅ​នៅ​លើ​អ្វី​ដែល​ជា​ដីគោក​នា​ពេល​សព្វថ្ងៃ​។​

​អ្នកជំនាញ​សាកសព​ម៉ាំ​មី លោក ម៉ា​គូស ចូ​វ មកពី​សាកលវិទ្យាល័យ​ជាតិ​សិង្ហ​បុរី​បាន​ប្រាប់​សារព័ត៌មាន BBC ថា គ្រោងឆ្អឹង​រក្សា​បាន​យ៉ាង​ល្អ​នេះ​គឺ​តំណាង​ឱ្យ “​ការរកឃើញ​ដ៏​កម្រ​”​។​

​លោក​បាន​បកស្រាយ​ថា “​មាន​គ្រោងឆ្អឹង​ហ្វូ​ស៊ីល​បា​ឡែន​ក្រោម​ដី​តិចតួច​ណាស់​នៅ​អាស៊ី​” ដោយ​លោក​បន្ថែមថា វា​រឹតតែ​មាន​តិចតួច​ថែមទៀត​ចំពោះ​គ្រោងឆ្អឹង​ដែល​រក្សា​បាន​ល្អ​ដូច្នេះ​៕

​គ្រោងឆ្អឹង​បា​ឡែន​អាយុ ៥០០០​ឆ្នាំ​រកឃើញ​នៅ​ឆ្នេរ​សាមុត​សា​ខន​

ទីតាំងផ្សាយពាណិជ្ជកម្ម

- Advertisment -

Most Popular